ភ្នំពេញ ១៩ មករា ២០១៥៖ ក្នុងរយៈពេល៨ខែ ឆ្នាំ២០១៤ ការិយាល័យច្រកចេញ ចូលតែមួយខណ្ឌសែនសុខ បម្រើសេវាជូនប្រជាពលរដ្ឋបានជាង១ម៉ឺនសេវា ស្នើនឹងថវិកាជាង ៩០០លានរៀល។
ភ្នំពេញ ១៩ មករា ២០១៥៖ ក្នុងរយៈពេល៨ខែ ឆ្នាំ២០១៤ ការិយាល័យច្រកចេញ ចូលតែមួយខណ្ឌសែនសុខ បម្រើសេវាជូនប្រជាពលរដ្ឋបានជាង១ម៉ឺនសេវា ស្នើនឹងថវិកាជាង៩០០លានរៀល។
នេះអាចចាត់ទុកថា ជាភាពជោគជ័យដ៏ធំធេងថ្មីមួយទៀតរបស់រាជរដ្ឋាភិបាល បន្ទាប់ពីបានដាក់ចេញនូវគោលនយោបាយដ៏មានប្រសិទ្ធភាពនៅក្នុងអាណត្តិទី៥នេះ គឺការធ្វើកំណែទម្រង់សេវាសាធារណៈសំដៅបង្ខិតសេវាឲ្យជិតប្រជាពលរដ្ឋ និងបម្រើជូនប្រជាពលរដ្ឋប្រកបដោយតម្លាភាព និងងាយស្រួល។
ជាក់ស្ដែងការិយាល័យច្រកចេញ ចូលតែមួយនៅរាជធានីភ្នំពេញចំនួន៨ខណ្ឌ ត្រូវបានក្រសួងមហាផ្ទៃ សម្ពោធដាក់ឲ្យដំណើរការកាលពីថ្ងៃទី៩ ខែមេសា ឆ្នាំ២០១៤ ស្ថិតក្រោមអធិបតីភាពឯកឧត្ដម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
ក្នុងរយៈជាង ៨ ខែនៃការដាក់ឲ្យដំណើរនេះ គណៈអភិបាលខណ្ឌសែនសុខ រួមទាំងមន្ត្រីក្រោមឱវាទ បានខិតខំអនុវត្តន៍ការងារបម្រើសេវាជូនប្រជាពលរដ្ឋបានចំនួន១២.៧៨២សេវា និងប្រមូលចំណូលថវិកាបានចំនួន ៩២៧.៨៣៧.០០០ រៀល។ ថវិកាទាំងអស់ដែលប្រមូលបានពីការិយាល័យច្រកចេញ ចូលតែមួយក្នុងខណ្ឌសែនសុខ ត្រូវបង់ចូលសាលាខណ្ឌ៕