កិច្ចប្រជុំតាមដានវឌ្ឍនភាពការងារ នៃក្រុមការងារតាមដាន ត្រួតពិនិត្យការអនុវត្តតួនាទី ភារកិច្ច និងប្រសិទ្ធភាពការងារក្នុងសមត្ថកិច្ចក្រសួងមហាផ្ទៃ

១៣ តុលា ២០២៦

ទីស្តីការក្រសួងមហាផ្ទៃ៖ នារសៀលថ្ងៃអង្គារ ២កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែតុលា ឆ្នាំ២០២៦ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញចូលរួមក្នុងកិច្ចប្រជុំតាមដានវឌ្ឍនភាពការងាររបស់ក្រុមការងារតាមដាន និងត្រួតពិនិត្យការអនុវត្តតួនាទី ភារកិច្ច និងប្រសិទ្ធភាពការងារក្នុងសមត្ថកិច្ចក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

កិច្ចប្រជុំនេះមានគោលបំណងតាមដាន និងពិនិត្យវឌ្ឍនភាពនៃការអនុវត្តការងាររបស់ក្រុមការងារទាំង ៩ ក្រុម ព្រមទាំងពិនិត្យលើការអនុវត្តតួនាទី ភារកិច្ច និងប្រសិទ្ធភាពការងារក្នុងសមត្ថកិច្ចក្រសួងមហាផ្ទៃ ដើម្បីជំរុញការអនុវត្តការងារឱ្យកាន់តែមានប្រសិទ្ធភាព និងសម្រេចបាននូវលទ្ធផលតាមការគ្រោងទុក៕

Facebook Telegram 𝕏Twitter LinkedIn