ព្រះសីហនុ ១៩ តុលា ២០១៦៖ ក្រុមការងាររៀបចំផែនការខេត្ត នាព្រឹកថ្ងៃទី១៩ ខែតុលា ឆ្នាំ២០១៦ បានបើកសិក្ខាសាលា ស្ដីពីសមាហរណកម្មកម្មវិធីវិនិយោគបីឆ្នាំរំកិល (២០១៧-២០១៩) របស់ខេត្ត និងផ្សព្វផ្សាយពីសមាហរណកម្មកម្មវិធីវិនិយោគបីឆ្នាំរំកិលក្រុង ស្រុក និងកម្មវិធីវិនិយោគឃុំ សង្កាត់។
ព្រះសីហនុ ១៩ តុលា ២០១៦៖ ក្រុមការងាររៀបចំផែនការខេត្ត នាព្រឹកថ្ងៃទី១៩ ខែតុលា ឆ្នាំ២០១៦ បានបើកសិក្ខាសាលា ស្ដីពីសមាហរណកម្មកម្មវិធីវិនិយោគបីឆ្នាំរំកិល (២០១៧-២០១៩) របស់ខេត្ត និងផ្សព្វផ្សាយពីសមាហរណកម្មកម្មវិធីវិនិយោគបីឆ្នាំរំកិលក្រុង ស្រុក និងកម្មវិធីវិនិយោគឃុំ សង្កាត់។
សិក្ខាសាលានេះបានប្រារព្ធឡើង ក្រោមអធិបតីភាពឯកឧត្ដម យន្ត មីន អភិបាលនៃគណៈអភិបាលខេត្តព្រះសីហនុ និងមានការអញ្ជើញចូលរួមពីសមាជិកក្រុមប្រឹក្សាខេត្ត អភិបាលរងខេត្ត ទីចាត់ការផែនការ និងវិនិយោគខេត្ត តំណាងមន្ទីរ អង្គភាព ក្រុង ស្រុកជុំវិញខេត្ត និងអង្គការសង្គមស៊ីវិលចូលរួមចំនួន៦១នាក់។
មានមតិស្វាគមន៍ និងបើកអង្គសិក្ខាសាលា ឯកឧត្ដម យន្ត មីន អភិបាលខេត្តព្រះសីហនុ បានមានប្រសាសន៍សំណូមពរដល់សមាជិកនៃអង្គសិក្ខាសាលាទាំងអស់ លើកឡើងនូវការគាំទ្រចំពោះគម្រោងផែនការរបស់មន្ទីរវិស័យរៀងៗខ្លួននិងចំណុចប្រឈម ដើម្បីរួមគ្នាពិភាក្សា និងដោះស្រាយនៅក្នុងសិក្ខាសាលានេះប្រកបដោយប្រសិទ្ធភាព និងតម្លាភាព ដើម្បីធ្វើឲ្យការអភិវឌ្ឍន៍ខេត្តព្រះសីហនុ មានការរីកចម្រើនលើគ្រប់វិស័យ។
គួរបញ្ជាក់ថា សិក្ខាសាលាសមាហរណកម្មកម្មវិធីវិនិយោគបីឆ្នាំរំកិល (២០១៧-២០១៩) របស់ខេត្ត មានគោលបំណងដើម្បី៖
- សម្របសម្រួល និងបន្ស៊ីគ្នារវាងគម្រោងនៃកម្មវិធីវិនិយោគខេត្ត ជាមួយនិងកម្មវិធីវិនិយោគក្រុង ស្រុក
- ពង្រឹងកិច្ចសហការរវាងរដ្ឋបាលខេត្ត ជាមួយរដ្ឋបាលក្រុង ស្រុក និងភាគីពាក់ព័ន្ធ
- កៀរគរធនធានសម្រាប់គាំទ្រគម្រោងវិនិយោគនានា ដែលស្នើឡើងដោយរដ្ឋបាលខេត្ត ក្រុង ស្រុក និងភាគីពាក់ព័ន្ធផ្សេង…។
តាមរយៈសិក្ខាសាលានេះ តំណាងមន្ទីរ អង្គភាពពាក់ព័ន្ធ បានលើកឡើងពីការគាំទ្រគម្រោងរបស់ខ្លួន និងកែសម្រួលពាក្យបច្ចេកទេសមួយចំនួនដែលជាលទ្ធផល ក្រុមការងារបានបង្ហាញថា គម្រោងដែលត្រូវគាំទ្រមានចំនួន១៨២គម្រោង និងបន្ថែម៣គម្រោងទៀត សរុប១៨៥គម្រោង ក្នុងចំណោមគម្រោងស្នើសរុប២៧៦គម្រោង៕ SSR
អត្ថបទដកស្រង់ចេញពីគេហទំព័ររដ្ឋបាលខេត្តព្រះសីហនុ
