ព្រះវិហារ ៤ មេសា ២០១៤៖ ក្រោមកិច្ចសហការ និងសម្របសម្រួលពីលេខាធិការដ្ឋាន គ.ជ.អ.ប និងរដ្ឋបាលខេត្តព្រះវិហារ គណៈប្រតិភូគម្រោង LGCCII កាលពីថ្ងៃទី០១-០៤ ខែមេសា ឆ្នាំ២០១៤ បានធ្វើទស្សនៈកិច្ចសិក្សាស្វែងយល់ និងរៀនសូត្រអំពីបទពិសោធន៍ នៃការអនុវត្តគម្រោង…
ព្រះវិហារ ៤ មេសា ២០១៤៖ ក្រោមកិច្ចសហការ និងសម្របសម្រួលពីលេខាធិការដ្ឋាន គ.ជ.អ.ប និងរដ្ឋបាលខេត្តព្រះវិហារ គណៈប្រតិភូគម្រោង
LGCCII កាលពីថ្ងៃទី០១-០៤ ខែមេសា ឆ្នាំ២០១៤ បានធ្វើទស្សនៈកិច្ចសិក្សាស្វែងយល់ និងរៀនសូត្រអំពីបទពិសោធន៍ នៃការអនុវត្តគម្រោង
បន្ស៊ាំទៅនឹងការប្រែប្រួលអាកាសធាតុសម្រាប់លើកម្ពស់ការគ្រប់គ្រងធនធានទឹកនិងការប្រកបរបរកសិកម្មចម្រុះ (NAPA-FU) នៅខេត្តព្រះវិហារ។
ក្នុងជំនួបសំដែងការគួរសមជាមួយឯកឧត្ដមអភិបាលខេត្ត និងថ្នាក់ដឹកនាំរដ្ឋបាល ខេត្តព្រះវិហារ លោកគង់ ចាន់ថន ទីប្រឹក្សាផែនការ ការប្រែប្រួល
អាកាសធាតុរបស់គម្រោង LGCC II តំណាងគណៈប្រតិភូទស្សនៈកិច្ចសិក្សាបានជម្រាបពីគោលបំណង និងសមាសភាពក្រុមការងារ ដែល
អញ្ជើញមកពីខេត្តគោលដៅអនុវត្តគម្រោង LGCCIIចំនួនពីរ គឺខេត្តតាកែវ ខេត្តបាត់ដំបង តំណាងលេខាធិការដ្ឋានគ.ជ.អ.ប និងអង្គការUNCDF ដែល
មានសមាសភាពសរុបចំនួន៤៥នាក់។
លោកគង់ ចាន់ថន បានបង្ហាញពីការចាប់អារម្មណ៍ខ្ពស់ចំពោះការអនុវត្តទទួលបានជោគជ័យ នៃគម្រោង NAPA-FU នៅខេត្តព្រះវិហារកន្លងមក
ជាពិសេសលើការអនុវត្តបច្ចេកទេសដាំបន្លែ មិនប្រើប្រាស់ជីគីមី ថ្នាំពុលសម្លាប់សត្វល្អិត ការជ្រើសរើសពូជដំណាំ និងចិញ្ចឹមសត្វដែល មានលក្ខណ:
បន្ស៊ាំទៅនឹងការប្រែប្រួលអាកាសធាតុ និងការប្រើប្រាស់ថាមពលខ្យល់ ថាមពលពន្លឺព្រះអាទិត្យដើម្បីទាញយកទឹកប្រើប្រាស់។
នៅក្នុងពិធីនោះដែរ ឯកឧត្ដម អ៊ំ ម៉ារ៉ា អភិបាលខេត្តព្រះវិហារ បានសំដែងការស្វាគមន៍យ៉ាងកក់ក្ដៅចំពោះវត្តមានរបស់គណៈប្រតិភូគម្រោងLGCC II
នៅលើភូមិសាស្ត្រខេត្តព្រះវិហារ និងបានជូនពរឲ្យដំណើរទស្សនៈកិច្ចនេះទទួលបានផ្លែផ្កាតាមកម្មវិធីដែលបានគ្រោងទុក។
បន្ទាប់មកគណៈប្រតិភូបានស្ដាប់បទបង្ហាញពីដំណើរការនានានៃការអនុវត្តគម្រោង និងបានជួបសម្ភាសន៍ជាមួយក្រុមប្រឹក្សាឃុំ សហគមន៍ និង
កសិករគំរូ នៅភូមិទឹកក្រហម ឃុំទឹកក្រហម ស្រុកជាំក្សាន្ត ខេត្តព្រះវិហារ។
ក្នុងទឹកមុខញញឹមរីករាយ លោកស្រី គុយ សាមឿន កសិករគំរូនៅភូមិទឹកក្រហម និងជាកសិករឆ្នើម
ទទួលបានជ័យលាភជ័យលេខ១ ទូទាំងប្រទេសផ្នែកកសិកម្មចម្រុះឆ្នាំ២០១៤បានចែករំលែក
បទពិសោធន៍នានាពាក់ព័ន្ធនិងបច្ចេកទេសដាំដំណាំមិនប្រើប្រាស់ជីគីមី ចិញ្ចឹមសត្វ ការចងក្រងជា
សហគមន៍ប្រើប្រាស់ទឹក។
លោកស្រី គុយ សាមឿន បានប្រាប់គណៈប្រតិភូថា កន្លងមកគម្រោងបានជួយអប់រំ បណ្ដុះបណ្ដាល
ដល់លោកស្រីពីបច្ចេកទេសកសិកម្ម និងបានឧបត្ថម្ភជាពូជបន្លែ ផ្លែឈើ សត្វចិញ្ចឹម ឡជីវៈឧស្ម័ន និង
ក្នុងឆ្នាំ២០១២គម្រោងបាន ផ្ដល់ជាអណ្ដូងទឹកប្រើប្រាស់ពន្លឺព្រះអាទិត្យសម្រាប់ប្រើប្រាស់ក្នុងសហគមន៍
ចំនួន១៧គ្រួសារ។
លោកស្រី គុយ សាមឿន បន្តថាពីមុនតំបន់នេះជាទីតាំងខ្វះខាតទឹកខ្លាំង ជាពិសេសក្នុងរដូវប្រាំង តែក្រោយពីទទួលបានអណ្ដូងទឹកប្រើប្រាស់ថាមពល
ពន្លឺព្រះអាទិត្យ លោកស្រី និងប្រជាកសិករក្នុងភូមិមានភាពងាយស្រួល និងទទួលបានទឹកស្អាតប្រើប្រាស់ និងសម្រាប់ស្រោចស្រពដំណាំ។
លោកស្រី គុយ សាមឿន បន្ថែមទៀតថា ដំណាំ បន្លែ ផ្លែឈើរបស់លោកស្រីទទួលបានផលច្រើនជាងមុនបន្ទាប់ពីអនុវត្តការដាំដុះតាមបែប
បច្ចេកទេស ហើយផលិតផលទាំងនោះងាយស្រួលក្នុងការលក់នៅលើទីផ្សារ ដោយមានឈ្មួញចាំទទួលយកទៅលក់បន្ត។ ក្នុងឆ្នាំ២០១៣ គ្រួសារ
លោកស្រីទទួលបានប្រាក់ចំណូលសរុបជាង២០ លានរៀល ដែលធ្វើឲ្យជីវភាពមានភាពធូរធារមួយកម្រិត។
បន្ទាប់ពីបានធ្វើទស្សនៈសិក្សារយៈពេលពីរថ្ងៃ លោក ចាន់ សារ៉ា អភិបាលរងស្រុករុក្ខគិរីបានយល់ឃើញថា ការអនុវត្តគម្រោង NAPA-FU កន្លង
មកគឺស្របតាមគោលដៅរបស់គម្រោង សំដៅសន្ស៊ាំទៅនឹងការប្រែប្រួលអាកាសធាតុ។ ការអនុវត្តកសិកម្មប្រភេទនេះ បានធ្វើឲ្យជីវភាពប្រជាពលរដ្ឋ
មានភាពរីកចម្រើន កាត់បន្ថយការចំណាកស្រុក និងអំពើហិង្សាក្នុងគ្រួសារ។
លោកអ៊ំ ចាន់ សារ៉ា បានសន្យានឹងយកចំណេះដឹង មេរៀនបទពិសោធន៍ល្អៗដែលទទួលបានពីទស្សនកិច្ចសិក្សានេះទៅផ្សព្វផ្សាយបន្តនៅថ្នាក់ស្រុក
និងដាក់បញ្ចូលនូវទស្សនៈទាននៃការបន្ស៊ំការប្រែប្រួលអាកាសធាតុទៅក្នុងផែនការអភិវឌ្ឍន៍និងកម្មវិធីវិនិយោគរបស់ឃុំ និងស្រុកស្របតាម
កំណែទម្រង់វិមជ្ឈការ និងវិសហមជ្ឈការ៕