កំពត ១៣ តុលា ២០១៤៖ តាមរយៈស្ថានទូតជប៉ុនប្រចាំកម្ពុជា ប្រជាពលរដ្ឋ និងសិស្សានុសិស្ស នៃអនុវិទ្យាល័យទួលផ្ចឹក ក្នុងឃុំស្រែចែង ស្រុកជុំគិរី ខេត្តកំពតមានកិត្តិយសដ៏ថ្លៃថ្លាបានទទួលអគារ សិក្សាចំនួន៣ខ្នងស្មើនឹង១១បន្ទប់ដែលជាអំណោយរបស់សប្បុរសជនមកពីប្រទេសជប៉ុន…
កំពត ១៣ តុលា ២០១៤៖ តាមរយៈស្ថានទូតជប៉ុនប្រចាំកម្ពុជា ប្រជាពលរដ្ឋ និងសិស្សានុសិស្សនៃអនុវិទ្យាល័យទួលផ្ចឹក ក្នុងឃុំស្រែចែង ស្រុកជុំគិរី
ខេត្តកំពតមានកិត្តិយសដ៏ថ្លៃថ្លាបានទទួលអគារ សិក្សាចំនួន៣ខ្នងស្មើនឹង១១បន្ទប់ដែលជាអំណោយរបស់សប្បុរសជនមកពីប្រទេសជប៉ុន
តាមរយៈអង្គការ ASAC។
នេះជាកិច្ចឆ្លើយតបចំពោះការខ្វះខាតសម្រាប់សហគមន៍ ក៏ដូចជាសិស្សានុសិស្សជុំវិញការសិក្សាដើម្បីក្រេបយកចំណេះដឹងដែលបាន
ជួបការលំបាកជាយូរមកហើយ។ សមិទ្ធផលកើតឡើងពីអំណោយសប្បុរសធម៌នេះបានលេចចេញជារូបរាងពេញលេញ និងឈាន
ដល់ដំណាក់កាល សម្ពោធដាក់ឱ្យប្រើប្រាស់ជាផ្លូវការនៅព្រឹកថ្ងៃទី៣០ ខែកញ្ញា ឆ្នាំ២០១៤ ក្រោមការអញ្ជើញចូលរួមពី សំណាក់ ឯកឧត្តម
វ៉ាដា តាកាយូគិ លេខាទី២ស្ថានទូតជប៉ុនប្រចាំកម្ពុជា និង ឯកឧត្តម ខូយ ឃុនហ៊ួរ អភិបាលនៃគណៈអភិបាលខេត្តកំពត ជាគណៈអធិបតី។
តាមរយៈរបាយការណ៍របស់លោកខៀវ ឫទ្ធិភ័ណ្ឌ អភិបាលស្រុកជុំគិរីបានបង្ហាញថាអនុវិទ្យាល័យទួលផ្ចឹកស្ថិតក្នុងភូមិកំណប់ ឃុំស្រែចែង
ស្រុកជុំគិរី ជាសាលាមួយដែលមានការលំបាកជាងគេក្នុងរយៈពេល៣ឆ្នាំចុងក្រោយនេះព្រោះអនុវិទ្យាល័យនេះពុំមានអគារសិក្សាសោះ
ដោយ កន្លងមកបានខ្ចីអគាររបស់សាលាបឋមសិក្សាដើម្បីបង្រៀន និងរៀនបណ្តោះអាសន្ន។ ថ្ងៃនេះយើង មានមោទនភាពជាពន់ពេក
ដោយប្រជាពលរដ្ឋសហគមន៍បានទទួលនូវអគារ២ខ្នង មាន៨បន្ទប់ បំពាក់ គ្រឿងសង្ហារឹមគ្រប់គ្រាន់ ព្រមទាំងបង្គន់អនាម័យ២បន្ទប់
សម្រាប់អនុវិទ្យាល័យ និងបង្គន់អនាម័យ២ បន្ទប់ រួមជាមួយការជួសជុលអគារចាស់១ខ្នង ស្មើនឹង៣បន្ទប់ ចំពោះផ្នែកបឋមសិក្សាដែលជា
អំណោយ របស់សប្បុរសជននៃប្រទេសជប៉ុនតាមរយៈអង្គការ ASAC។
ថ្លែងសុន្ទរកថាក្នុងឱកាសនេះ ឯកឧត្តម វ៉ាដា តាកាយូគិ លេខាទី២ផ្នែកសហប្រតិបត្តិការសេដ្ឋកិច្ច និងជំនួយអភិវឌ្ឍន៍ផ្លូវការនៃស្ថានទូតជប៉ុន
ប្រចាំព្រះរាជាណាចក្រកម្ពុជាបានមានប្រសាសន៍ថា កិច្ចធានានូវទំនួលបានការអប់រំកម្រិតបឋមសិក្សាជាគោលដៅចម្បងមួយនាពេល
បច្ចុប្បន្នរបស់រាជរដ្ឋាភិបាលកម្ពុជា។ បញ្ហានេះ ក្នុងនាមស្ថានទូតជប៉ុន ឯកឧត្តមសូមកោតសរសើរចំពោះការប្តេជ្ញាចិត្ត និងកិច្ចខិតខំ
ប្រឹងប្រែងរបស់រាជរដ្ឋាភិបាលកម្ពុជាក្នុងការកែលម្អវិស័យអប់រំ។ ដោយទទួលស្គាល់ពី សារសំខាន់នៃការអប់រំជាមូលដ្ឋានដើម្បីសម្រេចបាន
នូវការអភិវឌ្ឍន៍ធនធានមនុស្សនោះ រដ្ឋាភិបាលជប៉ុនបាន និងកំពុងបន្តផ្តល់ជំនួយឧបត្ថម្ភរបស់ខ្លួន បំណងគាំទ្រដល់កិច្ចខិតខំរបស់កម្ពុជា
តាមរយៈ ការជួយសាងសង់សាលារៀន ក៏ដូចជាបណ្ដុះបណ្ដាលគ្រូបង្រៀនតាំងពីអំឡុងឆ្នាំ១៩៩០ មកម្ល៉េះ។
មានមតិផ្តាំផ្ញើដល់ប្រជាពលរដ្ឋក៏ដូចជាសិស្សានុសិស្សទាំងអស់ ឯកឧត្តម ខូយ ឃុនហ៊ួរ អភិបាលនៃគណៈអភិបាលខេត្តកំពតបានមានប្រសាសន៍ថា
បន្ទាប់ពីទទួលបាននូវសមិទ្ធផលដ៏ថ្ងៃថ្លា នេះហើយ បងប្អូនប្រជាពលរដ្ឋ លោកគ្រូ អ្នកគ្រូ និងសិស្សានុសិស្សទាំងអស់ត្រូវចូលរួមថែរក្សាឱ្យបាន
គងវង្សសម្រាប់ប្រើប្រាស់យូរអង្វែង ពិសេសក្មួយៗត្រូវខិតខំរៀនសូត្រឱ្យក្លាយខ្លួនជាសិស្សពូកែ ដើម្បីឆ្លើយតបទៅនឹងគោលបំណងរបស់
ម្ចាស់អំណោយដែលមានចិត្តជ្រះថ្លាមកលើយើងគ្រប់គ្នា៕
អត្ថបទដកស្រង់ចេញពីគេហទំព័រខេត្តកំពត៖ អានអត្ថបទបន្ត