កម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិដំណាក់កាលទី១
(កជទី១) រយៈពេល១០ឆ្នាំ (២០១០-២០២០) ត្រូវបានរៀបចំ និងដាក់ឱ្យអនុវត្តចប់ដោយជោគជ័យនាចុងឆ្នាំ២០២០
និងកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិដំណាក់កាលទី២
(កជទី២) រយៈពេល១០ឆ្នាំ (២០២១-២០៣០) ត្រូវបានរៀបចំ និងបានប្រកាសឱ្យអនុវត្តជាផ្លូវការដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នាថ្ងៃទី៩ ខែធ្នូ
ឆ្នាំ២០២១។ លេខាធិការដ្ឋាន គ.ជ.អ.ប. ជាសេនាធិការឱ្យ គ.ជ.អ.ប. ក្នុងដំណើរការរៀបចំ
សម្របសម្រួល និងអនុវត្តកម្មវិធីជាតិ ដើម្បីធានាសម្រេចបានចក្ខុវិស័យ
គោលបំណង គោលដៅ និងលទ្ធផលរំពឹងទុកប្រកបដោយប្រសិទ្ធភាព និងប្រសិទ្ធផល។
កជទី២ ត្រូវរៀបចំនិងអនុវត្តជាពីរដំណាក់កាល
ដែលដំណាក់កាលនីមួយៗត្រូវរៀបចំឱ្យមានផែនការអនុវត្ត៥ឆ្នាំ ដែលហៅកាត់ថា ផអ៥ទី១ (២០២១-២០២៥) និង ផអ៥ទី២ (២០២៦-២០៣០)។
នៅតាមដំណាក់កាលផែនការអនុវត្តនីមួយៗត្រូវរៀបចំជាផែនការសកម្មភាព និងថវិកាប្រចាំឆ្នាំរបស់
គ.ជ.អ.ប. សម្រាប់ការអនុវត្តសកម្មភាពជាអាទិភាពនានា ដែលត្រូវអនុវត្តដោយក្រសួង
ស្ថាប័នពាក់ព័ន្ធនៅថ្នាក់ជាតិ និងរដ្ឋបាលថ្នាក់ក្រោមជាតិដោយមានកិច្ចសហការជាមួយដៃគូអភិវឌ្ឍន៍
អង្គការសង្គមស៊ីវិល ដែលក្នុងនោះក៏មានការគាំទ្រតាមរយៈគម្រោង និងកម្មវិធីដាច់ដោយឡែកនានា។
ស្ថិតក្នុងបរិវេណក្រសួងមហាផ្ទៃ អគារ (V) មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា
(+855) 78 575 775
info@ncdd.gov.kh
