ភ្នំពេញ ២៣ មិថុនា ២០១៤៖ នៅព្រឹកថ្ងៃទី២៣ ខែមិថុនា ឆ្នាំ២០១៤ នៅសាលាខណ្ឌមានជ័យថ្មី ក្រុមប្រឹក្សាខណ្ឌ បានបើកកិច្ចប្រជុំលើកដំបូងរបស់ខ្លួនក្នុងអាណត្តិទី២ បន្ទាប់ពីប្រកាស ចូលកាន់តំណែងរយ:ពេលប្រមាណជាង២សប្ដាហ៍កន្លងមកនេះ ក្រោមវត្តមានលោកអែម សុខលាង ប្រធានក្រុមប្រឹក្សាខណ្ឌ និងលោកពេជ្រ កែវមុនី អភិបាលនៃគណ:អភិបាលខណ្ឌមានជ័យ ។
ភ្នំពេញ ២៣ មិថុនា ២០១៤៖ នៅព្រឹកថ្ងៃទី២៣ ខែមិថុនា ឆ្នាំ២០១៤ នៅសាលាខណ្ឌមានជ័យថ្មី ក្រុមប្រឹក្សាខណ្ឌ បានបើកកិច្ចប្រជុំលើកដំបូង
របស់ខ្លួនក្នុងអាណត្តិទី២ បន្ទាប់ពីប្រកាស ចូលកាន់តំណែងរយ:ពេលប្រមាណជាង២សប្ដាហ៍កន្លងមកនេះ ក្រោមវត្តមានលោកអែម សុខលាង
ប្រធានក្រុមប្រឹក្សាខណ្ឌ និងលោកពេជ្រ កែវមុនី អភិបាលនៃគណ:អភិបាលខណ្ឌមានជ័យ ។
ក្នុងកិច្ចប្រជុំលើកដំបូងនេះ លោកអែម សុខលាង ប្រធានក្រុមប្រឹក្សាខណ្ឌ បានបញ្ជាក់ថា កិច្ចប្រជុំបានលើកយកបញ្ហាសំខាន់ៗចំនួន៣ គឺរបាយការណ៍
លទ្ធផលនៃការអនុវត្តន៍ការងាររដ្ឋបាលខណ្ឌ ក្នុងអាណត្តិទី១ របស់ក្រុមប្រឹក្សាខណ្ឌ និងការងារនៅសេសសល់ ទិសដៅការងាររយ:ពេល៣ខែ ដែល
បានអនុម័តដោយក្រុមប្រឹក្សាអាណត្តិទី១ និងត្រូវអនុវត្តបន្ត។
ការផ្សព្វផ្សាយសេចក្ដីណែនាំលេខ០១៥ សណន របស់ក្រសួងមហាផ្ទៃ ស្ដីពីការរៀបចំបទបញ្ជាផ្ទៃក្នុងរបស់ក្រុមប្រឹក្សា និងគំរូបទបញ្ជាផ្ទៃក្នុងរបស់
ក្រុមប្រឹក្សា។ ការផ្ដួចផ្ដើមសេចក្ដីព្រាងប្រតិទិន នៃកិច្ចប្រជុំសាមញ្ញរបស់ក្រុមប្រឹក្សាខណ្ឌអាណត្តិទី២ សម្រាប់រយ:ពេល១២ខែចាប់ពីកិច្ច ប្រជុំសាមញ្ញ
លើកទី២។
លោក ពេជ្រ កែវមុនី បានលើកឡើងថា ខណ្ឌមិនទាន់មានធនធានមនុស្សគ្រប់គ្រាន់នៅឡើយ ដោយឡែកកម្លាំងនគរបាលយើងមាននៅតាមប៉ុស្តិ៍
ប៉ុន្តែថ្នាក់ខណ្ឌ ទាំងកម្លាំងនគរបាល ទាំងកម្លាំងអាវុធហត្ថ ក៏យើងមិនទាន់មានដែរ នៅចំពោះមុខនេះខណ្ឌនឹងខិតខំជំរុញនិងរៀបចំឲ្យបានឆាប់។
លោក ពេជ្រ កែវមុនី បានបញ្ជាក់ថាក្នុងនាមអាជ្ញាធរ ការងារអាទិភាពដំបូងបំផុតគឺសន្តិសុខ សុវត្ថិភាព សណ្ដាប់ធ្នាប់ របៀបរៀបរយ សាធារណ:ក្នុងមូលដ្ឋានដូចនេះតាមសង្កាត់នីមួយៗ ត្រូវពង្រឹងសន្តិសុខ តាមគោលការណ៍ភូមិ សង្កាត់មានសុវត្ថិភាពអោយបានជាប់ជាប្រចាំ។
ក្នុងកិច្ចប្រជុំនេះដែរលោក ពេជ្រ កែវមុនី អភិបាលខណ្ឌ មានជ័យបានបង្ហាញសមាសភាពអភិបាលរងទទួលបន្ទុកតាមតួនាទីរៀងៗខ្លួនជូនដល់
ក្រុមប្រឹក្សាខណ្ឌផងដែរ៕
អត្ថបទដកស្រង់ចេញពីគេហទំព័រដើមអម្ពិលចេញផ្សាយថ្ងៃទី២៣ ខែមិថុនា ឆ្នាំ២០១៤