សៀមរាប ២១ តុលា ២០១៦៖ ឯកឧត្ដម ប្រាក់ សំអឿន អគ្គនាយកនៃអគ្គនាយកដ្ឋានរដ្ឋបាល ក្រសួងមហាផ្ទៃ នាព្រឹកថ្ងៃទី២១ ខែតុលា ឆ្នាំ២០១៦ បានអញ្ជើញជាអធិបតីក្នុងពិធីបិទវគ្គបណ្ដុះបណ្ដាលស្ដីពីតួនាទី ភារកិច្ច និងរបៀបរបបបំពេញការងាររបស់ការិយាល័យច្រកចេញចូលតែមួយ និងការិយាល័យប្រជាពលរដ្ឋនៃស្រុកគោលដៅថ្មីចំនួន០៦ នៅសាលប្រជុំសាលាខេត្តសៀមរាប។
ព្រះសីហនុ ១៩ តុលា ២០១៦៖ ក្រុមការងាររៀបចំផែនការខេត្ត នាព្រឹកថ្ងៃទី១៩ ខែតុលា ឆ្នាំ២០១៦ បានបើកសិក្ខាសាលា ស្ដីពីសមាហរណកម្មកម្មវិធីវិនិយោគបីឆ្នាំរំកិល (២០១៧-២០១៩) របស់ខេត្ត និងផ្សព្វផ្សាយពីសមាហរណកម្មកម្មវិធីវិនិយោគបីឆ្នាំរំកិលក្រុង ស្រុក និងកម្មវិធីវិនិយោគឃុំ សង្កាត់។
ព្រះសីហនុ ១៧ តុលា ២០១៦៖ ប្រធានក្រុមប្រឹក្សាខេត្ត និងអភិបាលខេត្តព្រះសីហនុ បានអញ្ជើញពិនិត្យ និងឧបត្ថម្ភការសាងសង់ស្ពានបេតុងមួយកន្លែងក្នុងសង្កាត់លេខ១ ក្រុងព្រះសីហនុ កាលពីរសៀលថ្ងៃទី១៥ ខែតុលា ឆ្នាំ២០១៦។
ភ្នំពេញ ១២ តុលា ២០១៦៖ ឯកឧត្ដម ប្រាក់ សំអឿន អគ្គនាយកនៃអគ្គនាយកដ្ឋានរដ្ឋបាល ក្រសួងមហាផ្ទៃ នៅព្រឹកថ្ងៃទី១២ ខែតុលា ឆ្នាំ២០១៦ បានអញ្ជើញជាអធិបតីក្នុងពិធីបើកសិក្ខាសាលាស្ដីពីការអនុវត្តថវិកានិងគម្រោងក្រុង ស្រុក ដើម្បីចែករំលែក និងផ្លាស់ប្ដូរបទពិសោធន៍ពីការអនុវត្តកន្លងមកសម្រាប់រៀបចំនិងអនុវត្តថវិកានិងគម្រោងរបស់រដ្ឋបាល ក្រុង ស្រុកឱ្យមានប្រសិទ្ធភាពនៅឆ្នាំបន្តបន្ទាប់។
ភ្នំពេញ ១០ តុលា ២០១៦៖ សម្ដេចក្រឡាហោម ស ខេង នាយករដ្ឋមន្ត្រីស្ដីទី រដ្ឋមន្ត្រីក្រសួងមហាផ្ទៃ និងជាប្រធាន គ.ជ.អ.ប បានអញ្ជើញជាអធិបតីក្នុងពិធីផ្សព្វផ្សាយសារាចរណែនាំរបស់រាជរដ្ឋាភិបាលកម្ពុជាស្ដីពីវិធានការចាំបាច់នានា ក្នុងការពង្រឹងការគ្រប់គ្រងធនធានធម្មជាតិ នៅព្រឹកថ្ងៃទី១០ ខែតុលា ឆ្នាំ២០១៦ នៅទីស្ដីការក្រសួងមហាផ្ទៃ។
ទាញយកសុន្ទរកថា។
ភ្នំពេញ ៧ តុលា ២០១៦៖ តំណាងក្រសួង ស្ថាប័នអនុវត្តផែនការអនុវត្តរយៈពេលបីឆ្នាំ (ផអ៣ ទី២) នៅថ្ងៃទី៧ ខែតុលា ឆ្នាំ២០១៦ បានជួបប្រជុំដើម្បីពិនិត្យមើលសេចក្ដីព្រាងបឋមនៃលទ្ធផលរំពឹងទុកឆ្នាំ២០១៧ និងរៀបចំសេចក្ដីព្រាងផែនការសកម្មភាព និងថវិកាសម្រាប់អនុវត្តក្នុងឆ្នាំ២០១៧។
ភ្នំពេញ ៦ តុលា ២០១៦៖ លោក Samiuela Tukuafu នាយកធនាគារអភិវឌ្ឍន៍អាស៊ី (ADB) ប្រចាំប្រទេសកម្ពុជា បានមានប្រសាសន៍ថា មានស្ថិតិជាច្រើនដែលបង្ហាញពីការធ្វើដំណើរវែងឆ្ងាយរបស់ប្រទេសកម្ពុជា ក្នុងរយៈពេល២៥ឆ្នាំចុងក្រោយនេះ ហើយស្ថិតិដែលមានអានុភាពជាងគេ គឺការថយចុះនូវភាពក្រីក្ររបស់ប្រជាពលរដ្ឋ។
ព្រះសីហនុ ៥ តុលា ២០១៦៖ កិច្ចប្រជុំសាមញ្ញលើកទី២៩ របស់ក្រុមប្រឹក្សាខេត្តព្រះសីហនុ ដើម្បីពិនិត្យ និងអនុម័តលើការងារសំខាន់ៗត្រូវបានរៀបចំឡើងកាលពីថ្ងៃទី០៥ ខែតុលា ឆ្នាំ២០១៦ ក្រោមអធិបតីភាព ឯកឧត្ដម ជាម ហ៊ីម ប្រធានក្រុមប្រឹក្សាខេត្ត និង ឯកឧត្ដមយន្ត មីន អភិបាលនៃគណៈអភិបាលខេត្តព្រមទាំងមានការអញ្ជើញចូលរួមពីសមាជិកក្រុមប្រឹក្សាខេត្ត អភិបាលរងខេត្ត អភិបាលក្រុង ស្រុក និងមន្ត្រីអង្គភាពពាក់ព័ន្ធជាច្រើនរូបទៀត។
ភ្នំពេញ ៤ តុលា ២០១៦៖ រាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋសហព័ន្ធ អាល្លឺម៉ង់ រៀបចំកិច្ចប្រជុំពិគ្រោះយោបល់កម្រិតបច្ចេកទេស ស្ដីពីកិច្ចសហប្រតិបត្តិការអភិវឌ្ឍន៍ រវាងប្រទេស ទាំងពីរនាព្រឹកថ្ងៃទី០៤ ខែតុលា ឆ្នាំ២០១៦ នៅទីស្ដីការក្រុមប្រឹក្សាអភិវឌ្ឍន៍កម្ពុជា។
ភ្នំពេញ ២៧ កញ្ញា ២០១៦៖ ដើម្បីបង្កើនការយល់ដឹងដល់ថ្នាក់ដឹកនាំរាជធានី ខេត្ត ក្រុង ស្រុក ខណ្ឌ និងអ្នកពាក់ព័ន្ធលើការលើកកម្ពស់សមធម៌សង្គម និងបរិយាប័ន្ន លេខាធិការដ្ឋាន គ.ជ.អ.ប សហការជាមួយក្រសួងកិច្ចការនារី កាលពីព្រឹកថ្ងៃទី២៧ ខែកញ្ញា ឆ្នាំ២០១៦ បានធ្វើការផ្សព្វផ្សាយឯកសារបច្ចេកទេសស្ដីពីការលើកកម្ពស់សមធម៌សង្គម និងបរិយាប័ន្ននៅរដ្ឋបាលថ្នាក់ក្រោមជាតិ។
ភ្នំពេញ ២៦ កញ្ញា ២០១៦៖ ដោយចាប់ផ្តើមពីឆ្នាំនេះក្រសួងអប់រំនឹងប្រគល់ការគ្រប់គ្រងសាលាបឋមសិក្សាចំនួន ៦២៥ គ្រូ ៤ ៨៧៤ នាក់ និងសិស្ស ១៧០ ០០០ នាក់ទៅក្រុង ស្រុកចំនួន ១៤ ក្នុងខេត្តបាត់ដំបងជាផ្នែកនៃគំនិតផ្តួចផ្តើមថ្មីមួយក្នុងការធ្វើវិមជ្ឈការ និងកែលម្អការអប់រំថ្នាក់បឋមសិក្សា។
