ភ្នំពេញ ១៨ កក្កដា ២០១៤ ៖ ស្ថានឯកអគ្គរាជទូត នៃព្រះរាជាណាចក្រកម្ពុជាប្រចាំនៅ ព្រះរាជាណាចក្រថៃ បានជូនដំណឹងដល់បងប្អូន ពលករកម្ពុជាទាំងអស់ ដែលកំពុងស្នាក់នៅធ្វើការ មិនស្របច្បាប់ក្នុងប្រទេសថៃ សូមទៅចុះបញ្ជីនៅ « មជ្ឈមណ្ឌលច្រកចេញចូលតែមួយ » នៅតាមបណ្តាខេត្តថៃ ដែលខ្លួនកំពុងស្នាក់នៅ ដើម្បីធានាភាពស្របច្បាប់របស់ខ្លួននោះ។
ភ្នំពេញ ១៨ កក្កដា ២០១៤ ៖ ស្ថានឯកអគ្គរាជទូត នៃព្រះរាជាណាចក្រកម្ពុជាប្រចាំនៅ ព្រះរាជាណាចក្រថៃ បានជូនដំណឹងដល់បងប្អូន ពលករកម្ពុជាទាំងអស់ ដែលកំពុងស្នាក់នៅធ្វើការ មិនស្របច្បាប់ក្នុងប្រទេសថៃ សូមទៅចុះបញ្ជីនៅ « មជ្ឈមណ្ឌលច្រកចេញចូលតែមួយ » នៅតាមបណ្តាខេត្តថៃ ដែលខ្លួនកំពុងស្នាក់នៅ ដើម្បីធានាភាពស្របច្បាប់របស់ខ្លួននោះ។
យោងតាមសេចក្តីជូនដំណឹងរបស់ស្ថានឯកអគ្គរាជទូត នៃព្រះរាជាណាចក្រកម្ពុជា ប្រចាំនៅព្រះរាជាណាចក្រថៃ ចុះថ្ងៃទី១០ ខែកក្កដា
ឆ្នាំ២០១៤ បាននិយាយថា ចំពោះបងប្អូនពលករកម្ពុជាណា ដែលមានលិខិតឆ្លងដែនរួចហើយ ក្រោយពីបានចុះបញ្ជីនៅ « មជ្ឈមណ្ឌល
ច្រកចេញចូលតែមួយ » ត្រូវបន្តដាក់ពាក្យសុំទិដ្ឋាការស្នាក់នៅ និងប័ណ្ណការងារ អចិន្ត្រៃយ៍នៅថៃ ចំពោះបងប្អូនពលករកម្ពុជាណា ដែលពុំមាន
លិខិតឆ្លងដែន ក្រោយពី បានចុះបញ្ជីនៅ « មជ្ឈមណ្ឌលច្រកចេញចូលតែមួយ » រួចហើយត្រូវសុំលិខិតឆ្លងដែន ពីអាជ្ញាធរកម្ពុជា។
ក្រោយពីបានលិខិតឆ្លងដែនហើយ ត្រូវបន្តដាក់ពាក្យសុំទិដ្ឋាការស្នាក់នៅនិងប័ណ្ណការងារអចិន្ត្រៃយ៍នៅថៃ។
សេចក្តីជូនដំណឹងបានបញ្ជាក់ថា ក្រសួងមហាផ្ទៃកម្ពុជានឹងរៀបចំធ្វើលិខិតឆ្លងដែន នៅទីតាំងចំនួន៤ នៅក្នុងព្រះរាជាណាចក្រកម្ពុជា
គឺនៅប៉ោយប៉ែត ប៉ៃលិន ចាំយាម និងអូរ ស្មាច់។ ក្នុងករណីជនណាម្នាក់រារាំងបងប្អូនពលករមិនឲ្យទៅចុះឈ្មោះ ឬមានចម្ងល់ ផ្សេងៗសូមប្រញាប់
ទាក់ទងមកស្ថានឯកអគ្គរាជទូតកម្ពុជា តាមរយៈលេខទូរស័ព្ទ ០៩៨ ៤០៤ ១៥ ៥០ , ០៨២ ៧៩៩ ០០ ០៧ , ០៨១ ៤៤១ ៩៨ ៧២៕