![](http://www.sihanoukville.gov.kh/images/News/GeneralNews/22-12-2014/10881302_10153412995183222_1089988979_n.jpg)
ព្រះសីហនុ ២៣ ធ្នូ ២០១៤៖ វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តព្រះសីហនុ ត្រូវបានរៀបចំឡើងកាលពីថ្ងៃទី ២២ ខែ ធ្នូ ឆ្នាំ ២០១៤ នៅវេទិកា ៧ មករា ស្ថិតក្នុងសង្កាត់លេខ៣ ក្រុងព្រះសីហនុ ខេត្តព្រះសីហនុ។
ព្រះសីហនុ ២៣ ធ្នូ ២០១៤៖ វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តព្រះសីហនុ ត្រូវបានរៀបចំឡើងកាលពីថ្ងៃទី ២២ ខែ ធ្នូ ឆ្នាំ ២០១៤ នៅវេទិកា ៧ មករា ស្ថិតក្នុងសង្កាត់លេខ៣ ក្រុងព្រះសីហនុ ខេត្តព្រះសីហនុ។
វេទិកានេះមានការអញ្ជើញជាអធិបតីដោយ ឯកឧត្តម ជាម ហ៊ីម ប្រធានក្រុមប្រឹក្សាខេត្តព្រះសីហនុ ឯកឧត្តម ឈិត សុខុន អភិបាលនៃគណៈអភិបាលខេត្តព្រះសីហនុ និងមានការចូលរួមពីសមាជិកក្រុមប្រឹក្សាខេត្ត អភិបាលរងខេត្ត លោកអភិបាល អភិបាលរងក្រុង លោកចៅសង្កាត់ ចៅសង្កាត់រង មន្ទីរមូយចំនួន និង ប្រជាពលរដ្ឋដែលរស់នៅក្នុងក្រុងព្រះសីហនុ។
ឯកឧត្តម វង្ស ផាណាត សមាជិកក្រុមប្រឹក្សាបានអាននូវខ្លឹមសារស្តីពីតួនាទីភារកិច្ចទំនាក់ទំនងការងាររវាងក្រុមប្រឹក្សា និងគណៈអភិបាលខេត្ត។ ជាមួយគ្នានោះ ឯកឧត្តម ឈិត សុខុន បានអានរបាយការណ៍សង្ខេប សមិទ្ធផលសម្រេចបានក្នុងឆ្នាំ២០១៤ និងបញ្ហាប្រឈមមួយចំនួន។
ក្នុងវេទិកានោះប្រជាពលរដ្ឋដែលមានកង្វល់ក្នុងចិត្ត និងមានបញ្ហាដែលជួបប្រទះ ក៏ដូចជា មានសំណូមពរក៏បានលើកឡើងជាព័ត៌មាន និងអោយក្រុមប្រឹក្សាដោះស្រាយផងដែរ។
ក្នុងឳកាសនោះ លោក អ៊ុក សារ៉ាយ ចៅសង្កាត់រង សង្កាត់លេខ៣ បានឡើងធ្វើការសំនូមពរ អោយជួយជួសជុលផ្លូវលំមួយខ្សែ ដែលស្ថិតក្នុងក្រុម ១ រហូតដល់ក្រុម ១២ ដែលមានប្រវែង ១៨០០ម៉ែត្រ។ ឯកឧត្តម ជិន សារិន អភិបាលក្រុងព្រះសីហនុ បានបកស្រាយ និងលើកឡើងផងដែរអំពីបញ្ហាលំបាកកន្លងមក លោកបន្តថានឹងធ្វើសេចក្តីរាយការណ៍ជូនខេត្ត។
ក្នុងនោះមានការស្នើសុំពីប្រជាពលរដ្ឋ ដោយសុំអោយអាជ្ញាធរជួយអន្តរាគមន៍បើកផ្លូវ និងពង្រីកផ្លូវនិងលូបង្ហូរទឹក ស្អុយ គួររៀបចំអោយមានប្រព័ន្ធជាពិសេសនៅម្តុំផ្សារមាន់មានការកកស្ទះជារឿយៗនៅពេលមានភ្លៀងធ្លាក់ម្តងៗ។ ចំនែកលោកចៅសង្កាត់លេខ២ បានស្នើសុំអោយពង្រីកផ្លូវ ដោយក្នុងនោះមានការប៉ះពាល់ដីឡូត៍ពីរកន្លែង ដែលទាមទារសំណង។ ក្រោយពីការស្នើសុំ និងការអន្តរាគមន៍ផ្សេៗមក លោក ឈិត រតនៈ នាយករងរដ្ឋបាល សាលាខេត្ត បានធ្វើរបាយការណ៍សរុបជូនអង្គពិធីទាំងមូល។
ចុងបញ្ចប់នៃអង្គពិធី ឯកឧត្តម ជាម ហ៊ីមប្រធានក្រុមប្រឹក្សាខេត្ត បានសំណេះសំណាលដល់អង្គពិធី ហើយឯកឧត្តមបានមានប្រសាសន៍ផងដែរថា ទោះបីជាមានព័ត៌មានបានរិះគន់ថា ពិធីនេះគ្រាន់ជាការគំរប់កិច្ចយ៉ាងណាក៏ដោយ ហើយយើងទទួលស្គាល់ថាការរៀបចំវេទិកានេះ ក៏មិនបានគ្រប់ជ្រុងជ្រោយដែរ លុះត្រាតែយើងចុះមូលដ្ឋានជាក់ស្តែង។