ភ្នំពេញ ២២ មេសា ២០១៦៖ ឯកឧត្ដមប៉ា សុជាតិវង្ស អភិបាលរាជធានីភ្នំពេញ បានប្រកាសប្រគល់ការងារមួយចំនួនទៅឲ្យអភិបាលខណ្ឌទាំង១២ទទួលខុសត្រូវលើការជួសជុលកែលំអផ្លូវ និង លូនៅក្នុងមូលដ្ឋានរបស់ខ្លួន ក្នុងនោះរាល់ការចំណាយលើការជួសជុលផ្លូវ និង លូ នេះសាលារាជធានីភ្នំពេញជាអ្នកចំណាយទាំងស្រុង។
ភ្នំពេញ ២២ មេសា ២០១៦៖ ឯកឧត្ដមប៉ា សុជាតិវង្ស អភិបាលរាជធានីភ្នំពេញ បានប្រកាសប្រគល់ការងារមួយចំនួនទៅឲ្យអភិបាលខណ្ឌទាំង១២ ទទួលខុសត្រូវលើការជួសជុលកែលំអផ្លូវ និង លូនៅក្នុងមូលដ្ឋានរបស់ខ្លួន ក្នុងនោះរាល់ការចំណាយលើការជួសជុលផ្លូវ និង លូ នេះសាលារាជធានីភ្នំពេញជាអ្នកចំណាយទាំងស្រុង។
នេះគឺជាការសម្រេចរបស់ឯកឧត្ដមអភិបាលរាជធានីភ្នំពេញ ក្នុងកិច្ចប្រជុំពិភាក្សាលើការដោះស្រាយការកកស្ទះចរាចរក្នុងរាជធានីភ្នំពេញនៅថ្ងៃទី២១ ខែមេសា ឆ្នាំ២០១៦។ ជាមួយនេះដែរឯកឧត្ដមក៏បានជំរុញនិងមានការពង្រឹងថែមទៀតលើការងារផ្ដល់សេវាសាធារណៈជូនប្រជាពលរដ្ឋឲ្យបានល្អប្រសើរ និងទាន់ពេលវេលាដើម្បីកាត់បន្ថយការថ្នាំងថ្នាក់ពីប្រជាពលរដ្ឋ។
ឯកឧត្ដមប៉ា សុជាតិវង្ស បានលើកឡើងដែរថា ការប្រគល់ជូនការងារថែទាំផ្លូវនិងដល់អាជ្ញាធរខណ្ឌខាងលើនេះវាជាការវាស់ស្ទង់សមត្ថភាព លើកការគ្រប់គ្រងការងាររបស់អភិបាលខណ្ឌក្នុងការបំពេញការងាររបស់ខ្លួន។
ឯកឧត្ដមបានបន្តទៀតថា អភិបាលខណ្ឌទាំងអស់ត្រូវធ្វើឲ្យប្រាកដប្រជាជាមួយការងារ ហើយត្រូវចេះប្រមូលផ្តុំបញ្ហាដើម្បីយកមកធ្វើការដោះស្រាយ។
ជាមួយនេះដែរ ឯកឧត្ដមអភិបាលរាជធានីភ្នំពេញក៏បានទម្លាក់ការទទួលខុសត្រូវមួយចំនួនទៀតដើម្បីឲ្យអភិបាលខណ្ឌគ្រប់គ្រងដោយផ្ទាល់ដូចជាការថែទាំ និងទទួលខុសត្រូវនៅចំណុចភ្លើងស្តុបដែលមានក្នុងមូលដ្ឋានរៀងៗខ្លួននិងស្នើឲ្យមានការចូលរួមដោះស្រាយការកកស្ទះ និង សម្រួលការកកស្ទះចរាចរ រួមទាំងការស្តារប្រព័ន្ធលូតាមរយៈថវិកាវិភាជរបស់រាជរដ្ឋាភិបាល៕
អត្ថបទដកស្រង់ចេញពីគេហទំព័រអគ្គនាយកដ្ឋានវិទ្យុ និងទូរទស្សន៍បាយ័ន