កំពត ១៩ សីហា ២០១៤៖ ឆ្លើយតបនិងការខ្វះខាតទឹកសម្រាប់ស្រូវសន្ទូងដែលកំពុងប្រឈម ចំពោះប្រជាកសិករ៣ភូមិ ក្នុងឃុំបន្ទាយមាសខាងកើត ស្រុកបន្ទាយមាស ខេត្តកំពត កាលពីព្រឹក ថ្ងៃទី១៦ ខែ សីហា ឆ្នាំ២០១៤ លោកជំទាវ អ៊ុន សុគន្ធា តំណាងរាស្ត្រមណ្ដលខេត្តកំពត និងឯកឧត្តម ខូយ ឃុនហ៊ួរ អភិបាលនៃគណៈអភិបាលខេត្តកំពតបាននាំយកប្រេងឥន្ធនៈ …
ដកស្រង់ចេញពីគេហទំព័រសាលាខេត្តកំពត
កំពត ១៩ សីហា ២០១៤៖ ឆ្លើយតបនិងការខ្វះខាតទឹកសម្រាប់ស្រូវសន្ទូងដែលកំពុងប្រឈមចំពោះប្រជាកសិករ៣ភូមិ ក្នុងឃុំ
បន្ទាយមាសខាងកើត ស្រុកបន្ទាយមាស ខេត្តកំពត កាលពីព្រឹកថ្ងៃទី១៦ ខែ សីហា ឆ្នាំ២០១៤ លោកជំទាវ អ៊ុន សុគន្ធា តំណាងរាស្ត្រ
មណ្ដលខេត្តកំពត និងឯកឧត្តម ខូយ ឃុនហ៊ួរ អភិបាលនៃគណៈអភិបាលខេត្តកំពតបាននាំយកប្រេងឥន្ធនៈ និងម៉ាស៊ីន និងសម្ភារៈមួយចំនួនទៀត
ចុះអន្តរាគមន៍បូមទឹកដាក់ស្រែជូនពលរដ្ឋដើម្បីសង្គ្រោះបន្ទាន់។
របាយការណ៍របស់អាជ្ញាធរមូលដ្ឋានបានឱ្យដឹងថា នៅឃុំបន្ទាយមាសខាងកើតមានភូមិចំនួន ៣ គឺ ភូមិក្រសាំងក្រោម ភូមិក្រសាំងលើ
និងភូមិពេជនា ដែលកំពុងជួបបញ្ហាខ្វះខាតទឹកក្នុងស្រែរហូត ដល់៥០០ហិកតា ដោយស្រែខ្លះបងប្អូនប្រជាកសិករបានស្ទូងរួចរាល់ហើយបែរជា
ដីស្ងួតហួតហែង។
ណែនាំនាឱកាសនោះ ឯកឧត្តម ខូយ ឃុនហ៊ួរ អភិបាលនៃគណៈអភិបាលខេត្តកំពតបានផ្តាំផ្ញើដល់អាជ្ញាធរមូលដ្ឋានក៏ដូចជាមន្ត្រីពាក់ព័ន្ធ
ទាំងអស់កុំព្រងើយកន្តើយដោយឧស្សាហ៍ចុះតាមដាន ដល់លំនៅស្ថានប្រជាកសិករដើម្បីស្វែងយល់ពីការលំបាក ពិសេសក្នុងពេល
កំពុងបង្កបង្កើនផលនារដូវវស្សា។ ឯកឧត្តអភិបាលខេត្ត បន្តទៀតថា នៅពេលឃើញ ឬដឹងថាបងប្អូនប្រជាកសិករជួបប្រទះបញ្ហាលំបាក
ដូចជាការខ្វះខាតទឹក ឬសំណាបជាដើមត្រូវប្រញាប់ប្រញាល់រាយការណ៍ជូនអាជ្ញាធរ ស្រុកដើម្បីបានកិច្ចអន្តរាគមន៍ចុះជួយដោះស្រាយភ្លាមៗ៕