ភ្នំពេញ ២៥ មេសា ២០១៤ ៖ សេវាសាធារណៈដែលរដ្ឋបាលខណ្ឌមានជ័យនឹងផ្តល់ជូនរួមមានការងារ នីត្យានុកូលកម្ម វិស័យវប្បធម៌ និងវិចិត្រសិល្ប វិស័យអប់រំ យុវជន និងកីឡា វិស័យទេសចរណ៍ ការងារអត្រានុកូលដ្ឋាន វិស័យសំណង់និងដីធ្លី វិស័យឧស្សាហកម្ម រ៉ែ និងថាមពល វិស័យពាណិជ្ជកម្ម វិស័យសុខាភិបាល…
ភ្នំពេញ ២៥ មេសា ២០១៤ ៖ សេវាសាធារណៈដែលរដ្ឋបាលខណ្ឌមានជ័យនឹងផ្តល់ជូនរួមមានការងារ នីត្យានុកូលកម្ម វិស័យវប្បធម៌និងវិចិត្រសិល្ប
វិស័យអប់រំ យុវជន និងកីឡា វិស័យទេសចរណ៍ ការងារអត្រានុកូលដ្ឋាន វិស័យសំណង់និងដីធ្លី វិស័យឧស្សាហកម្ម រ៉ែ និងថាមពល វិស័យពាណិជ្ជកម្ម
វិស័យសុខាភិបាល វិស័យសាធារណការ និងដឹកជញ្ជូន និងវិស័យកសិកម្ម សរុបមានចំនួន១៩៤ប្រភេទ ។
ថ្លែងនៅក្នុងពិធីបើកយុទ្ធនាការផ្សព្វផ្សាយព័ត៌មានស្តីពី ការផ្តល់សេវាសាធារណៈ របស់រដ្ឋបាលខណ្ឌនាព្រឹកមិញនេះ លោកគួច ចំរើន អភិបាល
នៃគណៈអភិបាលខណ្ឌមានជ័យ បានលើកឡើងថា ពិធីបើកយុទ្ធនាការផ្សព្វផ្សាយព័ត៌មានខាងលើនេះ តាមរយៈការិយាល័យច្រកចេញចូល
តែមួយស្របតាមប្រកាសអន្តរក្រសួងចុះ ថ្ងៃទី២ ខែធ្នូ ឆ្នាំ២០១៣ រវាងក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុ ស្តីពីការផ្តល់សេវារដ្ឋបាល
នៅរដ្ឋបាលថ្នាក់ក្រោមជាតិ ក្រោយពីអគារការិយាល័យច្រកចេញចូលតែមួយ និងការិយាល័យប្រជាពលរដ្ឋត្រូវបានសម្ពោធ និងបើកឱ្យដំណើរការ
ជាផ្លូវការកាលពីថ្ងៃទី៩ខែមេសាឆ្នាំ២០១៤ ក្រោមអធិបតីភាពឯកឧត្ដម ឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ។
លោកអភិបាលខណ្ឌបន្តថា ការិយាល័យច្រកចេញចូលតែមួយខណ្ឌមានជ័យត្រូវបានបង្កើតឡើង ក្នុងគោលបំណងសំខាន់ៗ៖
១.ដើម្បីលើកកំពស់អភិបាលកិច្ចល្អ,ការកែទម្រង់ ប្រព័ន្ធរដ្ឋបាលដោយពង្រឹងវិសាលភាពសេវាកម្មដែលផ្តល់ដោយរដ្ឋបាលខណ្ឌ អោយបាន
ទូលំទូលាយ តាមរយៈការប្រមូលផ្តុំសេវាទាំងអស់ក្នុងក្របខណ្ឌសមត្ថកិច្ចរបស់ខណ្ឌដែលត្រូវផ្តល់ជូនអតិជននៅកន្លែងតែមួយ
២.កែលំអការផ្តល់សេវារដ្ឋបាល កាត់បន្ថយអំពើពុករលួយ និងការបង្កើនការជឿទុកចិត្តពីប្រជាពលរដ្ឋលើប្រព័ន្ធរដ្ឋបាលខណ្ឌ
៣.លើកកំពស់ការចូលរួមរបស់ប្រជាពលរដ្ឋក្នុងការផ្តល់មតិយោបល់ និងការរិះគន់ ស្ថាបនា ដើម្បីកែលំអការអនុវត្តប្រព័ន្ធរដ្ឋបាលរបស់ខណ្ឌ
៤.បង្ខិតរដ្ឋបាលខណ្ឌឱ្យនៅគ្រៀកនិងប្រជាពលរដ្ឋ បង្កភាពងាយស្រួលក្នុងការផ្តល់សេវាជូនប្រជាពលរដ្ឋឱ្យបានឆាប់រហ័ស ប្រកប ដោយបសិទ្ធភាព តម្លាភាព ឆ្លើយតបទាន់ពេលវេលាទៅនឹងសេចក្តីត្រូវការរបស់ប្រជាពលរដ្ឋ៕
អត្ថបទដកស្រង់ចេញពីគេហទំព័រអគ្គនាយកដ្ឋានវិទ្យុ និងទូរទស្សន៍បាយ័ន