ប៉ៃលិន ១៧ មីនា ២០១៤៖ ក្រុមប្រឹក្សាខេត្តប៉ៃលិន បានបើកសន្និបាតបូកសរុប លទ្ធផលការងាររបស់ខ្លួនកាលពីពេលថ្មីៗនេះក្រោមអធិបតីភាព លោកជំទាវ ជូ ប៊ុនអេង រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
ប៉ៃលិន ១៧ មីនា ២០១៤៖ ក្រុមប្រឹក្សាខេត្តប៉ៃលិន បានបើកសន្និបាត
បូកសរុប លទ្ធផលការងាររបស់ខ្លួនកាលពីពេលថ្មីៗនេះក្រោមអធិបតីភាព
លោកជំទាវ ជូ ប៊ុនអេង រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ស
ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
ឯកឧត្ដម អ៊ី ឈាន អភិបាលខេត្តប៉ៃលិនបានថ្លែងសន្ទរកថានៅក្នុងពិធី
បើកអង្គសន្និបាតដោយបានថ្លែងអំណរគុណយ៉ាងជ្រាលជ្រៅចំពោះវត្ត
មានឯកឧត្ដម លោកជំទាវ និងអ្នកចូលរួមទាំងអស់ដែលបាន
ចំណាយពេលចូលរួមក្នុងអង្គសន្និបាតដ៏មានសារៈសំខាន់ពេលនេះ។
ឯកឧត្ដម អ៊ី ឈាន បានមានប្រសាសន៍បន្ថែមទៀតថា អាណត្តិទី១ របស់ក្រុមប្រឹក្សា(២០០៩-២០១៤) និង ការអនុវត្តការងាររយៈពេល១ឆ្នាំ
នៅឆ្នាំ២០១៣នេះគឺ ជាការអនុវត្តគោលនយោបាយយុទ្ធសាស្ត្រចតុកោណដំណាក់កាលទី២របស់រាជរដ្ឋាភិបាលកម្ពុជាដែលទាមទារឱ្យយើង
ទាំងអស់គ្នារួមគ្នាអនុវត្តការងារឱ្យបានល្អប្រសើរ ខិតខំអនុវត្តគោលនយោបាយភូមិ ឃុំមានសុវត្ថិភាព ទាំង៩ចំណុច កាត់បន្ថយភាពអសន្តិសុខនៅ
ក្នុងសង្គម និងខិតខំអនុវត្តផែនការអភិវឌ្ឍន៍ និងកម្មវិធីវិនិយោគនានានៅតាមមូលដ្ឋានឱ្យបានល្អប្រសើរ សំដៅឱ្យមានកំណែទម្រង់រដ្ឋបាល
សាធារណៈ ដើម្បីបម្រើប្រជាពលរដ្ឋឱ្យកាន់តែប្រសើរឡើង។
ឯកឧត្ដម ឡៅ ប៊ុនប៉ា ប្រធានក្រុមប្រឹក្សាខេត្ត បានថ្លែងសន្ទរកថាស្វាគមន៍ និងបានអានរបាយការណ៍លទ្ធផលនៃអង្គសន្និបាតដែលបានប្រព្រឹត្ត
ទៅប្រកបដោយជោគជ័យក្នុងរយៈពេល ៥ឆ្នាំ នៃអាណត្តិទី១ របស់ក្រុមប្រឹក្សាខេត្ត និងលទ្ធផលការងារ ឆ្នាំ ២០១៣ បានបង្ហាញឱ្យឃើញថា
ខេត្តប៉ៃលិនបានរីកចំរើនលើគ្រប់វិស័យទាំងការងារគ្រប់គ្រងរដ្ឋបាល និងការអនុវត្តផែនការសកម្មភាពរបស់ខ្លួន ព្រមទាំងបានខិតខំអនុវត្តគោល
នយោបាយចតុកោណដំណាក់កាលទី២របស់រាជរដ្ឋាភិបាលបានល្អប្រសើរ ដោយមានការសាមគ្គីភាព ឯកភាពផ្ទៃក្នុងនិងសម្រេចបានសមិទ្ធ
ផលនានាគួរជាទីមោទនៈ ។
លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ បានកោតសរសើរដល់អាជ្ញាធរខេត្តដែលបានខិតខំអនុវត្តផែនការរបស់ខ្លួនដែលធ្វើឱ្យ
ខេត្តប៉ៃលិនមានការរីកចម្រើនលើគ្រប់វិស័យ ហេដ្ឋារចនាសម្ព័ន្ធត្រូវបានតភ្ជាប់ទូទាំងប្រទេសនិងសមាគមអាស៊ានទាំងមូល ។ ការអនុវត្ត
គោលនយោបាយចតុកោណដំណាក់កាលទី២នេះបានបង្កប់យុទ្ធសាស្ត្រកំណែទម្រង់ជាច្រើនដោយមិនធ្វើបដិវត្ត និងមិនចំណាយជីវិតមនុស្ស
ប៉ុន្តែយើងអភិវឌ្ឍទៅមុខជានិច្ច ដូចជាកំណែទម្រង់ វិមជ្ឈការ និងវិសហមជ្ឈការ និងការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ
សំដៅផ្ទេរអំណាច ធនធាន និងការទទួលខុសត្រូវកាន់តែច្រើនដល់រដ្ឋបាលថ្នាក់ក្រោមជាតិដើម្បីឆ្លើយតបតាមតម្រូវការជាក់ស្ដែងនៅមូលដ្ឋាន៕