វាយតម្លៃ​ពាក់កណ្ដាល​អាណត្តិ​នៃ​ការ​អនុវត្ត​គម្រោង​រដ្ឋបាល​មូលដ្ឋាន និង​ការ​ប្រែប្រួល​អាកាសធាតុ​ នៅ​ខេត្ត​តាកែវ

តាកែវ ១ សីហា ២០១៤៖ ក្រុមសិក្សាវាយតម្លៃឯករាជ្យ ថ្នាក់អន្តរជាតិ អមដំណើរដោយ ក្រុមការងារ អនុវត្តគម្រោងរដ្ឋបាលមូលដ្ឋាន និងការប្រែប្រួលអាកាសធាតុ (LGCC) ថ្នាក់ជាតិ និងថ្នាក់ខេត្ត តំណាងអង្គការ UNCDF  បានចុះសិក្សាវាយតម្លៃ ពាក់កណ្ដាលអាណត្តិ លើកាអនុវត្ត គម្រោង LGCC នៅខេត្តតាកែវ ចាប់ពីថ្ងៃទី២៩ ខែកក្កដា ដល់ថ្ងៃទី០១ ខែសីហា ឆ្នាំ២០១៤ តាមបណ្ដាក្រុង ស្រុក និងឃុំគោលដៅ នៅខេត្តតាកែវ។

តាកែវ ១ សីហា ២០១៤៖ ក្រុមសិក្សាវាយតម្លៃឯករាជថ្នាក់អន្តរជាតិ អមដំណើរដោយក្រុមការងារអនុវត្តគម្រោងរដ្ឋបាលមូលដ្ឋាន និងការប្រែប្រួលអាកាសធាតុ (LGCC) ថ្នាក់ជាតិ និងថ្នាក់ខេត្ត តំណាងអង្គការ UNCDF  បានចុះសិក្សាវាយតម្លៃ ពាក់កណ្ដាលអាណត្តិ លើកាអនុវត្តគម្រោង LGCC នៅខេត្តតាកែវ ចាប់ពីថ្ងៃទី២៩ ខែកក្កដា ដល់ថ្ងៃទី០១ ខែសីហា ឆ្នាំ២០១៤ តាមបណ្ដាក្រុង ស្រុក និងឃុំគោលដៅ នៅខេត្តតាកែវ។

ការវាយតម្លៃនេះ ត្រូវបានធ្វើឡើងដោយក្រុមវាយតម្លៃឯករាជ ដោយបានជួបសម្ភាសន៍ផ្ទាល់ជាមួយក្រុមការងារអនុវត្តគម្រោងLGCC ថ្នាក់ខេត្ត ស្រុក ឃុំគោលដៅ និងប្រជាពលរដ្ឋដែលទទួលផលពីគម្រោងដើម្បីពិនិត្យមើលការអនុវត្តគម្រោង លទ្ធផលនៃការអនុវត្ត ផលប៉ះពាល់ និងផ្ដល់អនុសាសន៍ សម្រាប់ការអនុវត្តបន្ត។

របាយការណ៍ដែលទទួលបាននឹងត្រូវរៀបចំជូនស្ថាប័នអនុវត្ត និងដៃគូអភិវឌ្ឍន៍ ជាពិសេសម្ចាស់ជំនួយអង្គការ Sida។

ក្នុងជំនួបណែនាំសមាសភាពក្រុមសិក្សាវាយតម្លៃដល់ក្រុមការងារគម្រោងថ្នាក់ខេត្ត លោកគង់ ចាន់ថន ទីប្រឹក្សាផែនការ ការប្រែប្រួលអាកាសធាតុរបស់គម្រោង LGCCII បានមានប្រសាសន៍ដល់ក្រុមការងារថា គោលបំណងនៃការវាយតម្លៃនេះ មិនមែនជាការស្វែងរកចាប់កំហុសអ្វីមួយនោះទេ តែវាជាការធម្មតា នៃការអនុវត្តគម្រោងនានា ដែលតម្រូវឱ្យមានការវាយតម្លៃ ជាលក្ខណៈឯករាជ្យ ដើម្បីស្វែងយល់ពីចំណុចខ្លាំង ចំណុចខ្សោយ និងផ្ដល់ជាអនុសាសន៍កែសម្រួល ដើម្បីអនុវត្តគម្រោង ឲ្យកាន់តែល្អប្រសើរនៅពេលខាងមុខ។

លោក គង់ ចាន់ថន បានសំណូមពរដល់ក្រុមការងារទាំងអស់ ត្រូវយកចិត្តទុកដាក់ឆ្លើយរាល់សំណួរទាំងឡាយ ពីអ្វីដែលបានអនុវត្តជាក់ស្ដែង និងបញ្ហាប្រឈមនានាដែលកើតមានអំឡុងពេលអនុវត្តគម្រោង កន្លងមក។

គួរបញ្ជាក់ថា គម្រោង LGCCII ត្រូវបានគាំទ្រដោយមូលនិធិបន្ស៊ាំទៅនឹងការប្រែប្រួលអាកាសធាតុ ដោយផ្អែកលើលទ្ធផលនៃការអនុវត្ត (PBCR Grant) ក្រោមកិច្ចសហការ អនុវត្ត ដោយលេខាធិការដ្ឋានគណៈកម្មាធិការជាតិ សម្រាប់ការអភិវឌ្ឍ តាមបែបប្រជាធិបតេយ្យ នៅថ្នាក់ក្រោមជាតិ (គ.ជ.អ.ប) និងរដ្ឋបាលខេត្តគោលដៅចំនួនពីរគឺខេត្តតាកែវ (មានស្រុកបាទី ស្រុកបូរីជលសារ ក្រុងដូនកែវ) និងខេត្តបាត់ដំបង (មានស្រុកថ្មគោល ស្រុកមោងឬស្សី ស្រុកបវេល ស្រុកសំពៅលូន និងស្រុករុក្ខគិរី)។ ក្នុងឆ្នាំ២០១៤នេះ គម្រោងLGCCII បានបន្តគាំទ្រជាថវិកាបដិភាគអនុវត្តគម្រោងរបស់ក្រុង ស្រុកគោលដៅទាំងអស់លើគម្រោងហេដ្ឋារចនាសម្ព័ន្ធចំនួន ៣៥គម្រោង និងគម្រោងសេវាកម្មចំនួន១០គម្រោង ដែលមានថវិកាត្រូវវិភាជន៍សរុបចំនួន ៣២០.០០០ ដុល្លារ៕