កិច្ចប្រជុំលើកទី១ របស់គណៈកម្មការដឹកនាំគម្រោង រដ្ឋបាលមូលដ្ឋាន និងការប្រែប្រួលអាកាសធាតុដំណាក់កាលទី៣ (LGCC-3)

០៣ តុលា ២០២៦

សាលប្រជុំលេខាធិការដ្ឋាន គ.ជ.អ.ប.៖ នាព្រឹកថ្ងៃសុក្រ ៦រោច ខែភទ្របទ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២ ខែតុលា ឆ្នាំ២០២៦ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. និងជាសហប្រធានគណៈកម្មការដឹកនាំគម្រោង រដ្ឋបាលមូលដ្ឋាន និងការប្រែប្រួលអាកាសធាតុដំណាក់កាលទី៣ (LGCC-3) និង លោកជំទាវ អឿន បញ្ចនាថ អនុរដ្ឋលេខាធិការក្រសួងបរិស្ថាន និងជាសហប្រធានគណៈកម្មការដឹកនាំគម្រោង រដ្ឋបាលមូលដ្ឋាន និងការប្រែប្រួលអាកាសធាតុដំណាក់កាលទី៣ (LGCC-3) បានអញ្ជើញជាគណៈអធិបតីដឹកនាំកិច្ចប្រជុំលើកទី១ របស់គណៈកម្មការដឹកនាំគម្រោង រដ្ឋបាលមូលដ្ឋាន និងការប្រែប្រួលអាកាសធាតុដំណាក់កាលទី៣ (LGCC-3) ដោយមានការចូលរួមពីសមាជិកនៃគណៈកម្មការដឹកនាំគម្រោងដែលរួមមាន តំណាងក្រសួងសេដ្ឋកិច្ចនិងហិរញ្ញវត្ថុ តំណាងអគ្គនាយករដ្ឋបាលក្រសួងមហាផ្ទៃ តំណាងក្រសួងកិច្ចការនារី តំណាងសម្ព័ន្ធភាពជាតិក្រុមប្រឹក្សាថ្នាក់មូលដ្ឋាន អភិបាលរងខេត្តពោធិ៍សាត់ អភិបាលរងខេត្តព្រះវិហារ អភិបាលរងខេត្តបាត់ដំបង និងដោយមានការចូលរួមពីក្រុមការងារដឹកនាំ និងអនុវត្តគម្រោង ទីប្រឹក្សា និងមន្រ្តីបច្ចេកទេសនៃលេខាធិការដ្ឋាន គ.ជ.អ.ប សរុបចំនួន៣០រូប ក្នុងនោះមានស្រ្តីចំនួន១២រូប។

កិច្ចប្រជុំនេះរៀបចំឡើងក្នុងគោលបំណង៖ (១). ប្រកាសសេចក្តីសម្រេចស្តីពីការបង្កើតគណៈកម្មការដឹកនាំគម្រោង រដ្ឋបាលមូលដ្ឋាន និងការប្រែប្រួលអាកាសធាតុ ដំណាក់កាលទី៣ (២). ធ្វើបទបង្ហាញរួមស្តីពីគម្រោងរដ្ឋបាលមូលដ្ឋាន និងការប្រែប្រួលអាកាសធាតុ ដំណាក់កាលទី៣ (៣).ធ្វើបទបង្ហាញស្តីពីផែនការសកម្មភាព និងថវិកាប្រចាំឆ្នាំ២០២៦ និង (៤).ពិនិត្យ និងអនុម័តលើផែនការសកម្មភាព និងថវិកាប្រចាំឆ្នាំ២០២៦៕

Facebook Telegram 𝕏Twitter LinkedIn

បណ្ដុំរូបភាព

ព្រឹត្តិការណ៍ថ្មីៗ

កិច្ចប្រជុំលើកទី១ របស់គណៈកម្មការដឹកនាំគម្រោង រដ្ឋបាលមូលដ្ឋាន និងការប្រែប្រួលអាកាសធាតុដំណាក់កាលទី៣ (LGCC-3)

០៣ តុលា ២០២៦

វេទិកា សប្តាហ៍គាំពារសង្គមកម្ពុជា ឆ្នាំ២០២៦ ក្រោមមូលបទ «ប្រព័ន្ធគាំពារសង្គមក្នុងពេលពហុវិបត្តិ (Polycrisis) ក្នុងបរិបទកម្ពុជា និងតំបន់៖ នវានុវត្តន៍ កិច្ចសហប្រតិបត្តិការ ភាពធន់ និងចីរភាព»

០១ តុលា ២០២៦