បាត់ដំបង ១២ សីហា ២០១៤៖ លេខាធិការដ្ឋាន គ.ជ.អ.ប សហការជាមួយក្រសួងផែនការ ដែលជាអនុកម្មវិធីទី៥ នៃផែនការអនុវត្តរយៈពេលបីឆ្នាំដំបូង (ផអ៣) បានរៀបចំសិក្ខាសាលា ពិគ្រោះយោបល់លើសេចក្ដីព្រាងគោលនយោបាយស្ដីពីប្រព័ន្ធផែនការរបស់រដ្ឋបាលថ្នាក់ក្រោមជាតិដល់ រដ្ឋបាលថ្នាក់ក្រោមជាតិ កាលពីថ្ងៃទី១១-១២ ខែសីហា ឆ្នាំ២០១៤ នៅសណ្ឋាគាររស្មីបាត់ដំបង។
បាត់ដំបង ១២ សីហា ២០១៤៖ លេខាធិការដ្ឋាន គ.ជ.អ.ប សហការជាមួយក្រសួងផែនការ ដែលជាអនុកម្មវិធីទី៥ នៃផែនការអនុវត្តរយៈពេល
បីឆ្នាំដំបូង (ផអ៣) បានរៀបចំសិក្ខាសាលាពិគ្រោះយោបល់លើសេចក្ដីព្រាងគោលនយោបាយស្ដីពីប្រព័ន្ធផែនការរបស់រដ្ឋបាលថ្នាក់ក្រោមជាតិ
ដល់រដ្ឋបាលថ្នាក់ក្រោមជាតិ កាលពីថ្ងៃទី១១-១២ ខែសីហា ឆ្នាំ២០១៤ នៅសណ្ឋាគាររស្មីបាត់ដំបង ខេត្តបាត់ដំបង។
សិក្ខាសាលានេះមានការចូលរួមពីប្រធានក្រុមប្រឹក្សារាជធានី ខេត្ត អភិបាលរងរាជធានី ខេត្ត ប្រធានមន្ទីរផែនការ នាយករដ្ឋបាលរាជធានី
ខេត្ត នាយកទីចាត់ការផែនការនិងវិនិយោគ អភិបាលក្រុង ស្រុក ប្រធានទីប្រឹក្សាគ្រប់គ្រងកម្មវិធីជាតិថ្នាក់រាជធានី ខេត្ត និងតំណាងក្រសួង
ស្ថាប័នពាក់ព័ន្ធនានាចំនួន១៥០នាក់។
សេចក្ដីព្រាងគោលនយោបាយស្ដីពីប្រព័ន្ធផែនការរបស់រដ្ឋបាលថ្នាក់ក្រោមជាតិ ត្រូវបានរៀបចំឡើងក្រោមកិច្ចសហការពិគ្រោះយោបល់រវាង
លេខាធិការដ្ឋាន គ.ជ.អ.ប និងក្រសួងផែនការ ក្នុងឆ្នាំ២០១៤។ គោលនយោបាយនេះមានសារៈសំខាន់ក្នុងការណែនាំ និងចង្អុលបង្ហាញដល់
រដ្ឋបាលថ្នាក់ក្រោមជាតិពីការរៀបចំផែនការឱ្យមានលក្ខណៈត្រឹមត្រូវ ស៊ីចង្វាក់ និងសមស្របតាមប្រភេទនៃរដ្ឋបាលថ្នាក់ក្រោមជាតិ
ជាពិសេសជាមូលដ្ឋានក្នុងការពិនិត្យ និងកែសម្រួលសេចក្ដីណែនាំបច្ចេកទេសស្ដីពីការកសាងផែនការអភិវឌ្ឍន៍ និងកម្មវិធីវិនិយោគរាជធានី
ខេត្ត ក្រុង ស្រុក ខណ្ឌ និងឃុំ សង្កាត់។
ក្នុងសិក្ខាសាលានេះ ក្រុមការងារបានធ្វើបទបង្ហាញស្តីពីខ្លឹមសារសំខាន់ៗនៃសេចក្ដីព្រាងគោលនយោបាយ និងបានបែងចែកក្រុមពិភាក្សាផ្លាស់ប្ដូរ
បទពិសោធន៍ និងផ្ដល់យោបល់ត្រឡប់លើប្រធានបទសំខាន់ៗមួយចំនួនដូចជា៖ (១). យន្តការកសាងផែនការអភិវឌ្ឍន៍របស់រដ្ឋបាល
ថ្នាក់ក្រោមជាតិ (២). ប្រភេទផែនការរបស់រដ្ឋបាលថ្នាក់ក្រោមជាតិ (៣). ក្របខ័ណ្ឌពេលវេលាសម្រាប់ការកសាងផែនការរបស់រដ្ឋបាល
ថ្នាក់ក្រោមជាតិ (៤). ប្រព័ន្ធ ឬ យន្តការគាំទ្រការកសាងផែនការរបស់រដ្ឋបាលថ្នាក់ក្រោមជាតិ (៥). គោលការណ៍នៃប្រព័ន្ធកសាងផែនការអភិវឌ្ឍន៍
របស់រដ្ឋបាលថ្នាក់ក្រោមជាតិ (៦). ផែនការអភិវឌ្ឍន៍តាមប្រភេទរដ្ឋបាលថ្នាក់ក្រោមជាតិ (៧). ផែនការសកម្មភាព៕