ខេត្តកំពង់ធំ៖ ការអភិវឌ្ឍហេដ្ឋារចនាសម្ព័ន្ធ គឺជាសមាសធាតុសំខាន់មួយរបស់គម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ចជំហាន២ (LASED II) ចាប់ពីឆ្នាំ២០១៦ ដល់ឆ្នាំ២០២១ នៅក្នុងទីតាំងដីសម្បទាន សង្គមកិច្ចទាំង១៤កន្លែង នៅក្នុងខេត្តគោលដៅទាំង៥ រួមមានខេត្តកំពង់ឆ្នាំង កំពង់ស្ពឺ កំពង់ធំ ត្បូងឃ្មុំ និងក្រចេះ ដែលអនុវត្តគម្រោង LASED II។ ជាក់ស្តែង សម្បទានិកចំនួន៧៧៦គ្រួសារ ដែលទទួលបានវិញ្ញាបនបត្រសម្គាល់ម្ចាស់អចលវត្ថុ កាលពីខែមីនា ឆ្នាំ២០១៨ បាននឹងកំពុងរស់នៅអាស្រ័យផលលើដីសម្បទានសង្គមកិច្ច ដែលពួកគាត់បានទទួល ស្ថិតក្នុងឃុំទីពោ ស្រុកសន្ទុក ខេត្តកំពង់ធំ កំពុងទទួលបានផលប្រយោជន៍យ៉ាងច្រើនពីការអភិវឌ្ឍហេដ្ឋារចនាសម្ព័ន្ធនានារបស់គម្រោង។
“អត់ផ្លូវ ដូចយកពលរដ្ឋទៅទុកចោលក្នុងព្រៃ អីចឹង” នេះជាការលើកឡើងរបស់លោក ប៉ែន តូ ដែលជាសមាជិកក្រុមប្រឹក្សាឃុំទីពោ ស្រុកសន្ទុក ខេត្តកំពង់ធំ ដែលកាលពីមុនលោកជាប្រជាពលរដ្ឋក្រីក្រ និងគ្មានដីនៅឃុំពីពោ បន្ទាប់មកលោកត្រូវបានជ្រើសរើសជាសម្បទានិកនៅឃុំទីពោតំបន់១ និងធ្លាប់ជួយសម្របសម្រួលការងារគម្រោង LASED នៅដំណាក់កាលសាកល្បងដែលមានតួនាទីជាជំនួយការស្មៀនឃុំ។ លោក ប៉ែន តូ បានរៀបរាប់ទាំងទឹកមុខស្ងួតថា “កាលពីមិនទាន់មានគម្រោង LASED ផ្លូវចូលទៅកាន់ទីតាំងដីនោះតូច ចូលតែរទេះគោមួយស្ទើរតែមិនរួច ហើយការធ្វើដំណើរក៏ចំណាយពេលយូរដែរ ពេលខ្លះត្រូវដេកពាក់កណ្តាលផ្លូវក៏មាន តែពេលនេះ ទៅមកទីនោះ យើងមិនបាច់ដេកផ្លូវទេ”។ លោកកំពុងនិយាយពីផ្លូវមេគ្រួសក្រហមមួយខ្សែប្រវែងជាង១១គីឡូម៉ែត្រ ដែលស្ថាបនាដោយគម្រោង LASED II ដែលតភ្ជាប់ពីផ្លូវគ្រួសក្រហមរបស់ឃុំទីពោ ចូលទៅទីតាំងដីសម្បទានសង្គមកិច្ច។ លោកបានបន្ថែមថា ផ្លូវនេះមិនត្រឹមតែបម្រើឱ្យការធ្វើដំណើររបស់ប្រជាពលរដ្ឋទៅកាន់ទីតាំងដីសម្បទានសង្គមកិច្ចប៉ុណ្ណោះទេ ថែមទាំងជាផ្លូវដែលតភ្ជាប់ទៅឃុំផ្សេងៗទៀត ហើយវាក៏បម្រើជាប្រយោជន៍ដល់ប្រជាពលរដ្ឋទូទៅផងដែរ។ លោកបន្ថែមថា “ផ្លូវមេគ្រួសក្រហមនេះ ជាផ្លូវសម្រាប់ដឹកកសិផល ដឹកបញ្ជូនអ្នកជំងឺ ឬស្ត្រីមានផ្ទៃពោះទៅមណ្ឌលសុខភាព និងងាយស្រួលក្នុងការធ្វើទំនាក់ទំនងគ្នាទៅវិញទៅមក”។
“បានមករស់នៅលើដីថ្មីនេះ ដូចខ្ញុំបានកើតម្តងទៀតអីចឹង!“ នេះជាការលើកឡើងរបស់…
សូមទាញយកអត្ថបទទាំងមូលខាងក្រោម៖
Result Story-Infrastructure Development-Tipo-June 2018_Final