ភ្នំពេញ ៦ សីហា ២០១៥៖ លោក នុត ពុធដារ៉ា អភិបាលខណ្ឌដង្កោ បានដឹកនាំមន្ត្រីរាជការ និងមន្ត្រីនគរបាលខណ្ឌ ចុះចែកអត្តសញ្ញាណប័ណ្ណសញ្ជាតិខ្មែរ ជូនពលរដ្ឋតាមខ្នងផ្ទះនៅក្នុងសង្កាត់ស្ពានថ្ម ខណ្ឌដង្កោ ដើម្បីឲ្យពួកគាត់បានយកទៅប្រើប្រាស់តាមតម្រូវការក្នុងផ្លូវសុចរិតត្រឹមត្រូវ ការប្រកបរបររកស៊ីចិញ្ចឹមជីវិត និងការរស់នៅប្រចាំថ្ងៃ កាលពីព្រឹកថ្ងៃទី៥ ខែសីហា ឆ្នាំ២០១៥ ចំនួន១១៤សន្លឹក ស្មើនឹង១១៤នាក់ (ស្ត្រី៦៤នាក់)។
កែប ៦ សីហា ២០១៥៖ ក្នុងគោលបំណងពិនិត្យការអនុវត្តគម្រោងអភិវឌ្ឍដើម្បីជួយសម្រួលកាលំបាករបស់ប្រជាពលរដ្ឋនៅមូលដ្ឋាន កាលពីថ្ងៃទី៥ ខែសីហា ឆ្នាំ២០១៥ ឯកឧត្ដម កែន សត្ថា អភិបាលនៃគណៈអភិបាលខេត្តកែប អមដំណើរដោយ អភិបាលរងខេត្ត ប្រធាន អនុប្រធានមន្ទីរ និងមន្ត្រីពាក់ព័ន្ធនានាបានអញ្ជើញចុះពិនិត្យគម្រោងជួសជុលផ្លូវក្រាលគ្រួសក្រហមនៅភូមិកោះសោម ឃុំអង្កោល និងភូមិភ្នំលាវ ភូមិព្រៃតាកុយ ឃុំពងទឹក ស្រុកដំណាក់ចង្អើរ។
ទាញយកសៀវភៅណែនាំ
ទាញយកប្រកាស
ពោធិ៍សាត់ ៥ សីហា ២០១៥៖ ប័ណ្ណកម្មសិទ្ធិដីធ្លី ត្រូវរក្សាទុកឱ្យបានល្អ និងប្រុងប្រយត្ន័កុំឱ្យបាត់បង់ព្រោះវាជាមាសប្រាក់ដ៏សំខាន់សម្រាប់បងប្អូនប្រជាពលរដ្ឋ និងជាសិទ្ធិស្របច្បាប់ពេញលេញក្នុង ការផ្ទេរ និងបែងចែកដល់កូនចៅ។ នេះគឺជាការលើកឡើងរបស់ឯកឧត្តម ម៉ៅ ធនិន អភិ បាលនៃគណៈអភិបាលខេត្តពោធិ៍សាត់ ថ្លែងនៅក្នុងឱកាសចែកបណ្ណ័កម្មសិទ្ធិដីធ្លីជូនប្រ ជាពលរដ្ឋភូមិស្សានិងភូមិអន្លង់វិល ឃុំស្សា ស្រុកកណ្តៀង ខេត្តពោធិ៍សាត់ នាព្រឹកថ្ងៃទី០៤ ខែសីហា ឆ្នាំ២០១៥។
ក្រចេះ ៤ សីហា ២០១៥៖ ឯកឧត្ដម ងី ច័ន្រ្ទផល រដ្ឋលេខាធិការក្រសួងមហាផ្ទៃ និងជាប្រធានក្រុមការងារទទួលខុសត្រូវដឹកនាំ ជំរុញការផ្ដល់អត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋ កាលពីព្រឹកថ្ងៃទី០៣ ខែសីហា ឆ្នាំ២០១៥ បានដឹកនាំការប្រជុំផ្សព្វផ្សាយសី្តពីយុទ្ធនាការផ្ដល់អត្តសញ្ញាណប័ណ្ណសញ្ជាតិខ្មែរ គំរូថ្មី ជូនប្រជាពលរដ្ឋនៅខេត្តក្រចេះ ដោយ មានការចូលរួមពីគណៈកម្មការថ្នាក់ខេត្ត និងថ្នាក់ស្រុកប្រមាណ២០០នាក់។
កណ្ដាល ៣ សីហា ២០១៥៖ អគាររដ្ឋបាលឃុំទឹកឃ្លាំង ស្ថិតក្នុងស្រុកល្វាឯម ត្រូវបានឯកឧត្ដម ម៉ៅ ភិរុណ អភិបាលខេត្តកណ្ដាល អញ្ជើញបញ្ចុះបឋមសិលាដើម្បីចាប់ផ្ដើមសាងសង់ នាព្រឹកថ្ងៃទី២ ខែសីហា ឆ្នាំ២០១៥។
កំពង់ធំ ៣១ កក្កដា ២០១៥៖ គណនេយ្យភាពសង្គមគឺជាឧបករណ៍ដ៏មានសារៈសំខាន់ ក្នុងការចូលរួមចំណែកដល់ការពង្រឹងអភិបាលកិច្ចតាមបែបប្រជាធិបតេយ្យនៅថ្នាក់មូលដ្ឋាន និងដើម្បីពង្រឹងសិទិ្ធអំណាច របស់ប្រជាពលរដ្ឋសហគមន៍មូលដ្ឋាន ក្នុងការចូលរួមពង្រឹងការចាត់ចែង ការប្រើប្រាស់ធនធាន និងការផ្តល់សេវាសាធារណៈនៅរដ្ឋបាលថ្នាក់ក្រោមជាតិ…
ទាញយកអនុក្រឹត្យ
ព្រះសីហនុ ៣០ កក្កដា ២០១៥៖ រដ្ឋបាលខេត្តព្រះសីហនុ កាលពីព្រឹកថ្ងៃទី២៨ ខែកក្កដា ឆ្នាំ២០១៥ បានបើកកិច្ចប្រជុំបូកសរុបលទ្ធផលសកម្មភាពការងារសម្រេចបានប្រចាំខែកក្កដា ឆ្នាំ២០១៥ និងលទ្ធផលការងារសម្រេចបានឆមាសទី១ ឆ្នាំ២០១៥ របស់រដ្ឋបាលសាលាខេត្ត ក្រោមអធិបតីភាពឯកឧត្ដម ឈិត សុខុន អភិបាលនៃគណៈអភិបាលខេត្តព្រះសីហនុ។
មើលវីដេអូ
កណ្ដាល ២៩ កក្កដា ២០១៥៖ រដ្ឋបាលខេត្តកណ្ដាល កាលពីព្រឹកថ្ងៃទី២៧ ខែកក្កដា ឆ្នាំ២០១៥ បានរៀបចំកិច្ចប្រជុំផ្សព្វផ្សាយ ស្ដីពីលទ្ធផលនៃប្រតិបត្តិការទប់ស្កាត់ និងបង្ក្រាបគ្រឿងចក្រជីកប្រឡាយ និងហ៊ុមព័ទ្ធដីនៅក្នុងអតីតឡូត៍នេសាទ ក្រោមអធិបតីភាពឯកឧត្ដម ម៉ៅ ភិរុណ អភិបាលនៃគណៈអភិបាលខេត្តកណ្ដាល។
