រាជធានីភ្នំពេញ៖ ឯកឧត្តម ប្រាក់ សំអឿន អគ្គនាយកនៃអគ្គនាយកដ្ឋានរដ្ឋបាលក្រសួងមហាផ្ទៃបានអញ្ជើញដឹកនាំកិច្ចប្រជុំពិភាក្សាលើសេចក្តីព្រាងផែនការយុទ្ធសាស្ត្រស្តីពី ការអភិវឌ្ឍសមត្ថភាពមន្ត្រីនៅក្រសួងមហាផ្ទៃ និងធនធានមនុស្សនៅរដ្ឋបាលថ្នាក់ក្រោមជាតិ ដើម្បីលើកកម្ពស់សមត្ថភាព គុណភាពកម្មវិធីអភិវឌ្ឍន៍ ពង្រឹងគុណភាពនៃការសិក្សាស្រាវជ្រាវ និងពង្រឹងប្រសិទ្ធភាពការងាររបស់មន្ត្រី នៅព្រឹកថ្ងៃចន្ទ ០១រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣០ ខែមេសា ឆ្នាំ២០១៨ក្នុងសាលបណ្តុះបណ្តាល អគារ I ។
សមាសភាពអញ្ជើញចូលរួមកិច្ចប្រជុំមានចំនួនប្រមាណ២០រូប មកពីអគ្គនាយកដ្ឋាន អង្គភាព នាយកដ្ឋាន និងការិយាល័យជំនាញពាក់ព័ន្ធ។
សេចក្តីព្រាងផែនការយុទ្ធសាស្រ្តនេះមានគោលបំណងលើកកម្ពស់សមត្ថភាពមន្ត្រីរាជការដែលកំពុងបម្រើការងារនៅទីស្តីការក្រសួងមហាផ្ទៃ និងធនធានមនុស្សនៅរដ្ឋបាលថ្នាក់ក្រោមជាតិ ដើម្បីផ្តល់សេវាជូនប្រជាពលរដ្ឋកាន់តែល្អប្រសើរឡើង។