បន្ទាយមានជ័យ ២៤ មេសា ២០១៥៖ នៅសាលប្រជុំសាលាខេត្តបន្ទាយមានជ័យ កាលពីព្រឹកថ្ងៃទី ២២ ខែមេសា ឆ្នាំ២០១៥ បានរៀបចំវគ្គបណ្ដុះបណ្ដាលតម្រង់ទិស ស្ដីពីតួនាទី ភារកិច្ច និងការទទួលខុសត្រូវរបស់ស្មៀនឃុំ សង្កាត់ និងរបៀបកត់ត្រាការងារអត្រានុកូលដ្ឋាន ក្រោមអធិបតីភាពឯកឧត្ដម គោស៊ុំ សារឿត អភិបាលនៃគណៈអភិបាលខេត្តបន្ទាយមានជ័យ។
បន្ទាយមានជ័យ ២៤ មេសា ២០១៥៖ នៅសាលប្រជុំសាលាខេត្តបន្ទាយមានជ័យ កាលពីព្រឹកថ្ងៃទី ២២ ខែមេសា ឆ្នាំ២០១៥ បានរៀបចំវគ្គបណ្ដុះបណ្ដាលតម្រង់ទិស ស្ដីពីតួនាទី ភារកិច្ច និងការទទួលខុសត្រូវរបស់ស្មៀនឃុំ សង្កាត់ និងរបៀបកត់ត្រាការងារអត្រានុកូលដ្ឋាន ក្រោមអធិបតីភាពឯកឧត្ដម គោស៊ុំ សារឿត អភិបាលនៃគណៈអភិបាលខេត្តបន្ទាយមានជ័យ។
ឯកឧត្ដមអភិបាលខេត្ត បានមានប្រសាសន៍ក្នុងវគ្គបណ្ដុះបណ្ដាលនោះថា ការងារ និងតួនាទីភារៈកិច្ចរបស់ស្មៀនមានដូចជា របៀបកត់ត្រាការងារអត្រានុកូលដ្ឋាន។ ពិសេសប្រជាពលរដ្ឋរស់នៅក្នុងប្រទេសកម្ពុជាយើងនេះ ត្រូវការចុះបញ្ជីអត្រានុកូលដ្ឋាន ព្រោះវាមាន សារៈសំខាន់សម្រាប់យកទៅប្រើប្រាស់បំពេញបែបបទសុំចូលធ្វើការងារ និងបែបបទទៅរស់នៅក្រៅប្រទេស។
ឯកឧត្ដមបានមានប្រសាសន៍បញ្ជាក់ផងដែរថា បែបបទនិងនីតិវិធីនៃការចុះបញ្ជីអត្រានុកូលដ្ឋានរួមមាន៖ ១). សំបុត្រកំណើត ២). សំបុត្ររៀបអាពាហ៍ពិពាហ៍ និង ៣). សំបុត្រមរណៈភាពជាដើម។ ឯកឧត្ដមក៏បានផ្ដាំផ្ញើដល់អង្គសិក្ខាកាមទាំងអស់ដូចជា មេឃុំ ចៅសង្កាត់ និងស្មៀន ទាំងអស់អោយខិតខំប្រឹងប្រែងយកចិត្តទុកដាក់ ស្តាប់ ក្រេបយកចំណេះដឹងនៃវគ្គបណ្ដុះបណ្ដាលនេះ ដើម្បីបង្កើនចំណេះដឹងរបស់ខ្លួនបន្ថែមទៀត សម្រាប់យក ទៅអនុវត្តការងារ និងបម្រើសេវាសាធារណៈជូនប្រជាពលរដ្ឋនៅគ្រប់មូលដ្ឋាន៕
អត្ថបទដកស្រង់ចេញពីគេហទំព័រខេត្តបន្ទាយមានជ័យ
