ភ្នំពេញ ២៤ មិថុនា ២០១៦៖ ដើម្បីឆ្លើយតបនិងបញ្ហាការប្រែប្រួលអាកាសធាតុ និងបំពេញតម្រូវរបស់ជនងាយរងគ្រោះ រដ្ឋបាលថ្នាក់ក្រោមជាតិចាំបាច់ត្រូវមានសេចក្ដីណែនាំមួយច្បាស់លាស់ក្នុងដំណើរការកសាងកម្មវិធីវិនិយោគឃុំ សង្កាត់។
ភ្នំពេញ ២៤ មិថុនា ២០១៦៖ ដើម្បីឆ្លើយតបនិងបញ្ហាការប្រែប្រួលអាកាសធាតុ និងបំពេញតម្រូវរបស់ជនងាយរងគ្រោះ រដ្ឋបាលថ្នាក់ក្រោមជាតិចាំបាច់ត្រូវមានសេចក្ដីណែនាំមួយច្បាស់ លាស់ក្នុងដំណើរការកសាងកម្មវិធីវិនិយោគឃុំ សង្កាត់។
នេះជាការលើកឡើងរបស់លោក ឈុន ប៊ុនណារ៉ា អនុប្រធានអង្គភាពគ្រប់គ្រង និងគាំទ្រកម្មវិធីនៃលេខាធិការដ្ឋាន គ.ជ.អ.ប ក្នុងសិក្ខាសាលាថ្នាក់ជាតិស្ដីពីសេចក្ដីណែនាំការបញ្ជ្រាបការប្រែប្រួលអាកាសធាតុ និងយេនឌ័រនៅក្នុងដំណើរការកសាងកម្មវិធីវិនិយោគឃុំ កាលពីថ្ងៃទី២៣ ខែមិថុនា ឆ្នាំ២០១៦ នៅភោជនីយដ្ឋានទន្លេបាសាក់២។
លោក ឈុន ប៊ុនណារ៉ា បានបន្តទៀតថា ក្នុងបរិបទដែលប្រទេសកម្ពុជាកំពុងទទួលរងឥទ្ធិពលពីការប្រែប្រួលអាកាសធាតុ ឯកសារនេះនឹងក្លាយជាជំនួយស្មារតីដ៏មានសារៈសំខាន់សម្រាប់រដ្ឋបាលថ្នាក់ក្រោមជាតិក្នុងការប្រើប្រាស់ និងមានលទ្ធភាពដាក់បញ្ចូលនូវរាល់បញ្ហា និងតម្រូវការសម្រាប់ឆ្លើយតប ឬបន្សាំនឹងការប្រែប្រួលអាកាសធាតុនៅក្នុងសហគមន៍របស់ខ្លួន។
លោកបានបន្តថា លេខាធិការដ្ឋានគ.ជ.អ.ប នឹងបន្តសហការជាមួយអង្គការស្បៀងអាហាពិភពលោកប្រចាំនៅកម្ពុជា គាំទ្រដល់ដំណើរការការអនុវត្តសាកល្បងដល់ឃុំចំនួន១២ និងដាក់បញ្ចូលសេចក្ដីណែនាំនេះក្នុងដំណើរការកសាងកម្មវិធីវិនិយោគឃុំ នៅទូទាំងប្រទេសនៅថ្ងៃអនាគត៕ NCDDS
