ព្រះវិហារ ២០ មីនា ២០១៤៖ ក្រោយពីបើកវេទិកាសាធារណៈ នៅស្រុកជាំក្សាន្តរួចមក អាជ្ញាធរ ខេត្ដព្រះវិហារបានបន្ដចុះទៅបើកវេទិកាសាធារណៈ នៅស្រុកគូលែន ខេត្ដព្រះវិហារ នាព្រឹកថ្ងៃទី២០ ខែមីនា ឆ្នាំ ២០១៤ ។
ព្រះវិហារ ២០ មីនា ២០១៤៖ ក្រោយពីបើកវេទិកាសាធារណៈ នៅស្រុកជាំក្សាន្តរួចមក អាជ្ញាធរ ខេត្ដព្រះវិហារបានបន្ដចុះទៅបើកវេទិកា
សាធារណៈ នៅស្រុកគូលែន ខេត្ដព្រះវិហារ នាព្រឹកថ្ងៃទី២០ ខែមីនា ឆ្នាំ ២០១៤ ។
អញ្ជើញជាអធិបតីភាពក្នុងវេទិកាសាធារណៈខាងលើនេះ ប្រព្រឹត្ដទៅក្រោមវត្ដមានរបស់នាយឧត្ដមសេនីយ៍ មាស សុភា ប្រធានក្រុមការងារចុះ
ជួយខេត្ដព្រះវិហារ លោក ឡុង សុវណ្ណ ប្រធានក្រុមប្រឹក្សាខេត្ត លោក អ៊ុំ ម៉ារ៉ា អភិបាលខេត្ដព្រះវិហារនិង មន្ដ្រីពាក់ព័ន្ធមួយចំនួនទៀត ។
មន្ដ្រីសាលាខេត្ដព្រះវិហារបានឱ្យដឹងថា ក្រុមការងារថ្នាក់ជាតិរបស់រាជរដ្ឋាភិបាល បានបន្ដរៀបចំវេទិកាសាធារណៈ ដោយជួបជាមួយមន្ដ្រីរាជការ
កងកម្លាំងប្រដាប់អាវុធ អាជ្ញាធរមូលដ្ឋាន និងប្រជាពលរដ្ឋនៅក្នុងភូមិទាំង៦ មកពី៣ឃុំ របស់ស្រុកគូលែន ដោយរៀបចំធ្វើឡើងនៅឃុំស្រយ៉ង់ និង
មានអ្នកចូលរួមសរុបប្រមាណ ៥០០នាក់ ។
នៅក្នុងវេទិកាខាងលើនេះ អភិបាលខេត្ដព្រះវិហារ បានលើកឡើងពីស្ថានភាពទូទៅ របស់ស្រុក និងការងារបានសម្រេចនាពេលកន្លងទៅរបស់
អាជ្ញាធរខេត្ដ ក៏ដូច ជាការកសាងអភិវឌ្ឍន៍នៅក្នុងមូលដ្ឋានជូន ប្រជាពលរដ្ឋ នៅស្រុកគូលែន ។
នៅក្នុងឱកាសនេះ នាយឧត្ដមសេនីយ៍ មាស សុភា បានជំរុញឱ្យអាជ្ញាធរខេត្ដ អាជ្ញា ធរមូលដ្ឋាន និងមន្ដ្រី ពាក់ព័ន្ធទាំងអស់ត្រូវបន្ដចូលរួមដោះស្រាយ
បញ្ហាជាក់ស្ដែងដល់ ប្រជាពលរដ្ឋ ដែលពួកគាត់ត្រូវការជាចាំបាច់។
ជាមួយគ្នានេះ លោក មាស សុភា បានជំរុញឱ្យសមត្ថកិច្ចមូលដ្ឋាន បន្ដផ្សព្វផ្សាយ គោលនយោបាយភូមិ-ឃុំ មានសុវត្ថិភាព ជូនប្រជាពលរដ្ឋ
ដើម្បីចូលរួមទាំងអស់គ្នារក្សាសន្ដិសុខ ក្នុងភូមិដ្ឋានរបស់ខ្លួន។
ដោយឡែកប្រជាពលរដ្ឋ និងមន្ដ្រីអាជ្ញាធរមូលដ្ឋានដែលបានចូលរួមក្នុងវេទិកាសាធារណៈខាងលើនេះបានលើកឡើងពីបញ្ហាប្រឈមមួយចំនួន
និងតម្រូវការខ្លះៗដើម្បីឱ្យថ្នាក់ដឹកនាំជួយដោះស្រាយ និងផ្ដល់ជូនពួកគេ៕