សៀមរាប ១១ ធ្នូ ២០១៥៖ ក្រុមប្រឹក្សាខេត្តសៀមរាប កាលពីល្ងាចថ្ងៃទី០៩ ខែធ្នូ ឆ្នាំ២០១៥ បានរៀបចំកិច្ចប្រជុំសាមញ្ញលើកទី១៩ ក្រោមអធិបតីភាពឯកឧត្ដម នូ ផល្លា ប្រធានក្រុមប្រឹក្សាខេត្ត និងឯកឧត្ដមប៊ុន ថាឬទ្ធិ អភិបាលរងខេត្ត និងមានការចូលរួមពីឯកឧត្ដម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត ប្រធាន អនុប្រធានមន្ទីរ អង្គភាពជុំវិញខេត្តមានសមាជិកចូលរួមប្រមាណ៧០រូប។
ភ្នំពេញ ៩ ធ្នូ ២០១៥៖ អភិបាលរាជធានីភ្នំពេញ ឯកឧត្ដម ប៉ា សុជាតិវង្សបានជំរុញអោយមន្ត្រីជំនាញពាក់ព័ន្ធទាំងអស់ត្រូវរួមគ្នាក្នុងការស្ថាបនាប្រព័ន្ធលូនិងផ្លូវនានានៅក្នុងរាជធានីភ្នំពេញ ដើម្បីកាត់ បន្ថយការថ្នាំងថ្នាក់ពីប្រជាពលរដ្ឋ ដោយហេតុថាកន្លងមកនេះដោយសារតែខ្វះការសហការ បានធ្វើអោយការដ្ឋានមួយចំនួនត្រូវបានទុកចោលអោយនៅមេម៉ាយជាច្រើនខែ។
សៀមរាប ៨ ធ្នូ ២០១៥៖ ឯកឧត្តម ងី ច័ន្ទ្រផល រដ្ឋលេខាធិការក្រសួងមហាផ្ទៃ និងជាអនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ បានស្នើដល់ស្ថាប័នរដ្ឋគ្រប់លំដាប់ថ្នាក់ ដែលធ្វើការពាក់ព័ន្ធនឹងគម្រោងសង្គហទានសង្គម និងស្ថាប័នពាក់ព័ន្ធដ៏ទៃទៀតចូលរួមសហការ និងជំរុញកំណើនចំនួនប្រជាពលរដ្ឋក្រីក្រ ពិសេសស្ត្រីមានផ្ទៃពោះ និងកុមារអាយុក្រោម៥ឆ្នាំ មកចុះឈ្មោះនៅសាលាឃុំ និងលើកទឹកចិត្តឲ្យពួកគាត់ទៅពិនិត្យសុខភាពនៅមណ្ឌលសុខភាព ឬមន្ទីរពេទ្យរដ្ឋ…
ក្រចេះ ៨ ធ្នូ ២០១៥៖ ប្រធានក្រុមប្រឹក្សាខេត្តក្រចេះ ឯកឧត្ដម នូ ភឿង កាលពីថ្ងៃទី០៧ ខែធ្នូ ២០១៥ បានជំរុញឲ្យមន្ទីរស្ថាប័នពាក់ព័ន្ធត្រូវបន្តយកចិត្តទុកដាក់ចុះសិក្សាស្វែងយល់អំពីអ្វីដែលជា កង្វល់របស់ប្រជាពលរដ្ឋដើម្បីដោះស្រាយជូនពួកគាត់ឲ្យទាន់ពេលវេលាមានតម្លាភាព និងប្រសិទ្ធភាពខ្ពស់។
ភ្នំពេញ ៧ ធ្នូ ២០១៥៖ តាមរយៈការពង្រឹងសមត្ថភាពនៃគណៈកម្មាធិការទទួលបន្ទុកកិច្ចការស្ត្រី និងកុមារឃុំ សង្កាត់បានធ្វើឲ្យសេចក្ដីសម្រេចចិត្តរបស់ក្រុមប្រឹក្សាឃុំ សង្កាត់ផ្ដោតទៅលើការប្រើប្រាស់មូលនិធិរបស់ខ្លួនកាន់តែច្រើនចំពោះការរៀបចំ និងការអនុវត្តគម្រោងផ្ដល់សេវានានាដែលពាក់ព័ន្ធនឹងសុខភាព អំពើហិង្សាក្នុងគ្រួសារ។
ភ្នំពេញ ៤ ធ្នូ ២០១៥៖ ប្រព័ន្ធតាមដាន និងវាយតម្លៃផ្ទៃក្នុងរបស់រដ្ឋបាលក្រុង ស្រុក ខណ្ឌ ជួយពង្រឹងប្រសិទ្ធភាពដឹកនាំ ការអនុវត្តការងាររបស់រដ្ឋបាលខណ្ឌ ប្រកបដោយតម្លាភាព និងគណនេយ្យភាព។ នេះជាកាលើកឡើងរបស់លោក អ៊ូវ ឡៃយ ប្រធានក្រុមប្រឹក្សាខណ្ឌសែនសុខ ក្នុងវគ្គបណ្ដុះបណ្ដាលស្ដីពីរបៀបបញ្ចេញរបាយការណ៍ពីក្នុងប្រព័ន្ធ ការបកស្រាយ និងវិធីសាស្ត្ររៀបចំរបាយការណ៍ដែលរៀបចំឡើងដោយលេខាធិការដ្ឋាន គ.ជ.អ.ប នៅសាលាខណ្ឌសែនសុខ កាលពីថ្ងៃទី០៤ ខែធ្នូ ឆ្នាំ២០១៥។
ត្បូងឃ្មុំ ២ ធ្នូ ២០១៥៖ ក្រុមប្រឹក្សាខេត្តត្បូងឃ្មុំ កាលពីព្រឹកថ្ងៃទី៣០ ខែវិច្ឆិកា ឆ្នាំ២០១៥ បានរៀបចំវេទិកាផ្សព្វផ្សាយ និងពិគ្រោះយោបល់អាណត្តិទី២ ដើម្បីដោះស្រាយនូវរាល់សំណើ សំណូមពរ និងបញ្ហាប្រឈមរបស់ប្រជាពលរដ្ឋ ក្នុងការអភិវឌ្ឍក្នុងស្រុកពញាក្រែក ខេត្តត្បូងឃ្មុំ។
ភ្នំពេញ ១ ធ្នូ ២០១៥៖ ប្រព័ន្ធតាមដាន និងវាយតម្លៃផ្ទៃក្នុងរបស់រដ្ឋបាលក្រុង ស្រុក ខណ្ឌ អាចត្រួតពិនិត្យមើលពីវឌ្ឍនភាពនៃអនុវត្តផែនការសកម្មភាពនានារបស់រដ្ឋបាលក្រុង ស្រុក និងអាចស្វែងរកបញ្ហាប្រឈមនានាក្នុងការអនុវត្តដើម្បីកែលំអនាពេលអនាគតផងដែរ។
ទាញយកសៀវភៅណែនាំ។
0១ ធ្នូ ២០១៥៖ លេខាធិការដ្ឋាន គ.ជ.អ.ប បានផ្តល់វគ្គបណ្តុះបណ្តាលបឋមរយៈពេល៥ថ្ងៃ ស្តីពីជំនាញបច្ចេកទេសគម្រោងហេដ្ឋារចនាសម្ព័ន្ធ របស់រដ្ឋបាលថ្នាក់ក្រោមជាតិ ដល់មន្ត្រីបច្ចេកទេសថ្មីរបស់សាលារាជធានី ខេត្តទាំង២៥ ដែលប្រព្រឹត្តទៅនៅខេត្តកំពង់ចាម។
មណ្ឌលគិរី ៣០ វិច្ឆិកា ២០១៥៖ ឯកឧត្ដមទេសរដ្ឋមន្ត្រី អុឹម ឈុនលឹម រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារថ្នាក់ជាតិចុះជួយខេត្តក្រចេះ-មណ្ឌលគិរី បានអញ្ជើញជាអធិបតីភាពក្នុងកិច្ចប្រជុំស្តីពីលទ្ធផលវេទិកាសាធារណៈប្រចាំខែវិច្ឆិកា និងការដោះស្រាយបញ្ហាជូនពលរដ្ឋ ដើម្បីគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាលកម្ពុជា ដែលបានធ្វើឡើងនាព្រឹកថ្ងៃទី២៩ វិច្ឆិកា នៅសាលប្រជុំសាលាខេត្តមណ្ឌលគិរី។
