ភ្នំពេញ ១៣ ធ្នូ ២០១៣៖ គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប) សូមជូនដំណឹងដល់បណ្តាញសារព័ត៌មានទាំងអស់ក្នុងព្រះរាជាណាចក្រកម្ពុជាឲ្យបានជ្រាបថា គ.ជ.អ.ប នឹងរៀបចំសិក្ខាសាលាជាតិ…
ភ្នំពេញ ១៣ ធ្នូ ២០១៣៖ គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប) សូមជូនដំណឹងដល់បណ្តាញសារព័ត៌មានទាំងអស់ក្នុងព្រះរាជាណាចក្រកម្ពុជាឲបានជ្រាបថា គ.ជ.អ.ប នឹងរៀបចំសិក្ខាសាលាជាតិស្ដីពីការរៀបចំផែនការសកម្មភាព និងថវិកាឆ្នាំ២០១៤ របស់ គ.ជ.អ.ប ក្រោមអធិបតីភាពដ៏ខ្ពង់ខ្ពស់របស់ឯកឧត្ដម ពេជ្រ ប៊ុន ធិន រដ្ឋមន្ត្រីក្រសួងមុខងារសាធារណៈ ក្នុងពិធីបើក នាវេលាម៉ោង ៨.៣០ ព្រឹក ថ្ងៃទី១៩ ខែធ្នូ ឆ្នាំ២០១៣ និងឯកឧត្តម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន គ.ជ.អ.ប ក្នុងពិធីបិទ វេលាម៉ោង ១០.០០ ព្រឹក ថ្ងៃទី២០ ខែធ្នូ ឆ្នាំ២០១៣។
សិក្ខាសាលានេះនឹងមានការចួលរួមពីតំណាងក្រសួង ស្ថាប័ន រដ្ឋបាលថ្នាក់ក្រោមជាតិ អង្គការមិនមែនរដ្ឋាភិបាល និងដៃគូអភិវឌ្ឍន៍ សរុបជាង ៤០០ នាក់។
សិក្ខាសាលានេះមានគោលបំណងពិភាក្សាអំពីការវិភាជន៍ថវិកាសម្រាប់ផែនការសកម្មភាព និងថវិកាឆ្នាំ២០១៤ របស់ គ.ជ.អ.ប និងអំពីវឌ្ឍនភាព និងបញ្ហាប្រឈមនានាក្នុងឆ្នាំ២០១៣ ព្រមទាំងលទ្ធផលរំពឹងទុក និងផែនការសកម្មភាពគ្រោងសម្រាប់អនុវត្តក្នុងឆ្នាំ២០១៤។
ពេលវេលាៈ
- ថ្ងៃទី១៩ ខែធ្នូ ឆ្នាំ២០១៣ ចាប់ពីម៉ោង ៧:៣០ ព្រឹក រហូតដល់ម៉ោង ៥:០០ ល្ងាច
- ថ្ងៃទី២០ ខែធ្នូ ឆ្នាំ២០១៣ ចាប់ពីម៉ោង ៧:៣០ ព្រឹក រហូតដល់ម៉ោង ១១.៣០ ព្រឹក
ទីកន្លែងៈ នៅសាលប្រជុំទីស្តីការក្រសួងមហាផ្ទៃ (អគារ S) អាសយដ្ឋានៈ មហាវិថីព្រះនរោត្តម ខណ្ឌចំការមន
រាជធានីភ្នំពេញ
អាស្រ័យដូចបានជម្រាបជូនខាងលើ សូមលោក លោកស្រីដែលជាអ្នកសារព័ត៌មានទាំងអស់អញ្ជើញចូលរួមយកព័ត៌មានតាមកាលបរិច្ឆេទ និងពេលវេលាខាងលើកុំបីខាន។
ព័ត៌មានបន្ថែម សូមទំនាក់ទំនងលោក ជេដ្ឋ គីមជុង ប្រធានការិយាល័យទំនាក់ទំនង និងផ្សព្វផ្សាយព័ត៌មាននៃលេខាធិការដ្ឋាន គ.ជ.អ.ប តាមរយៈលេខទូរស័ព្ទ ០១២ ៧៥៨ ៥២០ អ៊ីម៉ែល: kimchung@ncdd.gov.kh គេហទំព័រ: www.ncdd.gov.kh ។
ទាញយកសេចក្តីប្រកាសព័ត៌មានជា PDF នៅទីនេះ។
ទាញយកលិខិតអញ្ជើញប្រធានក្រុមប្រឹក្សា និងអភិបាលរាជធានី ខេត្ត។