កណ្ដាល ៨ កញ្ញា ២០១៤៖ ក្នុងមួយឆ្នាំៗ រាជរដ្ឋាភិបាលកម្ពុជាបានបោះទុនវិនិយោគ ជាច្រើនក្នុងការស្តា ការសាងសង់ ការពង្រឹង ការកែលំអ និងការជួសជុលថែទាំផ្លូវថ្នល់ និងស្ពាន។ នេះជាការលើកឡើងរបស់ ឯកឧត្ដម លឹម ស៊ីដេនីន រដ្ឋលេខាធិការក្រសួង សាធារណការ និងដឹកជញ្ជូនក្នុងពិធីផ្សព្វផ្សាយ ច្បាប់ស្ដីពីផ្លូវថ្នល់…
អត្ថបទដកស្រង់ចេញពីគេហទំព័រសាលាខេត្តកណ្ដាល៖ http://www.kandal.cambodia.gov.kh/insite.php?view=detail&story=442&menu=23
កណ្ដាល ៨ កញ្ញា ២០១៤៖ ក្នុងមួយឆ្នាំៗ រាជរដ្ឋាភិបាលកម្ពុជាបានបោះទុនវិនិយោគជាច្រើនក្នុងការស្តា ការសាងសង់ ការពង្រឹង
ការកែលំអ និងការជួសជុលថែទាំផ្លូវថ្នល់ និងស្ពាន។ នេះជាការលើកឡើងរបស់ ឯកឧត្ដម លឹម ស៊ីដេនីន រដ្ឋលេខាធិការក្រសួង
សាធារណការ និងដឹកជញ្ជូនក្នុងពិធីផ្សព្វផ្សាយ ច្បាប់ស្ដីពីផ្លូវថ្នល់ ដែលធ្វើឡើងនៅសាលាខេត្តកណ្ដាល នាព្រឹកថ្ងៃទី០៥ ខែកញ្ញា ឆ្នាំ២០១៤។
ឯកឧត្ដមបានបន្តថា ក្រសួងកំពុងតែមមាញឹកក្នុងការជួសជុលថែទាំ កែលំអ លើកកម្រិតបណ្ដាញផ្លូវមួយចំនួនដើម្បីឆ្លើយតបឱ្យសមស្រប
ទៅនិងតម្រូវការ និងបរិបថនៃសកម្មភាពចរាចរណ៍ដឹកជញ្ជូនជាលក្ខណៈតំបន់ និងជាលក្ខណៈសកល។ បន្ថែមលើសនេះក្រសួងក៏បានខិតខំ
បន្តក្នុងការអភិវឌ្ឍន៍ និងពង្រីកបណ្ដាញផ្លូវថ្មីៗបន្ថែមទៀតឱ្យកាន់តែច្រើនឡើងទៅគ្រប់ទីកន្លែងនៃតំបន់ជនបទឆ្ងាយៗ និងតំបន់ដែលមាន
សក្ដានុពលសេដ្ឋកិច្ច កសិកម្ម ឧស្សាហកម្ម ទេសចរណ៍ និងតំបន់ព្រំដែនដើម្បីជួយសម្រួលដល់ការធ្វើដំណើររបស់ប្រជាពលរដ្ឋនិងភ្ញៀវ
ទេសចរណ៍ ទៅកាន់ទីផ្សារ សាលារៀន មន្ទីរពេទ្យ រមណីយដ្ឋានទេសចរណ៍នានា និងក៏ដើម្បីកិច្ចការពារអធិបតេយ្យភាពទឹកដី។ បើទោះបីជា
យ៉ាងណា ហេដ្ឋារចនាសម្ព័ន្ធ ផ្លូវថ្នល់ ស្ពាន របស់យើងងាយនឹងរងការ ខូចខាតហើយទទួលបានមកវិញនូវមតិរិះគន់ជារឿយៗ។
ឯកឧត្ដមបន្តទៀតថា៖ ច្បាប់ស្ដីពីផ្លូវថ្នល់គឺជាឧបករណ៍គតិយុត្តិដ៏ចាំបាច់មួយសម្រាប់ដាក់ចេញនូវយន្តការ និងវិធានការយ៉ាងតឹងរ៉ឹង
បំផុតក្នុងការការពារហេដ្ឋារចនាសម្ព័ន្ធផ្លូវថ្នល់ ស្ពានឱ្យបានរឹងមាំដើម្បីជៀសផុតពីការរិះគន់របស់ ប្រជាពលរដ្ឋ មហាជនមកលើរាជរដ្ឋាភិបាល
អំពីគុណភាពនៃការសាងសង់ ជួសជុល ថែទាំផ្លូវថ្នល់ ស្ពាន់ដែលជាចំណែកមួយនៃមូលហេតុធ្វើអោយគ្រោះថ្នាក់ចរាចរណ៍នាពេលបច្ចុប្បន្ន។
សូមបញ្ជាក់ថាច្បាប់ស្ដីពីផ្លូវថ្នល់មាន១៣ជំពូក ៨១មាត្រា ហើយរដ្ឋសភាបានអនុម័តកាលពីថ្ងៃទី០៣ ខែមេសា ឆ្នាំ២០១៤ នាសម័យប្រជុំរដ្ឋសភាលើកទី២ នីតិកាលទី៥៕ ដោយ៖ វរៈ