កិច្ចប្រជុំក្រុមការងារបច្ចេកទេសអន្តរក្រសួងស្តីពីការគាំទ្រ តាមដាន និងត្រួតពិនិត្យការរៀបចំកំណត់មុខតំណែងវិជ្ជាជីវៈ និងការពិពណ៌នាមុខតំណែងក្នុងរចនាសម្ព័ន្ធរបស់រដ្ឋបាលក្រុង ស្រុក ខណ្ឌ

១០ មិថុនា ២០២៦

លេខាធិការដ្ឋាន គ.ជ.អ.ប.៖ នាព្រឹកថ្ងៃអង្គារ ៩រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែមិថុនា ឆ្នាំ២០២៦ ឯកឧត្តម ជ័យ សម្បត្តិផល្លា ប្រធានអង្គភាពវិភាគ និងអភិវឌ្ឍន៍គោលនយោបាយ តំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញដឹកនាំកិច្ចប្រជុំក្រុមការងារបច្ចេកទេសអន្តរក្រសួងស្តីពីការគាំទ្រ តាមដាន និងត្រួតពិនិត្យការរៀបចំកំណត់មុខតំណែងវិជ្ជាជីវៈ និងការពិពណ៌នាមុខតំណែងក្នុងរចនាសម្ព័ន្ធរបស់រដ្ឋបាលក្រុង ស្រុក ខណ្ឌ។

កិច្ចប្រជុំក៏មានការចូលរួមពីតំណាងក្រសួងមុខងារសាធារណៈ តំណាងអគ្គនាយកដ្ឋានរដ្ឋបាល ក្រសួងមហាផ្ទៃ តំណាងអង្គការ GIZ និងក្រុមការងារនៃលេខាធិការដ្ឋាន គ.ជ.អ.ប.សរុប២០រូប ស្រ្តី៥រូប។

របៀបវារៈនៃកិច្ចប្រជុំ៖

១. បទបង្ហាញស្តីពីការកំណត់មុខតំណែងវិជ្ជាជីវៈ និងការពិពណ៌នាមុខតំណែងក្នុងរចនាសម្ព័ន្ធរបស់រដ្ឋបាលក្រុង ស្រុក ខណ្ឌ

២. បទបង្ហាញអំពីផែនការសកម្មភាពវិធីសាស្ត្រ និងកម្មវិធីនៃការចុះគាំទ្រ តាមដាន និងត្រួតពិនិត្យការរៀបចំកំណត់មុខតំណែងវិជ្ជាជីវៈ និងការពិពណ៌នាមុខតំណែងក្នុងរចនាសម្ព័ន្ធរបស់រដ្ឋបាលក្រុង ស្រុក ខណ្ឌ

កិច្ចប្រជុំបានសម្រេចទៅលើកិច្ចការមួយចំនួនដូចខាងក្រោម៖

១. ពិនិត្យលម្អិតទៅលើមុខងារតាមលិខិតបទដ្ឋានគតិយុត្ត មុខងារចាំបាច់/តម្រូវការសេវា និងទំហំ

មុខងារ

២. ការចុះពិនិត្យផ្ទាល់ទៅលើទិដ្ឋភាពការអនុវត្តជាក់ស្តែងនៅតាមក្រុង ស្រុក ខណ្ឌ មួយចំនួនតាមបណ្តារាជធានី ខេត្ត

កិច្ចប្រជុំនេះមានការចូលរួមយ៉ាងផុលផុសពីតំណាងក្រសួង ស្ថាប័ន និងអង្គភាពពាក់ព័ន្ធ ដើម្បីសម្រេចបានលទ្ធផលនៃការកំណត់មុខតំណែងវិជ្ជាជីវៈ និងការពិពណ៌នាមុខតំណែង ឱ្យមានភាពត្រឹមត្រូវតាមអនុក្រឹត្យលេខ ៧៦ ស្តីពីការកំណត់មុខតំណែងវិជ្ជាជីវៈ និងការពិពណ៌នាមុខតំណែងនានាក្នុងរចនាសម្ព័ន្ធរបស់រដ្ឋបាលក្រុង ស្រុក ខណ្ឌ និងការគ្រប់គ្រងធនធានមនុស្សឱ្យមានប្រសិទ្ធភាពកាន់តែខ្ពស់នាពេលអនាគត៕

Facebook Telegram 𝕏Twitter LinkedIn

បណ្ដុំរូបភាព

ព្រឹត្តិការណ៍ថ្មីៗ

វគ្គបណ្តុះបណ្តាលស្តីពី ការអនុវត្តសាកល្បងលើការបន្សាំនឹងការប្រែប្រួលអាកាសធាតុតាមរយៈការងារគណនេយ្យភាពសង្គម (SA-CCA Project) ដល់ផ្នែកផ្គត់ផ្គង់នៅក្នុងស្រុកគោលដៅទាំងបី នៃខេត្តបាត់ដំបង

១០ មិថុនា ២០២៦