ភ្នំពេញ ២៩ កក្កដា ២០១៦៖ ការិយាល័យច្រកចេញចូលតែមួយ និងការិយាល័យប្រជាពលរដ្ឋចំនួន៤០ ត្រូវបានរាជរដ្ឋាភិបាលកម្ពុជាបង្កើតនៅតាមក្រុង ស្រុក ខណ្ឌ ដើម្បីជួយសម្រួល និងបម្រើសេវាកម្មជូនប្រជាពលរដ្ឋឱ្យមានប្រសិទ្ធភាពខ្ពស់ និងឆាប់រហ័សជាងមុន។
ភ្នំពេញ ២៨ កក្កដា ២០១៦៖ ឯកឧត្ដម អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ នៅរសៀលថ្ងៃទី ២៦ ខែកក្កដា ឆ្នាំ២០១៦ បានអនុញ្ញាតឲ្យលោកបណ្ឌិត Reiner Koblo នាយកគ្រប់គ្រងគម្រោងជាន់ខ្ពស់នៃធនាគារអភិវឌ្ឍន៍អាល្លឺម៉ង់ (KfW) និងលោក Philippe Steinmetz នាយកទីភ្នាក់ងារអភិវឌ្ឍន៍បារាំង (AFD) ចូលជួបសំដែងការគួសម និង ពិភាក្សាការងារនៅទីស្ដីការក្រសួងអភិវឌ្ឍន៍ជនបទ។
ភ្នំពេញ ២៦ កក្កដា ២០១៦៖ ក្រសួងសេដ្ឋកិច្ច និងហិរញ្ញវត្ថុ ព្រឹកថ្ងៃទី២៦ ខែកក្កដា ឆ្នាំ២០១៦ នេះ បានរៀបចំសិក្ខាសាលា ស្តីពីការជំរុញអភិវឌ្ឍវិស័យកសិកម្មក្រោមវត្តមានឯកឧត្តម វង្សី វិស្សុត រដ្ឋមន្រ្តីស្តីទីនៃក្រសួងសេដ្ឋកិច្ច និងហិរញ្ញវត្ថុ និងឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ដោយមានការចូលរួមពីក្រសួងស្ថាប័នពាក់ព័ន្ធ នៃរាជរដ្ឋាភិបាល និងដៃគូអភិវឌ្ឍន៍សំខាន់ៗ…
បន្ទាយមានជ័យ ២៦ កក្កដា ២០១៦៖ អាជ្ញាធរខេត្តបន្ទាយមានជ័យ បានលើកឡើងថា ការចុះបញ្ជីដីធ្លីពិតជាមានសារៈប្រយោជន៍ ណាស់សម្រាប់ប្រជាពលរដ្ឋ ព្រោះកាលណាប្រជាពលរដ្ឋទទួលបានកម្មសិទ្ធិដីធ្លីនោះ បញ្ហាទំនាស់ដីធ្លីត្រូវបានកាត់បន្ថយ ហើយវាក៏អាចអោយប្រជាពលរដ្ឋម្ចាស់ដីក្រោយទទួលបានប័ណ្ណកម្មសិទ្ធិអាចយកទៅប្រើប្រាស់តាមត្រូវការ។
ភ្នំពេញ ២៥ កក្កដា ២០១៦៖ ផ្លូវមួយខ្សែប្រវែងជាង២០០ម៉ែត្រ ទទឹង៧ម៉ែត្រ តភ្ជាប់ពីផ្លូវ២១៧ ចូលទៅភូមិតាឡី ក្នុងសង្កាត់ ដង្កោ ខណ្ឌដង្កោ គ្រោងជួសជុលឡើងវិញ ដើម្បីជួយសម្រួលដល់ការធ្វើដំណើររបស់ប្រជាពលរដ្ឋទូទៅ បន្ទាប់ពីផ្លូវមួយនេះ ត្រូវខូចខាតស្ទើរទាំងស្រុង។
បន្ទាយមានជ័យ ២៥ កក្កដា ២០១៦៖ ឯកឧត្តមរដ្ឋលេខាធិការដ្ឋានក្រសួងមហាផ្ទៃមានប្រសាសន៍ថា ការងារគណនេយ្យភាពសង្គមគឺជាការងារ ធ្វើយ៉ាងម៉េច ដើម្បីបម្រើផលប្រយោជន៍ របស់ប្រជាពលរដ្ឋឲ្យបានប្រសើរ តាមតម្រូវការរបស់ប្រជាពលរដ្ឋ។
កំពត ២២ កក្កដា ២០១៦៖ សមាគមក្រុមប្រឹក្សាថ្នាក់មូលដ្ឋានខេត្តកំពត កាលពីថ្ងៃទី២០ ខែកក្កដា ឆ្នាំ២០១៦ បានរៀបចំវេទិកាថ្នាក់ខេត្ត រយៈពេលមួយថ្ងៃក្នុងគោលបំណងលើកយក បញ្ហាប្រឈមសំខាន់ៗដែលក្រុមប្រឹក្សាក្រុង ស្រុក ឃុំ សង្កាត់ ជួបប្រទះក្នុងការអនុវត្តការងារ ហើយស្នើសុំឲ្យ ស្ថាប័ន-អង្គភាពជំនាញធ្វើការបកស្រាយបំភ្លឺ។
ព្រះសីហនុ ២១ កក្កដា ២០១៦៖ មណ្ឌលអភិវឌ្ឍន៍ធនធានមនុស្សខេត្តព្រះសីហនុ កាលពីថ្ងៃទី១៩ ខែកក្កដា ឆ្នាំ២០១៦ បានរៀបចំវគ្គបណ្ដុះបណ្ដាលជំនាញអភិវឌ្ឍសមត្ថភាពរយៈពេលបីថ្ងៃដល់មន្ត្រីសាលាខេត្ត ចំនួន២៩រូបនៅសាលប្រជុំសាលាខេត្តព្រះសីហនុ។
កោះកុង ១៨ កក្កដា ២០១៦៖ រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ ស្នើឲ្យប្រធានមន្ទីរកសិកម្មខេត្តទាំងអស់ដែលក្រសួង និងខេត្ដប្រគល់ភារកិច្ចជូនត្រូវខិតខំផ្ដល់សេវាសាធារណៈជូនពលរដ្ឋ រក្សាសាមគ្គីភាព សហការទំនាក់ទំនងល្អជាមួយមន្ត្រី និងអង្គភាព ស្ថាប័ននានាចំណុះខេត្ត និងក្រសួងពាក់ព័ន្ធឲ្យបានល្អប្រសើរតាមគោលនយោបាយរបស់រាជរដ្ឋាភិបាល។
ភ្នំពេញ ១៤ កក្កដា ២០១៦៖ អភិបាលខណ្ឌដង្កោ លោក នុត ពុធដារ៉ា នៅថ្ងៃទី១៤ ខែកក្កដា ឆ្នាំ២០១៦ បានចូលរួមជាអធិបតីក្នុងពិធីបើកការដ្ឋានស្ថាបនាផ្លូវបេតុង១ខ្សែ ប្រវែង១១១ម៉ែត្រ ទទឹង០៤ម៉ែត្រ កម្រាស់០,១៥ម៉ែត្រ ក្នុងគម្រោងថវិការបស់រដ្ឋបាលខណ្ឌដង្កោ ឆ្នាំ២០១៦ ស្ថិតក្នុងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ។
ភ្នំពេញ ១៤ កក្កដា ២០១៦៖ ក្រសួងសេដ្ឋកិច្ច និងហិរញ្ញវត្ថុ បានរៀបចំកិច្ចប្រជុំផ្សព្វផ្សាយ មួយស្តីពី លិខិតបទដ្ឋានគតិយុត្តពាក់ព័ន្ធនឹងការគ្រប់គ្រងមន្រ្តីរាជការ ជូនមន្រ្តីរាជការ គ្រប់អង្គភាពទាំងថ្នាក់កណ្តាលថ្នាក់មូលដ្ឋាន និងអង្គភាពពាក់ព័ន្ធក្រោមឱវាទក្រសួងសេដ្ឋកិច្ច និងហិរញ្ញវត្ថុ។
កំពត ១២ កក្កដា ២០១៦៖ ឯកឧត្តម ជាម ប៉េអា ប្រធានអង្គភាពត្រួតពិនិត្យ វាយតម្លៃ និងព័ត៌មាន នៃលេខាធិការដ្ឋាន គ.ជ.អ.ប បានជំរុញលើកទឹកចិត្តឲ្យមន្ត្រីព័ត៌មានវិទ្យាថ្នាក់រាជធានី ខេត្ត ជួយរដ្ឋបាលមូលដ្ឋានក្នុងការគ្រប់គ្រង…
