ស្ទឹងត្រែង ២៥ មេសា ២០១៤៖ ឯកឧត្តម លូ រ៉ាមីន អនុរដ្ឋលេខាធិការក្រសួងមហាផ្ទៃ និងជា ប្រធានក្រុមការងារថ្នាក់ជាតិចុះជួយខេត្តស្ទឹងត្រែង បានអញ្ជើញជាអធិបតីក្នុងកិច្ចប្រជុំរបស់ក្រុម ការងារថ្នាក់ខេត្ត ចុះមូលដ្ឋានក្រុង ស្រុក ឃុំ សង្កាត់ ដើម្បីត្រួតពិនិត្យ និងគាំទ្រការអនុវត្ត កម្មវិធីនយោបាយ និងយុទ្ធសាស្ត្រចតុកោណដំណាក់កាលទី៣…
ស្ទឹងត្រែង ២៥ មេសា ២០១៤៖ ឯកឧត្តម លូ រ៉ាមីន អនុរដ្ឋលេខាធិការក្រសួងមហាផ្ទៃ និងជាប្រធានក្រុមការងារថ្នាក់ជាតិចុះជួយខេត្តស្ទឹងត្រែង
បានអញ្ជើញជាអធិបតីក្នុងកិច្ចប្រជុំរបស់ក្រុមការងារថ្នាក់ខេត្ត ចុះមូលដ្ឋានក្រុង ស្រុក ឃុំ សង្កាត់ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ
និងយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាល ដោយមានការចូលរួមពី ឯកឧត្តម លោកជំទាវ ក្រុមការងារថ្នាក់ជាតិអន្តរក្រសួង
ចុះជួយខេត្តស្ទឹងត្រែង ឯកឧត្តម លោកជំទាវ សមាជិក សមជិកាក្រុមប្រឹក្សាខេត្ត គណៈអភិបាលខេត្ត និងលោក លោកស្រី ប្រធានមន្ទីរ
អង្គភាពជុំវិញខេត្ត ព្រមទាំងតំណាងអាជ្ញាធរមូលដ្ឋានជាច្រើនរូបទៀត ។
ឯកឧត្តម កុល សំអុល អភិបាលនៃគណៈអភិបាលខេត្តស្ទឹងត្រែង បានមានមតិស្វាគមន៍ និងធ្វើរបាយការណ៍សង្ខេបស្តីពីស្ថានភាពទូទៅ និង
លទ្ធផលសម្រេចបានតាមវិស័យមានការងារកសិកម្ម មានប្រជាជន ៨៥%ប្រកបរបរកសិកម្ម លើផ្ទៃដី២៧.៦៦៤ហិកតា សម្រាប់ដំណាំស្រូវ
និង២៨.១៥៤ហិកតា សម្រាប់ដំណាំរួមផ្សំ ការងារអភិវឌ្ឍជនបទ ការងារទេសចរណ៍ ការងារអប់រំ យុវជននិងកីឡា ការងារសុខាភិបាល ការងារ
ដែនដី នគររូបនីយកម្ម សំណង់ និងសុរិយោដី ការងារបរិស្ថាន និងអនាម័យ និងការងារមួយចំនួនទៀត ។
មានប្រសាសន៍ក្នុងឱកាសបើក និងបិទ កិច្ចប្រជុំ ឯកឧត្តម លូ រ៉ាមីន អនុរដ្ឋលេខាធិការក្រសួងមហាផ្ទៃ និងជាប្រធានក្រុមការងារថ្នាក់ជាតិចុះជួយ
ខេត្តស្ទឹងត្រែង បានធ្វើការគាំទ្រដល់ការរៀបចំក្រុមការងារថ្នាក់ជាតិ ថ្នាក់ខេត្ត និងថ្នាក់មូលដ្ឋានច្របាច់បញ្ចូលគ្នា ដើម្បីធ្វើការងារជាមួយគ្នា ក្នុងការ
គាំទ្រដល់ការអនុវត្តកម្មវិធីនយោបាយ និងគោលនយោបាយយុទ្ធសាស្រ្តចតុកោណដំណាក់កាលទី ៣ របស់រាជរដ្ឋាភិបាល អាណត្តិទី៥ នៃរដ្ឋសភា
ឲ្យទទួលបានជោគជ័យ ។
ឯកឧត្តម លូ រ៉ាមីន បានបញ្ជាក់បន្ថែមថា ក្រុមការងារថ្នាក់ជាតិមកនេះមិនមែនមកធ្វើការជំនួស មិនមែនមកត្រួតពិនិត្យ ហើយក៏មិនមែនមកធ្វើការ
ដឹកនាំដែរ គឺមានតួនាទី ភារៈកិច្ច ដែលជាបេសកកម្ម មកសហការ និងធ្វើការផ្សារភ្ជាប់រវាងថ្នាក់ជាតិ និងថ្នាក់ក្រោមជាតិក្នុងការរួមគ្នាដោះស្រាយ
នូវតម្រូវការ បញ្ហាប្រឈមនិងការលំបាករបស់ប្រជាពលរដ្ឋ និងពាំនាំនូវបញ្ហាដែលដោះស្រាយមិនបានទៅជូនរាជរដ្ឋាភិបាល ដើម្បីដោះស្រាយបន្ត។
អត្ថបទដោយ៖ លោក អ៊ុក ធាវី ប្រធានមន្ទីរព័ត៌មានខេត្តស្ទឹងត្រែង