កំពង់ឆ្នាំង ១៩ កញ្ញា ២០១៤៖ វេទិកាពិគ្រោះយោបល់ដើម្បីត្រួតពិនិត្យការអនុវត្តកម្មវិធី គោលនយោបាយ និងយុទ្ធសាស្ត្រចតុកោណរបស់រាជរដ្ឋាភិបាលកម្ពុជា ត្រូវបានរៀបចំឡើងកាលពី ថ្ងៃទី១៧ ខែកញ្ញា ឆ្នាំ២០១៤ នៅវិទ្យាល័យ ហ៊ុន សែន បរិបូណ៌ ក្រោមអធិបតីភាព លោកជំទាវ ឆាយ វ៉ាន់នឿន រដ្ឋលេខាធិការ ទីស្ដីការគណៈរដ្ឋមន្ត្រី និងជាប្រធានក្រុមការងារចុះមូលដ្ឋាន…
អត្ថបទដកស្រង់ចេញពីគេហទំព័រសាលាខេត្តកំពង់ឆ្នាំង៖ http://administration.kch.ncdd.gov.kh/?p=1848
កំពង់ឆ្នាំង ១៩ កញ្ញា ២០១៤៖ វេទិកាពិគ្រោះយោបល់ដើម្បីត្រួតពិនិត្យការអនុវត្តកម្មវិធីគោលនយោបាយ និងយុទ្ធសាស្ត្រចតុកោណរបស់
រាជរដ្ឋាភិបាលកម្ពុជា ត្រូវបានរៀបចំឡើងកាលពីថ្ងៃទី១៧ ខែកញ្ញា ឆ្នាំ២០១៤ នៅវិទ្យាល័យ ហ៊ុន សែន បរិបូណ៌ ក្រោមអធិបតីភាព លោកជំទាវ
ឆាយ វ៉ាន់នឿន រដ្ឋលេខាធិការ ទីស្ដីការគណៈរដ្ឋមន្ត្រី និងជាប្រធានក្រុមការងារចុះមូលដ្ឋានស្រុកបរិបូណ៌។
វេទិកាពិគ្រោះយោបល់ នេះមានការចូលរួមពីសមាជិកក្រុមការងារចុះមូលដ្ឋានស្រុកបរិបូណ៌ និងមានការអញ្ជើញចូលរួមពីសមាជិកក្រុមប្រឹក្សាខេត្ត
ប្រធានមន្ទីរពាក់ព័ន្ធនានាជុំវិញខេត្ត អភិបាល អភិបាលរងស្រុក ក្រុមប្រឹក្សាឃុំ មេភូមិ ប្រជាពលរដ្ឋមកពីបីឃុំ គឺឃុំពន្លៃ ឃុំខុនរ៉ង និងឃុំពពេល
សរុបចំនួន១៨៣នាក់។
លោកជំទាវ ឆាយ វ៉ាន់នឿន បានមានប្រសាសន៍សំណេះសំណាល និងបានបញ្ជាក់ពីគោលបំណងនៃវេទិកាពិគ្រោះយោបល់ ដែលផ្ដល់ឱកាសដល់
ប្រជាពលរដ្ឋបញ្ចេញមតិយោបល់ សំណូមពរ សួរសំណួរ ឬចម្ងល់ផ្សេងៗដែលទាក់ទងទៅនឹងកិច្ចដំណើរការអភិវឌ្ឍនិងការផ្ដល់សេវានានាជូន
ប្រជាពលរដ្ឋនៅមូលដ្ឋាន។
វេទិកានេះគឺជាកញ្ចក់ឆ្លុះបញ្ចាំងឲ្យឃើញពីចំណុចខ្វះខាត និងភាពចន្លោះប្រហោងរបស់អាជ្ញាធរគ្រប់លំដាប់ថ្នាក់រាប់ចាប់ពីក្រុមប្រឹក្សាឃុំ ភូមិ សមត្ថកិច្ច
ជំនាញថ្នាក់ស្រុក ខេត្ត ដែលកំពុងបំពេញការងារផ្ទាល់ជាមួយប្រជាពលរដ្ឋ ។
ប្រជាពលរដ្ឋបានបញ្ចេញមតិយោបល់យ៉ាងផុលផុសទាក់ទងនិង ៖ ការផ្ដល់សេវារដ្ឋបាល, វិស័យសុខភាពអនាម័យ, វិស័យអប់រំ, ការអនុវត្តគោល
នយោបាយភូមិ ឃុំមានសុវត្ថិភាព។ល។
រាល់សំណូមពរ សំណួរ និងចម្ងល់ដែលបានលើកឡើងគណៈអធិបតី អាជ្ញាធរ និងមន្ត្រីជំនាញពាក់ព័ន្ធ បានពន្យល់ឆ្លើយតបយ៉ាងក្បោះក្បាយ
រីឯសំណូមពរដែលនៅសេសសល់មិនអាចឆ្លើយតបបានភ្លាម គណៈអធិបតីបានទទួលយកទៅពិភាក្សាជាមួយអ្នកពាក់ព័ន្ធ សំដៅស្វែងរក
ដំណោះស្រាយជូនប្រជាពលរដ្ឋឲ្យបានឆាប់រហ័ស និងមានប្រសិទ្ធភាព៕