[… ក្រពះមានលទ្ធភាពដឹងពេលវេលាយើងទទួលទាន និងភ្លាមៗនោះបញ្ចេញជាតិ
រំអិលរំលាយអាហារ។ ប្រសិនចាប់ផ្ដើមផឹកទឹកភ្លាម ពេលនោះនិងធ្វើឱ្យរសាត់ទៅបាត់ជាតិរំអិលត្រូវ
បញ្ចេញដើម្បីរំលាយអាហារ ដូច្នេះនឹងបណ្ដាលឱ្យថយចុះសកម្មភាពរបស់ប្រព័ន្ធរំលាយអាហារ …]
ផឹកទឹកក្នុងពេលទទួលទានហាក់ដូចជាគ្មានគ្រោះថ្នាក់ តែអាចនាំមកនូវផលវិបាកច្រើនសម្រាប់សុខភាព។ នេះជាការសន្និដ្ឋានរបស់ក្រុមអ្នកវិទ្យាសាស្ត្រ
ឥណ្ឌាលើទស្សនាវដ្ដី Times of India។
ជំនាញការប្រឹក្សារបបហូបបួសជនជាតិឥណ្ឌា លោក Shonali Sabherwal ឱ្យដឹងថា ” មនុស្សជាច្រើនផឹកទឹកក្នុង ពេលទទួលទានដោយសារ
ចាត់ទុកថាទឹកធ្វើឱ្យអាហារចុះទៅក្រោមងាយស្រួល។ ប៉ុន្តែគេមិនដឹងថា នេះជាគំនិតភាន់ច្រឡំមួយ និងមានគ្រោះថ្នាក់ សម្រាប់ប្រព័ន្ធ
រំលាយអាហារ”។
លោក Shonali បកស្រាយថា ផឹកទឹកក្នុងពេលទទួលទានអាចបង្កការរារាំងប្រព័ន្ធរំលាយអាហារនិងធ្វើឱ្យកើនច្រើនបរិមាណអាំងស៊ុយលីន។
ចំពោះអ្នកមានបញ្ហាផ្លូវរំលាយអាហារ ឬជំងឺទឹកនោមផ្អែមផលវិបាកនៅធ្ងន់ធ្ងរជាង។
“ ក្រពះមានលទ្ធភាពដឹងពេលវេលាយើងទទួលទាន និងភ្លាមៗនោះបញ្ចេញជាតិរំអិលរំលាយអាហារ។ ប្រសិនចាប់ផ្ដើមផឹកទឹកភ្លាមពេលនោះ និងធ្វើឱ្យរសាត់ទៅបាត់ជាតិរំអិលត្រូវបញ្ចេញដើម្បីរំលាយអាហារ ដូច្នេះនឹងបណ្ដាលឱ្យថយចុះសកម្មភាពរបស់ប្រព័ន្ធរំលាយអាហារ” លោក Shonali ឱ្យដឹងបន្ថែម។
ទន្ទឹមនឹងការកើនបរិមាណអាំងស៊ុយលីន ការផឹកទឹកក្នុងពេលទទួលទានអាចអូសទៅតាមការប្រមូលផ្ដុំសារជាតិខ្លាញ់។ ដើម្បីបញ្ចៀស
ផឹកទឹកច្រើនក្នុងពេលទទួលទាន លោកShonali ទូន្មានថា មិនត្រូវទទួលទានអាហារប្រៃពេក ព្រោះអាចធ្វើឱ្យស្រេកទឹកត្រូវទទួលទានយឺត
និងទំពាឱ្យម៉ត់ចត់។
លទ្ធផលស្រាវជ្រាវនេះបង្ហាញថា ការផឹកទឹកតែបន្តិចក្នុងពេលទទួលទាននឹងមិនប្រាកដជាមានគ្រោះថ្នាក់តែប្រសិនផឹង ១-២ កែវឬច្រើនជាង
នេះនឹងឥទ្ធិពលអាក្រក់ដល់ប្រព័ន្ធរំលាយអាហារ។ អាស្រ័យហេតុនេះ ពួកអ្នកវិទ្យាសាស្ត្រទូន្មានថាល្អបំផុតគឺគួរផឹកទឹកមុនឬក្រោយពេល
ទទួលទាន២ម៉ោងដើម្បីស្រូបយកសារជាតិជីវជាតិល្អជាង៕ ដកស្រង់ចេញពីកាសែតរស្មីកម្ពុជា ឆ្នាំទី២១ លេខ៦២៧១ ថ្ងៃពុធ ទី២០ ខែវិច្ឆិកា
ឆ្នាំ២០១៣