កិច្ចប្រជុំនេះមានគោលបំណងពិនិត្យ ពិភាក្សា ពិគ្រោះយោបល់ និងប្រមូលធាតុចូលបន្ថែម សម្រាប់តម្រង់ទិសលើការរៀបចំផែនការសកម្មភាព និងថវិកា ឆ្នាំ២០២៧ របស់រដ្ឋបាលរាជធានី-ខេត្តពាក់ព័ន្ធ ឱ្យកាន់តែមានភាពច្បាស់លាស់ គ្រប់ជ្រុងជ្រោយ និងមានការឯកភាពគ្នារវាងរដ្ឋបាលថ្នាក់ក្រោមជាតិ ដែលជាអ្នកអនុវត្តផ្ទាល់។

កិច្ចប្រជុំនេះមានការអញ្ជើញចូលរួមយ៉ាងច្រើនកុះករពី ថ្នាក់ដឹកនាំ និងមន្ត្រីតំណាងមកពីរដ្ឋបាលរាជធានី-ខេត្តទាំង ២៥ ព្រមទាំងថ្នាក់ដឹកនាំ និងមន្ត្រីបច្ចេកទេស នៃលេខាធិការដ្ឋាន គ.ជ.អ.ប. សរុបចំនួន ៧៩រូប និង ស្រ្តី៣២ រូប ។

ជាលទ្ធផល កិច្ចប្រជុំបានដំណើរការទៅយ៉ាងរលូន ភាពស្និទ្ធស្នាល និងទទួលបានផ្លែផ្កាយ៉ាងត្រចះត្រចង់ តាមរយៈវត្តមាន និងការចូលរួមយ៉ាងផុសផុលពីសមាសភាពថ្នាក់ដឹកនាំរដ្ឋបាលរាជធានី-ខេត្តទាំង ២៥ កិច្ចប្រជុំបានបើកទូលាយឱ្យមានការផ្លាស់ប្តូរមតិយោបល់គ្នាយ៉ាងស៊ីជម្រៅ ការជជែកពិភាក្សាប្រកបដោយស្មារតីទទួលខុសត្រូវខ្ពស់ និងការផ្តល់ជាធាតុចូលបច្ចេកទេសសំខាន់ៗយ៉ាងសកម្ម ដើម្បីធានាឱ្យការរៀបចំផែនការសកម្មភាព និងថវិកា (ផ.ស.ថ.) ឆ្នាំ២០២៧ របស់រដ្ឋបាលរាជធានី-ខេត្ត សម្រេចបានជោគជ័យ ស្របតាមគោលដៅ និងផែនការយុទ្ធសាស្ត្រដែលបានគ្រោងទុកប្រកបដោយប្រសិទ្ធភាពខ្ពស់៕