កំពង់ឆ្នាំង ១៧ មីនា ២០១៤៖ កាលពីថ្ងៃទី ១៣ ខែមីនា ឆ្នាំ២០១៤ លោកជំទាវ ជូ ប៊ុនអេង រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារ…
កំពង់ឆ្នាំង ១៧ មីនា ២០១៤៖ កាលពីថ្ងៃទី ១៣ ខែមីនា ឆ្នាំ២០១៤ លោកជំទាវ ជូ ប៊ុនអេង រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ស ខេង
ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងាររយៈពេល៥ឆ្នាំ (២០០៩-២០១៤)
ក្នុងអាណត្តិទី១ នៃក្រុមប្រឹក្សាខេត្តកំពង់ឆ្នាំង។
បន្ទាប់ពី ឯកឧត្ដម ឈួរ ច័ន្ទឌឿន អភិបាលខេត្តកំពង់ឆ្នាំង បានធ្វើសេចក្ដីរាយការណ៍អំពីដំណើរការ និងលទ្ធផលនៃអង្គសន្និបាតរយៈពេល
២ថ្ងៃរួចមក លោកជំទាវ ជូ ប៊ុនអេង បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់អាជ្ញាធរខេត្តកំពង់ឆ្នាំង គ្រប់លំដាប់ថ្នាក់
ក្នុងការសម្រេចបាននូវសមិទ្ធផលថ្មីៗជាច្រើនក្នុងរយៈពេល៥ឆ្នាំ នៃអាណត្តិទី១របស់ក្រុមប្រឹក្សាខេត្តធ្វើអោយខេត្តមានការីកចំរើន និងអភិវឌ្ឍ
លើគ្រប់វិស័យ។
លោកជំទាវក៏បានផ្ដាំផ្ញើទៅកាន់អាជ្ញាធរខេត្ត ស្រុក ក្រុង ឃុំ សង្កាត់ ត្រូវខិតខំពង្រឹងការងារបន្ថែមទៀត សំដៅបម្រើប្រជាពលរដ្ឋ ឲ្យកាន់តែល្អ
ប្រសើរ ហើយកម្លាំងសមត្ថកិច្ច និងអាជ្ញាធរទាំងអស់ត្រូវតែរួមសហការគ្នា រក្សាសន្តិភាព ស្ថិរភាពនយោបាយ សន្តិសុខសណ្ដាប់ធ្នាប់សាធារណៈ
ជាពិសេសនោះ គឺអនុវត្តគោលនយោបាយភូមិ ឃុំ មានសុវត្ថិភាព និងរួមគ្នាជំរុញកំណើនសេដ្ឋកិច្ច៕