កណ្ដាល ១៥ មករា ២០១៥៖ ឯកឧត្ដម ម៉ៅ ភិរុណ អភិបាលនៃគណៈអភិបាលខេត្តកណ្ដាល កាលពីថ្ងៃទី១២ ខែមករា ឆ្នាំ២០១៥ បានចុះហត្ថលេខាលើកិច្ចព្រមព្រៀងសហប្រតិបត្តិការសម្រាប់ការងាររៀបចំដែនដីក្នុងខេត្តកណ្ដាល ជាមួយលោកបណ្ឌិត Fzanz volkes Muiloz ប្រធានកម្មវិធីសិទ្ធលើដីធ្លី នៃកិច្ចសហប្រតិបត្តិការអន្តរជាតិអាល្លឺម៉ង់ (GIZ)។
កណ្ដាល ១៥ មករា ២០១៥៖ ឯកឧត្ដម ម៉ៅ ភិរុណ អភិបាលនៃគណៈអភិបាលខេត្តកណ្ដាល កាលពីថ្ងៃទី១២ ខែមករា ឆ្នាំ២០១៥ បានចុះហត្ថលេខាលើកិច្ចព្រមព្រៀងសហប្រតិបត្តិការសម្រាប់ការងាររៀបចំដែនដីក្នុងខេត្តកណ្ដាល ជាមួយលោកបណ្ឌិត Fzanz volkes Muiloz ប្រធានកម្មវិធីសិទ្ធលើដីធ្លី នៃកិច្ចសហប្រតិបត្តិការអន្តរជាតិអាល្លឺម៉ង់ (GIZ)។
ពិធីនេះក៏មានការចូលរួមពីឯកឧត្ដមឈឹម កន សមាជិកក្រុមប្រឹក្សាខេត្ត ប្រធានមន្ទីររៀបចំដែនដី នគររូបនីយកម្ម និងសំណង់ អភិបាលក្រុង ស្រុក និងនិងអ្នកពាក់ព័ន្ធជាច្រើនរូបទៀត។
មានមតិបើកកម្មវិធី ឯកឧត្ដម ម៉ៅ ភិរុណ បានមានប្រសាសន៍ថា ការចុះហត្ថលេខាលើកិច្ចព្រមព្រៀងនាថ្ងៃនេះ ពិតជាបានបង្ហាញអោយឃើញពីជំហានឈានឡើងថ្មីមួយទៀតដែលដៃគូអភិវឌ្ឍន៍ GIZ បានបន្តខិតខំយ៉ាងសកម្មក្នុងការគាំទ្រលើការងាររៀបចំដែនដីរបស់ខេត្តកណ្ដាល ដើម្បីជួយដល់ខេត្តកណ្ដាលអោយមានការអភិវឌ្ឍន៍ប្រកបដោយចិរភាពនៃសេដ្ឋកិច្ច សង្គម និងបរិស្ថានធម្មជាតិ ដែលរួមចំណែកក្នុងការអនុវត្តយុទ្ធសាស្ត្រកាត់បន្ថយភាពក្រីក្ររបស់រាជរដ្ឋាភិបាលកម្ពុជា។ ក្នុងពេលអនាគត ខេត្តកណ្ដាលនឹងធ្វើការអភិវឌ្ឍន៍ខ្លួនជាគំរូប្រពៃដែលមានគម្រោងចង្អុលបង្ហាញពីផែនការដីធ្លីច្បាស់លាស់តាមរយៈជំនួយគាំទ្រយ៉ាងពិសេសរបស់GIZនៃសាធារណរដ្ឋសហព័ន្ធអាល្លឺម៉ង់។
ឯកឧត្ដមបានបន្តទៀតថា ដៃគូអភិវឌ្ឍន៍ GIZ បាននិងកំពុងគាំទ្របច្ចេកទេសលើការកសាងប្លង់គោលក្រុងតាខ្មៅតាំងពីដើមឆ្នាំ២០១៣មកម្ល៉េះ ហើយបានជួយសិក្សាប្លង់គោលឈានដល់ជំហានទី ៣ក្នុងចំណោមចំនួន៩នៃកិច្ចសហប្រតិបត្តិការ។ ក្រៅពីការផ្ដល់ធនធានមនុស្សជាទីប្រឹក្សារបស់កម្មវិធី ដៃគូGIZបានផ្ដល់សម្ភារៈបច្ចេកទេសសម្រាប់ជំរុញការងារកសាងប្លង់គោលក្រុងតាខ្មៅនិងស្រុកស្អាងនិងបន្តដល់ស្រុកមួយចំនួនទៀត។
ឯកឧត្ដមអភិបាលខេត្តកណ្ដាលក៏បានថ្លែងសរសើរដល់ក្រុមការងារខេត្តកណ្ដាលដែលតែងតែយកចិត្តទុកដាក់លើការកសាងផែនការដីធ្លីរបស់ខ្លួនរួមចំណែកយ៉ាងសកម្មក្នុងលំអានកែទម្រង់ដីធ្លីរបស់រដ្ឋ៕ ដោយ៖ វរៈ
អត្ថបទដកស្រង់ចេញពីគេហទំព័រសាលាខេត្តកណ្ដាល៖ http://www.kandal.cambodia.gov.kh/insite.php?view=detail&story=545&menu=23