ភ្នំពេញ ២៩ មេសា ២០១៥៖ អាជ្ញាធរខណ្ឌច្បារអំពៅ នៅព្រឹកថ្ងៃទី២៩ ខែមេសា ឆ្នាំ២០១៥ បានចុះចែកអត្តសញ្ញាណប័ណ្ណសញ្ជាតិខ្មែរចំនួន២.០៩២សន្លឹក ជូនប្រជាពលរដ្ឋដែលរស់នៅក្នុងសង្កាត់ក្បាលកោះ ខណ្ឌច្បារអំពៅ ក្រោមអធិបតីភាពលោកអ៊ាង ស៊ីផាន អភិបាលនៃគណៈអភិបាលខណ្ឌ…
ភ្នំពេញ ២៩ មេសា ២០១៥៖ អាជ្ញាធរខណ្ឌច្បារអំពៅ នៅព្រឹកថ្ងៃទី២៩ ខែមេសា ឆ្នាំ២០១៥ បានចុះចែកអត្តសញ្ញាណប័ណ្ណសញ្ជាតិខ្មែរចំនួន២.០៩២សន្លឹក ជូនប្រជាពលរដ្ឋដែលរស់នៅក្នុងសង្កាត់ក្បាលកោះ ខណ្ឌច្បារអំពៅ ក្រោមអធិបតីភាពលោកអ៊ាង ស៊ីផាន អភិបាលនៃគណៈអភិបាលខណ្ឌច្បារអំពៅ និងមានការចូលរួមពីអធិការនគរបាលខណ្ឌ មេបញ្ជារការកងរាជអាវុធហត្ថខណ្ឌ ចៅសង្កាត់ មេប៉ុស្តិ៍ សមាជិក សមាជិកាជាច្រើននាក់ទៀត។
លោកអេម សារ៉ាវុធ អធិការនគរបាលខណ្ឌច្បារអំពៅបានថ្លែងថា បន្ទាប់ពីទទួលបានសន្លឹកអត្តសញ្ញាណប័ណ្ណខ្មែរគំរូថ្មីពីស្នងការនគរបាលរាជធានីភ្នំពេញចំនួន២.០៩២សន្លឹករួចមក មន្ត្រីក្នុងមូលដ្ឋានបានបន្តធ្វើការចែកជូនប្រជាពលរដ្ឋជាបន្តបន្ទាប់ នៅក្នុងភូមិទាំង៨ក្នុងសង្កាត់ក្បាលកោះខាងលើ។
ចំនួនប្រជាជនដែលត្រូវចែកជូនទាំងអស់មានចំនួន៣.៧៧១នាក់ ក្នុងនោះស្រី ១.៧៤៤នាក់ មកទល់ពេលនេះ អាជ្ញាធរខណ្ឌច្បារអំពៅ បានចែកជូនគ្រប់ចំនួនអស់ហើយ បូកទាំងអត្តសញ្ញាណប័ណ្ណចំនួន២.០៩២សន្លឹក ដែលត្រូវបានចែកជូននៅថ្ងៃនេះ៕
អត្ថបទដកស្រង់ចេញពីគេហទំព័រកាសែតកោះសន្តិភាព