កំពង់ធំ ២៤ មិថុនា ២០១៦៖ ក្រុងស្ទឹងសែន ខេត្តកំពង់ធំ កាលពីថ្ងៃទី២៣ ខែមិថុនា ឆ្នាំ២០១៦ បានរៀបចំវគ្គបណ្ដុះបណ្ដាលស្ដីពីប្រព័ន្ធតាមដាន និងវាយតម្លៃផ្ទៃក្នុងក្រុង ស្រុក ខណ្ឌ ដល់មន្រ្តីរបស់ខ្លួន ដើម្បីពង្រឹងសមត្ថភាព និងជួយសម្រួលដល់ការងាររដ្ឋបាលក្រុង ឲ្យកាន់តែមានភាពងាយស្រួល និងមានប្រសិទ្ធភាពខ្ពស់។
កំពង់ធំ ២៤ មិថុនា ២០១៦៖ ក្រុងស្ទឹងសែន ខេត្តកំពង់ធំ កាលពីថ្ងៃទី២៣ ខែមិថុនា ឆ្នាំ២០១៦ បានរៀបចំវគ្គបណ្ដុះបណ្ដាលស្ដីពីប្រព័ន្ធតាមដាន និងវាយតម្លៃផ្ទៃក្នុងក្រុង ស្រុក ខណ្ឌ ដល់មន្រ្តីរបស់ខ្លួន ដើម្បីពង្រឹងសមត្ថភាព និងជួយសម្រួលដល់ការងាររដ្ឋបាលក្រុង ឲ្យកាន់តែមានភាពងាយស្រួល និងមានប្រសិទ្ធភាពខ្ពស់។
វគ្គបណ្ដុះបណ្ដាលនេះមានការចូលរួមពីប្រធានក្រុមប្រឹក្សាក្រុង អភិបាលរងក្រុង សមាជិកក្រុមប្រឹក្សាក្រុង នាយករដ្ឋបាល នាយករងរដ្ឋបាល ប្រធាន និងអនុប្រធានការិយាល័យផែនការគាំទ្រសង្កាត់ ប្រធានការិយាល័យកិច្ចការនារី មន្រ្តីបច្ចេកទេស ដែលបណ្ដុះបណ្ដាល និងសម្របសម្រួលដោយ ទីប្រឹក្សាអភិវឌ្ឍន៍សមត្ថភាព និង មន្រ្តីព័ត៌មានវិទ្យាខេត្ត។
វគ្គបណ្ដុះបណ្ដាលអំពីប្រព័ន្ធតាមដាន និងវាយតម្លៃផ្ទៃក្នុងក្រុង ស្រុក ខណ្ឌនេះ នេះធ្វើឡើងដើម្បីឲ្យរដ្ឋបាលក្រុងស្ទឹងសែនយល់ដឹងបន្ថែមអំពី៖
- ទស្សនទាននៃការតាមដាន វាយតម្លៃ
- ការបញ្ចូល និងបញ្ចេញទិន្នន័យតាមប្រព័ន្ធតាមដានវាយតម្លៃ
- ការរៀបចំផែនការសកម្មភាព ថវិកា និងសូចនាករ
- ការរៀបចំរបាយការណ៍ និងការបកស្រាយទិន្នន័យ
- ផែនការបន្ទាប់ និងជំហាននានាដែលត្រូវធ្វើ
ក្នុងកិច្ចដំណើរការនៃវគ្គបណ្ដុះបណ្ដាលនេះសង្កេតឃើញថាមានការចូលរួមជជែក ពិភាក្សាគ្នាយ៉ាងសកម្មពីសិក្ខាកាម៕ NCDDS