ឯកឧត្តម ងី ច័ន្ទ្រផល រដ្ឋលេខាធិការ ក្រសួង​មហាផ្ទៃ និង​ជាប្រធាន គ.គ.អ.ស អញ្ជើញ​ជា​អធិបតីដ៏ខ្ពង់​ខ្ពស់​​ក្នុង​​ពិធី​ប្រកាស​សមាសភាព​ក្រុមការងារ​គណនេយ្យភាព​សង្គម​ថ្នាក់ខេត្ត និង​ផ្សព្វផ្សាយ​ផែនការ​អនុវត្ត​គណនេយ្យភាព​សង្គម​ដំណាក់កាល​ទី២​(ឆ្នាំ២០១៩-២០២៣) សម្រាប់​រដ្ឋបាល​ខេត្តកណ្តាល

ខេត្ត​កណ្តាល៖ ព្រឹកថ្ងៃអង្គារ ១១រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៣ ខែតុលា ឆ្នាំ២០២០ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្ត និង ឯកឧត្តម ងី ច័ន្រ្ទផល ឯកឧត្តម ងី ច័ន្ទ្រផល រដ្ឋលេខាធិការ ក្រសួងមហាផ្ទៃ និងជាប្រធានគណៈកម្មាធិការ​គ្រប់គ្រង​ការ​អនុវត្ត​​ផែនការយុទ្ធសាស្រ្តគណនេយ្យភាពសង្គមថ្នាក់ជាតិ (គ.គ.អ.ស) បានអញ្ជើញជាអធិបតីក្នុងពិធីប្រកាស​សមាសភាព​ក្រុមការងារគណនេយ្យភាព​សង្គ​ម​ថ្នាក់​ខេត្ត និង​​​ផ្សព្វផ្សា​​យ​​​ផែនការអនុវត្តគណនេយ្យភាពសង្គមដំណាក់កាលទី២(ឆ្នាំ២០១៩-២០២៣) សម្រា​ប់​​​​រដ្ឋបាលខេត្តកណ្តាល នៅសាលាខេត្តកណ្តាល។

នាពិធីនេះដែរ មានការអញ្ជើញចូលរួមពី ឯកឧត្តម លោកជំទាវ លោក លោកស្រី ប្រតិភូអមដំណើរ ឯកឧត្តម លោកជំទាវ អភិបាលរងខេត្ត លោក ជេដ្ឋ គឹមជុង អនុប្រធានអង្គភាពត្រួតពិនិត្យ វាយតម្លៃ និងព័ត៌មាន និងជាប្រធាន​សម្រប​សម្រួ​ល​​​គម្រោងសមាហរណកម្មគណនេយ្យភាពសង្គមទៅក្នុងប្រព័ន្ធរដ្ឋបាលថ្នាក់ជាតិ និង​ថ្នាក់​ក្រោម​ជាតិ នៃលេខាធិការដ្ឋាន គណៈកម្មាធិការជាតិសម្រាប់ការអភិវឌ្ឍ​តាមបែប​ប្រជាធិបតេ​​យ្យ​​នៅ​ថ្នាក់ក្រោមជាតិ លោក លោកស្រីនាយក នាយករងរដ្ឋបាល លោក លោកស្រី នាយក នាយករងទីចាត់ការ អង្គភាពចំណុះ​សាលា​​ខេ​ត្ត លោកប្រធានការិយាល័យប្រជាពលរដ្ឋខេត្ត លោកឧត្តមសេនីយ៍ស្នងការ មេបញ្ជាការ​ កងកម្លាំងទាំងបីរបស់ខេត្ត លោក លោកស្រី ប្រធាន អនុប្រធានមន្ទីរ អង្គភាពជុំវិញខេត្ត លោកអភិបាល អភិបាលរង ក្រុង ស្រុកទាំង១១ លោក លោកស្រី តំណាងអង្គការ​ទស្សនៈពិភពលោក(WVI) តំណាងអង្គការសុខភាពអន្តរជាតិ(FHI360), វិទ្យាស្ថានតស៊ូមតិ និង​គោលនយោបា​​យ​(API) តំណាងអង្គការ សមាគម ជាដៃគូអនុវត្តគម្រោង​គណនេយ្យភាព​សង្គ​ម​ សរុបចំនួន១១២នាក់។

ថ្លែងក្នុងពិធីនោះដែរ ឯកឧត្តម គង់ សោភ័ណ្ឌ បានមានប្រសាសន៍ថា ការប្រកាសក្រុមការងារគណនេយ្យភាពសង្គមថ្នាក់ខេត្ត និងការផ្សព្វផ្សាយផែនការ​អនុវត្ត​ គណនេយ្យភាពសង្គម ដំណាក់កាលទី២ ឆ្នាំ​២០១៩ ដល់ឆ្នាំ២០២៣ នាពេលនេះ គឺ​បង្ហាញ​អំពីការ​តាំង​ចិត្ត​ខ្ពស់​ក្នុងឆន្ទៈនយោបាយ និងចក្ខុវិស័យរយៈពេលវែងចំពោះការអនុវត្តកំណែទម្រង់​វិមជ្ឈការ និង​វិសហមជ្ឈកា​រ ដើម្បីធ្វើឲ្យប្រសើរឡើងនូវជីវភាពរស់នៅរបស់ប្រជាពលរដ្ឋនៅមូលដ្ឋាន និង​ពិសេស​ផ្តោត​ទៅ​លើកា​រផ្តល់សេវាសាធារណៈជូនប្រជាពលរដ្ឋ ដោយរាប់បញ្ចូលទាំងស្រ្តី កុមារ ជនជាតិ​ដើមភាគតិច ជនងាយ​រងគ្រោះនានា និងជនមានពិការភាពជាដើម ដោយមាន​គណៈកម្មា​ធិការ​ជាតិ​សម្រាប់ការ​អភិវឌ្ឍ​តាម​បែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប) ជាសេនាធិការ​ក្នុងការ​សម្រប​សម្រួល​បំពេញ​បេសកកម្ម​នេះ។

ខេត្តកណ្តាល ជាខេត្តគោលដៅមួយក្នុងចំណោមខេត្តគោលដៅទាំង២៥រាជធានី ខេត្ត ក្នុងការ​អនុវត្ត​​កម្មវិធីគណនេយ្យភាពសង្គមដំណាក់កាលទី២ និងមានតំបន់គោលដៅរបស់កម្មវិធីនៅក្រុង ស្រុក ចំនួន​០៨ រួមមាន ក្រុងតាខ្មៅ ស្រុកកៀនស្វាយ ខ្សាច់កណ្តាល លើកដែក មុខកំពូល អង្គស្នួល ពញាឮ និងស្រុកស្អាង។

នៅកម្រិតមូលដ្ឋាន និងការកាត់បន្ថយនូវគម្លាតរវាងប្រជាពលរដ្ឋ និងអ្នកផ្គត់ផ្គង់ផ្តល់សេវា។  ហើយ​អ្នកដែលអនុវត្តផ្ទាល់ ចំពោះសកម្មភាពទាំងនេះ គឺរដ្ឋបាលក្រុង ស្រុក ការិយាល័យអប់រំ យុវជន និងកីឡា ការិយាល័យសុខាភិបាលស្រុកប្រតិបតិ្ត រដ្ឋបាលឃុំសង្កាត់ មណ្ឌលសុខភាព និង​សាលា​បឋម​សិក្សា​​​នៅនឹងមូលដ្ឋាន។ ដូច្នេះ​ ឯកឧត្តម អភិបាលខេត្ត​ បានស្នើដល់ប្រតិបត្តិករ ជាផ្នែកផ្គត់ផ្គង់ ដែលរួមមានតួអង្គក្រសួង ស្ថាប័ន និងក្រុមការងារគណនេយ្យភាពសង្គមថ្នាក់ខេត្ត ក្រុងស្រុក អាជ្ញាធរមូលដ្ឋាន តាមរយៈ​ផែនការ​យុទ្ធសាស្រ្ត​ស្តីពីការងារគណនេយ្យភាពសង្គម សូមឲ្យមានការពិគ្រោះយោបល់​ជាមួយអង្គការសង្គមស៊ីវិល ប្រជាពលរ​ដ្ឋ​​ និងអ្នក​ពាក់ព័ន្ធ​នានា ដែលជាផ្នែកតម្រូវការ ដើម្បីកំណត់​យុទ្ធសាស្រ្ត​ចាំបាច់ក្នុងការ​អនុវត្ត​សកម្មភាព​​ជាក់លាក់ និងតួនាទីភារកិច្ចរបស់ស្ថាប័នរដ្ឋ ដៃគូ​អភិវឌ្ឍ និងអង្គការសង្គមស៊ីវិល ក្នុងការចូលរួមចំណែក​អនុវត្ត​ការងារគណនេយ្យភាពសង្គម ដំណាក់កាល​ទី២ (២០១៩-២០២២) ឲ្យទទួលបានជោគជ័យ។

ឯកឧត្តម ងី ច័ន្ទ្រផល រដ្ឋលេខាធិការ ក្រសួងមហាផ្ទៃ និងប្រធាន គ.គ.អ.ស បាន​វា​យតម្លៃខ្ពស់ចំពោះ​​រដ្ឋបាល​ខេត្ត​កណ្តាល​ ដែលបានរួមចំ​ណែក​លើក​កម្ពស់​គុណ​ភាព ប្រសិទ្ធភាព តម្លាភាព សមធម៌សង្គម និង​គណ​នេយ្យភាព នៃការ​ផ្តល់​សេវា​សាធារ​ណៈ និងការ​អភិ​វឌ្ឍសេដ្ឋកិច្ច​មូល​ដ្ឋានឆ្លើយតបទៅនឹង​តម្រូវការ​​របស់ប្រជាពលរដ្ឋនៅមូលដ្ឋាន សំដៅលើកកម្ពស់អភិបាលកិច្ចមូលដ្ឋាន។

ដើម្បីឲ្យការអនុវត្តការងារគណនេយ្យភាពសង្គម នៅក្នុងរដ្ឋបាលខេត្តកណ្តាលទទួលបាន លទ្ធផលល្អប្រសើរ ឯកឧត្តម ងី ច័ន្ទ្រផល បាន​ផ្តល់ជាអនុសាសន៍មួយចំនួនដល់ក្រុមការងារគណនេយ្យភាពសង្គម ថ្នាក់ខេត្ត ក្រុង ស្រុក ស្ថាប័នពាក់ព័ន្ធ និងអង្គការដៃគូអនុវត្តនានា យកចិត្តទុកដាក់លើចំណុច សំខាន់ៗមួយចំនួនដូចខាងក្រោម៖

  • រៀបចំវគ្គអភិវឌ្ឍសមត្ថភាពអំពីគណនេយ្យភាពសង្គម
  • រដ្ឋបាលខេត្ត ក្រុង ស្រុក ពិនិត្យលទ្ធភាពគាំទ្រថវិកាសម្រាប់អនុវត្ត នៅឆ្នាំ២០២១ និងឆ្នាំបន្តបន្ទាប់ទៀត។
  • រដ្ឋបាលខេត្ត ក្រុង ស្រុក ឃុំ សង្កាត់ ផ្តល់កិច្ចសហការគាំទ្រ សម្របសម្រួល អង្គការដៃគូរអនុវត្ត ក្នុងការអនុវត្តសកម្មភាពគណនេយ្យភាពសង្គម ៣ខែចុងក្រោយ និងបន្តទៅមុខទៀត។
  • រដ្ឋបាលខេត្ត ក្រុង ស្រុកផ្សព្វផ្សាយឲ្យបានទូលំទូលាយពីការអនុវត្តគណនេយ្យភាព សង្គម ក្នុងវេទិការរបស់គណៈអភិបាល ឬក្នុងកិច្ចប្រជុំសមស្របណាមួយ។
  • គួរមានរបៀបវារៈមួយក្នុងប្រជុំប្រចាំខែរបស់ក្រុមប្រឹក្សាស្តីអំពីការអនុវត្តការងារ គណនេយ្យភាពសង្គម។

 

ព័ត៌មានថ្មីៗ + បង្ហាញព័ត៌មានទាំងអស់