ព្រះសីហនុ ៣០ វិច្ឆិកា ២០១៦៖ ឯកឧត្ដម ប្រាក់ សំអឿន អគ្គនាយកនៃអគ្គនាយកដ្ឋានរដ្ឋបាល ក្រសួងមហាផ្ទៃ កាលពីថ្ងៃទី២៨ ខែវិច្ឆិកា ឆ្នាំ២០១៦ បានអញ្ជើញជាអធិបតីក្នុងពិធីបើកសិក្ខាសាលាបូកសរុបលទ្ធផលប្រចាំឆ្នាំ២០១៦ និងលើកទិសដៅសកម្មភាពឆ្នាំ២០១៧ ស្ដីពីការអនុវត្តការងាររបស់ការិយាល័យច្រកចេញចូលតែមួយ និងការិយាល័យប្រជាពលរដ្ឋ នៅសណ្ឋាគារតោមាស ខេត្តព្រះសីហនុ។
ភ្នំពេញ ២៨ វិច្ឆិកា ២០១៦៖ រាជរដ្ឋាភិបាលកម្ពុជាមានគម្រោងនឹងស្ថាបនាអាងពិព័រណ៍ចិញ្ចឹមត្រីដ៏ធំមួយ (Aquarium) លើផ្ទៃដីទំហំប្រមាណ ៥ ហិកតាសម្រាប់បម្រើឲ្យទេសចរណ៍ និងការសិក្សាស្រាវជ្រាវពូជត្រីទឹកសាបគ្រប់ប្រភេទនៅតាមបណ្ដោយបឹងទន្លេសាប និងទន្លេមេគង្គដែលជាជំនួយរបស់មិត្តជប៉ុនក្នុងទឹកប្រាក់១០០ លានដុល្លារ។
ភ្នំពេញ ២៥ វិច្ឆិកា ២០១៦៖ «ការអនុវត្តកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យ នៅថ្នាក់ក្រោមជាតិអស់រយៈពេលជាង៥ឆ្នាំកន្លងមកនេះ បាននិងកំពុងធ្វើឱ្យមានការផ្លាស់ប្ដូរជាវិជ្ជមាននៅក្នុងប្រព័ន្ធគ្រប់គ្រងរដ្ឋបាលសាធារណៈនៅថ្នាក់ក្រោមជាតិ ស្របតាមទស្សនៈវិស័យ និងគោលដៅនានានៃច្បាប់រៀបចំអង្គការ និងកម្មវិធីជាតិ»។
ភ្នំពេញ ២៤ វិច្ឆិកា ២០១៦៖ « ភាពប្រទាក់ក្រឡាគ្នានៃការអនុវត្តគោលនយោបាយកំណែទម្រង់ទាំង៣របស់រាជរដ្ឋាភិបាល គឺកំណែទម្រង់ការគ្រប់គ្រងហិរញ្ញវត្ថុសាធារណៈ កំណែទម្រង់វិមជ្ឈការ និងវិសហមជ្ឈការ និងកំណែទម្រង់រដ្ឋបាលសាធារណៈ ដើម្បីធានាបានទាំងការអភិវឌ្ឍសេដ្ឋកិច្ច និងការលើកកម្ពស់អភិបាលកិច្ចល្អទាំងនៅថ្នាក់ជាតិ និងថ្នាក់ក្រោមជាតិ។ នៅឆ្នាំ២០១៧ និងបណ្ដាឆ្នាំខាងមុខ នឹងត្រូវបន្តអនុវត្តឱ្យកាន់តែស៊ីជម្រៅបន្ថែមទៀត»។
លេខាធិការដ្ឋាន នៃគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប) សូមជូនដំណឹងដល់សាធារណជន និងបណ្តាញសារព័ត៌មានទាំងអស់ក្នុងព្រះរាជាណាចក្រកម្ពុជាឱ្យបានជ្រាបថា គ.ជ.អ.ប នឹងរៀបចំសិក្ខាសាលាជាតិ ស្តីពីការរៀបចំផែនការសកម្មភាព និងថវិកាឆ្នាំ២០១៧ របស់ខ្លួនចាប់ពីថ្ងៃទី២៤-២៥ ខែវិច្ឆិកា ឆ្នាំ២០១៦ នៅសាលប្រជុំក្រសួងមហាផ្ទៃ (អគារS)។
ភ្នំពេញ ១៧ វិច្ឆិកា ២០១៦៖ «កម្ពុជាបានបង្កើនការវិភាជន៍ថវិកាជាតិរបស់ខ្លួនសម្រាប់ចំណាយពាក់ព័ន្ធអាកាសធាតុជាប្រចាំ ហើយយើងកំពុងពិចារណារៀបចំវិធានការជាប្រព័ន្ធ ដើម្បីលើកកម្ពស់ការវិនិយោគឆ្លាតខាងអាកាសធាតុ ដោយរួមបញ្ចូលទាំងការបង្កើតក្រមបរិស្ថាន ការបង្កើតកញ្ចប់ថវិកាសេវាអនាម័យ…
ភ្នំពេញ ៤ វិច្ឆិកា ២០១៦៖ កម្មវិធីកំណែទម្រង់វិមជ្ឈការ និងរដ្ឋបាល (DAR) នឹងធ្វើឱ្យរដ្ឋបាលមូលដ្ឋានផ្ដល់សេវាកាន់តែល្អប្រសើរជូនប្រជាពលរដ្ឋ។ កម្មវិធីនឹងគាំទ្រដល់រដ្ឋបាលថ្នាក់ក្រោមជាតិ ដូចជាគណៈអភិបាល រដ្ឋបាលនិងក្រុមប្រឹក្សា ដើម្បីធានាដល់ការឆ្លើយតបទៅនឹងតម្រូវការរបស់ប្រជាពលរដ្ឋ និងមានកិច្ចសហការជិតស្និទ្ធល្អជាមួយស្ថាប័ននានានៅថ្នាក់ក្រោមជាតិ។
ភ្នំពេញ ៣ វិច្ឆិកា ២០១៦៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធាន គ.ជ.អ.ប បានអញ្ជើញជាអធិបតីក្នុងពិធីបើកវគ្គបណ្ដុះបណ្ដាលស្ដីពី “ការជំរុញកំណែទម្រង់អភិបាលកិច្ចល្អសម្រាប់មន្ត្រីរាជការជាន់ខ្ពស់” នៅសណ្ឋាគារសុខា នាព្រឹកថ្ងៃទី០២ ខែវិច្ឆិកា ឆ្នាំ២០១៦ ដោយមានវត្តមានចូលរួមពីអគ្គលេខាធិការ អគ្គនាយក អគ្គាធិការ តាមក្រសួង ស្ថាប័ន និងអភិបាលរាជធានី ខេត្ត ប្រមាណ៣០០នាក់។
ភ្នំពេញ ១ វិច្ឆិកា ២០១៦៖ នៅព្រឹកថ្ងៃទី០១ ខែវិច្ឆិកា ឆ្នាំ២០១៦ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជួបសំណេះសំណាល ជាមួយក្រុមប្រឹក្សាឃុំ សង្កាត់ ក្រុង និងមន្ត្រីរាជការ កងកម្លាំងប្រដាប់អាវុធក្នុងខេត្តកណ្ដាល។
ភ្នំពេញ ២៨ តុលា ២០១៦៖ «បើនិយាយពីការជួយស្ត្រី គឺការជួយដល់ក្រុមមនុស្សទាំងអស់មិនមែនតែស្ត្រីតែមួយក្រុមទេ។ ធ្វើការងារជួយស្ត្រី គឺជួយគ្រួសារ និងសង្គមជាតិទាំងមូល។ ដោយសារគាត់ជាសមាជិកម្នាក់ក្នុងសង្គម ដែលត្រូវទទួលបានតួនាទី ឋានៈសមរម្យ និងឱកាសសម្រាប់ការអភិវឌ្ឍសមត្ថភាពដើម្បីឈានដល់ការបំពេញការងារដែលប្រកបដោយសមត្ថភាព ឆន្ទៈ និងអាចជាគំរូដល់អ្នកជំនាន់ក្រោយ។»
ភ្នំពេញ ២៧ តុលា ២០១៦៖ ឯកឧត្ដម ជា សុផារ៉ា ទេសរដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី២៥ ខែតុលា ឆ្នាំ២០១៦នេះ បានអញ្ជើញជាអធិបតីក្នុងពិធីបើកសិក្ខាសាលាផ្សព្វផ្សាយស្តីពីការចាប់ផ្តើមអនុវត្តគម្រោងបែងចែកដីដើម្បីសង្គមកិច្ច និងការអភិវឌ្ឍ សេដ្ឋកិច្ចជំហានទី២ (LASED II) នៅសណ្ឋាគារសុខាភ្នំពេញ។
