១. អង្គភាពវិភាគ និងអភិវឌ្ឍន៍គោលនយោបាយ៖ មានតួនាទីសិក្សា ស្រាវជ្រាវ វិភាគ រៀបចំ និងតម្រឹមក្របខណ្ឌគតិយុត្តនានាពាក់ព័ន្ធនឹងគោលនយោបាយវិមជ្ឈការ និងវិសហមជ្ឈការ រួមមានដូចជា ការផ្ទេរមុខងារនិងធនធាន វិមជ្ឈការហិរញ្ញវត្ថុ ការកសាងផែនការ ការគ្រប់គ្រងបុគ្គលិក ការគ្រប់គ្រងធនធានធម្មជាតិ ការបញ្រ្ជាបយេនឌ័រ ការប្រែប្រួលអាកាសធាតុ និងការអភិវឌ្ឍសមត្ថភាពរបស់រដ្ឋបាលថ្នាក់ក្រោមជាតិ។

អង្គភាពវិភាគ និងអភិវឌ្ឍន៍គោលនយោបាយមានការិយាល័យចំណុះចំនួន៤ ដូចខាងក្រោម៖

• ការិយាល័យមុខងាររដ្ឋបាលថ្នាក់ក្រោមជាតិ
• ការិយាល័យហិរញ្ញវត្ថុ និងផែនការរដ្ឋបាលថ្នាក់ក្រោមជាតិ
• ការិយាល័យអភិវឌ្ឍន៍សមត្ថភាព និងធនធានមនុស្សរដ្ឋបាលថ្នាក់ក្រោមជាតិ
• ការិយាល័យអន្តរវិស័យ និងសហប្រតិបត្តិការ

អង្គភាពត្រួតពិនិត្យ វាយតម្លៃ និងព័ត៌មានមានការិយាល័យចំណុះចំនួន៣ ដូចខាងក្រោម៖

• ការិយាល័យត្រួតពិនិត្យ និងវាយតម្លៃ
• ការិយាល័យព័ត៌មានវិទ្យា
• ការិយាល័យទំនាក់ទំនង និងផ្សព្វផ្សាយព័ត៌មាន

៣. អង្គភាពគ្រប់គ្រង និងគាំទ្រកម្មវិធី៖ មានតួនាទីសំខាន់ពាក់ព័ន្ធនឹងការរៀបចំ ការគ្រប់គ្រង និងការអនុវត្តកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ការកៀរគរធន​ធានសម្រាប់អនុវត្តកម្មវិធីជាតិ ផែនការអនុវត្ដកម្មវិធីជាតិ ផែនការសកម្មភាពនិងថវិកាប្រចាំឆ្នាំរបស់ គ.ជ.អ.ប.  និងការសម្របសម្រួល និងតម្រឹមគម្រោងកម្មវិធីដោយឡែកនានាជាមួយកម្មវិធីជាតិ។

អង្គភាពគ្រប់គ្រង និងគាំទ្រកម្មវិធីមានការិយាល័យចំណុះចំនួន៣ ដូចខាងក្រោម៖

• ការិយាល័យអភិវឌ្ឍន៍ និងគ្រប់គ្រងកម្មវិធីជាតិ
• ការិយាល័យគាំទ្រសេវាបច្ចេកទេសទូទៅ
• ការិយាល័យគ្រប់គ្រងគម្រោង

៤. អង្គភាពរដ្ឋបាល និងហិរញ្ញវត្ថុ៖ មានតួនាទីសំខាន់ៗពាក់ព័ន្ធនឹងការគ្រប់គ្រង ការចាត់ចែង និងការផ្ដល់ការគាំទ្រផ្នែករដ្ឋបាល និងហិរញ្ញវត្ថុសម្រាប់ការអនុវត្ដកម្មវិធីជាតិ ការគ្រប់គ្រងបុគ្គលិក និងការគ្រប់គ្រងទ្រព្យសម្បត្ដិរបស់ គ.ជ.អ.ប។

អង្គភាពរដ្ឋបាល និងហិរញ្ញវត្ថុមានការិយាល័យចំណុះចំនួន៤ ដូចខាងក្រោម៖

• ការិយាល័យហិរញ្ញវត្ថុ
• ការិយាល័យរដ្ឋបាល និងសារពើភ័ណ្ឌ
• ការិយាល័យលទ្ធកម្ម
• ការិយាល័យគ្រប់គ្រងបុគ្គលិក

៥. ក្រុមសវនកម្មផ្ទៃក្នុង៖ មានតួនាទីពាក់ព័ន្ធនឹងការធ្វើសវនកម្មផ្ទៃក្នុងលើការអនុវត្តរបស់អង្គភាពទាំងអស់ទាំងនៅថ្នាក់ជាតិ និងថ្នាក់ក្រោមជាតិដែលទទួលអនុវត្ដកម្មវិធី ឬគម្រោងស្ថិតនៅក្រោមក្របខណ្ឌនៃការគ្រប់គ្រងរបស់ គ.ជ.អ.ប.។

៦. ក្រុមជំនួយការ៖ មានតួនាទីពាក់ព័ន្ធនឹងការសម្របសម្រួល សហការ និងធ្វើទំនាក់ទំនងជាប្រចាំជាមួយអង្គភាព និងការិយាល័យនានា រៀបចំរបៀបវារៈនិងខ្លឹមសារសម្រាប់កិច្ចប្រជុំ គ.ជ.អ.ប. និងរក្សាទុកដាក់រាល់ឯកសារប្រជុំទាំងអស់របស់ គ.ជ.អ.ប. ពិនិត្យនិងផ្តល់យោបល់លើឯកសារ និងរបាយការណ៍នានាដែលត្រូវដាក់ជូនថ្នាក់ដឹកនាំលេខាធិការដ្ឋាន គ.ជ.អ.ប. រៀបចំឯកសារ របាយការណ៍ និងកំណត់ហេតុកិច្ចប្រជុំ កាលវិភាគ និងការណាត់ជួបពិភាក្សាការងាររបស់ថ្នាក់ដឹកនាំលេខាធិការដ្ឋាន គ.ជ.អ.ប.។