សៀមរាប ១១ ធ្នូ ២០១៥៖ ក្រុមប្រឹក្សាខេត្តសៀមរាប កាលពីល្ងាចថ្ងៃទី០៩ ខែធ្នូ ឆ្នាំ២០១៥ បានរៀបចំកិច្ចប្រជុំសាមញ្ញលើកទី១៩ ក្រោមអធិបតីភាពឯកឧត្ដម នូ ផល្លា ប្រធានក្រុមប្រឹក្សាខេត្ត និងឯកឧត្ដមប៊ុន ថាឬទ្ធិ អភិបាលរងខេត្ត និងមានការចូលរួមពីឯកឧត្ដម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត ប្រធាន អនុប្រធានមន្ទីរ អង្គភាពជុំវិញខេត្តមានសមាជិកចូលរួមប្រមាណ៧០រូប។
សៀមរាប ១១ ធ្នូ ២០១៥៖ ក្រុមប្រឹក្សាខេត្តសៀមរាប កាលពីល្ងាចថ្ងៃទី០៩ ខែធ្នូ ឆ្នាំ២០១៥ បានរៀបចំកិច្ចប្រជុំសាមញ្ញលើកទី១៩ ក្រោមអធិបតីភាពឯកឧត្ដម នូ ផល្លា ប្រធានក្រុមប្រឹក្សាខេត្ត និងឯកឧត្ដមប៊ុន ថាឬទ្ធិ អភិបាលរងខេត្ត និងមានការចូលរួមពីឯកឧត្ដម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត ប្រធាន អនុប្រធានមន្ទីរ អង្គភាពជុំវិញខេត្តមានសមាជិកចូលរួមប្រមាណ៧០រូប។
កិច្ចប្រជុំលើកទី១៩នេះ មានកូរ៉ុមចូលរួម (សមាជិកក្រុមប្រឹក្សា) ចំនួន១៨រូប លើ១៩អាសនៈ និងមានរបៀបវារៈចំនួន៦រួមមាន៖
១-ពិនិត្យ និងអនុម័តលើសេចក្ដីព្រាងកំណត់ហេតុកិច្ចប្រជុំសាមញ្ញលើកទី១៨ របស់ក្រុមប្រឹក្សាខេត្ត កាលពីថ្ងៃទី០៥ ខែវិច្ឆិកា ឆ្នាំ២០១៥
២-ពិនិត្យ ពិភាក្សា និងអនុម័តសេចក្ដីព្រាងរបាយការណ៍ប្រចាំខែវិច្ឆិកា ឆ្នាំ២០១៥ ស្ដីពីការអនុវត្តការងាររបស់រដ្ឋបាលខេត្ត
៣-ពិនិត្យ ពិភាក្សា និងអនុម័តលើឯកសារសម្រាប់វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តសៀមរាប អាណត្តិទី២ ឆ្នាំ២០១៥
៤-ពិនិត្យ ពិភាក្សា និងអនុម័តលើសេចក្ដីព្រាងសេចក្ដីសម្រេចស្ដីពីការបង្កើតគណៈកម្មការដឹកនាំ និងរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តសៀមរាប អាណត្តិទី២ ឆ្នាំ២០១៥
៥-ពិនិត្យ ពិភាក្សា និងអនុម័តលើការកែសម្រួលសមាសភាពគណៈកម្មាធិការពិគ្រោះយោបល់កិច្ចការស្ត្រី និងកុមារខេត្តសៀមរាប
៦-ពិនិត្យ ពិភាក្សា និងអនុម័តលើសេចក្ដីសម្រេចស្ដីពីការកែសម្រួលសមាសភាពក្រុមការងាររបស់ក្រុមប្រឹក្សាខេត្ត
៧-បញ្ហាផ្សេងៗ
អង្គប្រជុំបានអនុម័តលើរបៀបវារៈនីមួយៗ ដោយទទួលបានសម្លេងគាំទ្រ១៨ លើ១៩អាសនៈ៕