កំពង់ឆ្នាំង ២០ ធ្នូ ២០១៣ ៖ ព្រឹកថ្ងៃទី១៩ ខែធ្នូ ឆ្នាំ២០១៣ នៅសាលប្រជុំសាលាខេត្ត
កំពង់ឆ្នាំង មានរៀបចំការប្រជុំស្ដីពីការត្រួតពិនិត្យលើសេចក្ដីព្រាងកម្មវិធីវិនិយោគបីឆ្នាំរំកិល
(២០១៤-២០១៦) របស់ខេត្តកំពង់ឆ្នាំង ក្រោមអធិបតីភាពឯកឧត្ដម អ៊ុន សំអុល…
កំពង់ឆ្នាំង ២០ ធ្នូ ២០១៣ ៖ ព្រឹកថ្ងៃទី១៩ ខែធ្នូ ឆ្នាំ២០១៣ នៅសាលប្រជុំសាលាខេត្តកំពង់ឆ្នាំងមានរៀបចំការប្រជុំស្ដីពីការត្រួតពិនិត្យលើ
សេចក្ដីព្រាងកម្មវិធីវិនិយោគបីឆ្នាំរំកិល (២០១៤-២០១៦) របស់ខេត្តកំពង់ឆ្នាំង ក្រោមអធិបតីភាពឯកឧត្ដម អ៊ុន សំអុលអភិបាលរង
ខេត្តកំពង់ឆ្នាំង និងមានការចូលរួមពីមន្ត្រីកសាងផែនការរបស់ខេត្តកំពង់ឆ្នាំង និងតំណាងមន្ទីរវិស័យ អង្គភាពជុំវិញខេត្ត។
លោកទី ប៊ុនថា តំណាងទីប្រឹក្សាគ្រប់គ្រងកម្មវិធីជាតិប្រចាំខេត្តកំពង់ឆ្នាំងបានអោយដឹងថា ការប្រជុំរយៈពេលមួយព្រឹកនេះមានការចូលរួម
ពិភាក្សាផ្ដល់យោបល់យ៉ាងផុលផុសពីសមាជិក សមាជិកាដែលជាមន្ត្រីគណៈកម្មការកសាងផែនការខេត្ត និងតំណាងមន្ទីរវិស័យ អង្គភាពជុំវិញខេត្ត។
គោលបំណងសំខាន់ដើម្បីបន្តអនុវត្តគោលនយោបាយរបស់រាជរដ្ឋាភិបាលអាណត្តិទី៥ឲ្យឈានទៅអភិវឌ្ឍន៍នៅមូលដ្ឋានដើម្បី រួមចំណែកយ៉ាង
សកម្មក្នុងការកាត់បន្ថយភាពក្រីក្ររបស់ប្រជាជន។
ឯកឧត្ដម អ៊ុន សំអុល បានសម្ដែងការកោតសរសើរចំពោះមន្ត្រីក្នុងគណៈកម្មការកសាងផែនការខេត្ត ទីប្រឹក្សាគម្រោងកម្មវិធីជាតិ ព្រមទាំង
អង្គភាពពាក់ព័ន្ធ អង្គការនានា និងដៃគូអភិវឌ្ឍន៍ដែលបានចូលរួមសហការ អនុវត្តនូវផែនការសកម្មភាពកម្មវិធីវិនិយោគបីឆ្នាំរំកិលរបស់ខេត្តកំពង់ឆ្នាំង (២០១៤-២០១៦)។
កម្មវិធីវិនិយោគបីឆ្នាំរំកិលរបស់ខេត្តកំពង់ឆ្នាំងនៅអាណត្តិទី៤ បានអនុវត្តសម្រេចបានជោគជ័យលើការអភិវឌ្ឍន៍លើគ្រប់វិស័យនៅទូទាំង
ខេត្តកំពង់ឆ្នាំង។ លទ្ធផលទាំអស់នេះជាកញ្ចក់ឆ្លុះបញ្ចាំងនិងបង្ហាញច្បាស់អំពីការយកចិត្តទុកដាក់ក្នុងការចូលរួមនិងការគាំទ្ររបស់អង្គភាពជុំវិញខេត្ត
ដៃគូរអភិវឌ្ឍន៍ និងអង្គការនានាដែលចូលរួមចំណែកក្នុងការអភិវឌ្ឍន៍សំដៅលើកកម្ពស់កម្រិតជីវភាពរស់នៅរបស់ប្រជាពលរដ្ឋអោយកាន់តែ
មានភាពធូរធារនៅតាមមូលដ្ឋាន៕ ដកស្រង់ចេញពីគេហទំព័រមន្ទីរព័ត៌មានខេត្តកំពង់ឆ្នាំងថ្ងៃទី២០ ខែធ្នូ ឆ្នាំ២០១៣