ពោធិ៍សាត់ ២៤ មិថុនា ២០១៤៖ នៅព្រឹកថ្ងៃទី២៤ ខែមិថុនា ឆ្នាំ២០១៤ នេះ នៅសាលាខេត្តពោធិ៍សាត់ មានបើកកិច្ចប្រជុំមួយ រវាងអាជ្ញាធរខេត្ត ជាមួយនឹងបណ្តាក្រុមហ៊ុន សហគ្រាស រោងចក្រ និង ម្ចាស់សណ្ឋាគារទាំងអស់ ដែលមានទីតាំង ក្នុងទឹកដីខេត្តពោធិ៍សាត់ ដោយខ្លឹមសារប្រជុំនោះ គឺផ្តោតជាសំខាន់ ដើម្បីរកការងារ ជូនពលករ…
ដោយ៖ ដើមអម្ពិល ID-015 Tuesday, 24 June 2014 10:00
http://www.dap-news.com/2011-06-14-02-39-55/89163-2014-06-24-03-01-22.html
ពោធិ៍សាត់ ២៤ មិថុនា ២០១៤៖ នៅព្រឹកថ្ងៃទី២៤ ខែមិថុនា ឆ្នាំ២០១៤ នេះ នៅសាលាខេត្តពោធិ៍សាត់ មានបើកកិច្ចប្រជុំ មួយ រវាងអាជ្ញាធរខេត្ត ជាមួយនឹងបណ្តាក្រុមហ៊ុន សហគ្រាស រោងចក្រ និង ម្ចាស់សណ្ឋាគារទាំងអស់ ដែលមានទីតាំង ក្នុងទឹកដីខេត្តពោធិ៍សាត់ ដោយខ្លឹមសារប្រជុំនោះ គឺផ្តោតជាសំខាន់ ដើម្បីរកការងារ ជូនពលករទាំងក្នុងស្រុក និង ពលករចំណាកស្រុក ដែលទើបតែវិលត្រឡប់ មកពីប្រទេសថៃ ។
ចូលរួមជាគណៈអធិបតី ក្នុងកិច្ចប្រជុំនោះដែរ គេសង្កេតឃើញវត្តមាន របស់លោក ម៉ៅ ធនិន អភិបាល នៃគណៈអភិបាលខេត្តពោធិ៍សាត់ និងមានការចូលពីសំណាក់ លោក កើត ឆែ អភិបាលរងខេត្ត-លោក ស្រី ជុក សុផានី អភិបាលរងខេត្ត លោក ហេង សុភាណា នាយករដ្ឋបាលសាលាខេត្ត លោកប្រធាន មន្ទីរពាក់ព័ន្ធ លោកអភិបាល អភិបាលរងស្រុក-ក្រុង-មេឃុំ-ចៅសង្កាត់ និង ប្រធាន ឬអនុប្រធាន ឬ តំណាងក្រុមហ៊ុន រោងចក្រ-សហគ្រាសនានាក្នុងខេត្ត ព្រមទាំងម្ចាស់សណ្ឋាគារខ្នាតធំៗ ជាច្រើនក្នុង ខេត្តពោធិ៍សាត់ ។
បន្ទាប់ពីតំណាងក្រុមហ៊ុន រោងចក្រ សហគ្រាសមួយចំនួន បានឡើងមានយោបល់ស្តីពីកង្វះខាតកម្មករ និងពលករ សម្រាប់បម្រើការងារ ក្នុងក្រុមហ៊ុន-រោងចក្រ សហគ្រាសនានារួចមក ។ លោកម៉ៅ ធនិន អភិបាល នៃគណៈអភិបាលខេត្តពោធិ៍សាត់ បានផ្តល់អនុសាសន៍មួយចំនួន ទៅដល់បណ្តាក្រុមហ៊ុន សហគ្រាស រោងចក្រនានា សូមឲ្យបើកចិត្តទូលាយ ក្នុងការទទួលយកពលករ ឲ្យបានកាន់តែច្រើន កាលណា គឺកាន់តែល្អកាលហ្នឹង លោកថា បើពលករ របស់យើងបានការងារ ធ្វើក្នុងស្រុកបានកាន់ តែ ច្រើននោះ ការចំណាកស្រុករបស់ប្រជាពលរដ្ឋ នឹងអាចកាត់បន្ថយបានមួយកម្រិតថែមទៀត ៕