រាជធានីភ្នំពេញ៖ ផ្នែកលទ្ធកម្មរបស់គម្រោង LASED II នៃលេខាធិការដ្ឋានគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប) បានរៀបចំកិច្ចប្រជុំណែនាំស្តីពីនីតិវិធីលទ្ធកម្មកម្រិតសហគមន៍របស់គម្រោង LASED II ជាមួយនឹងមន្ត្រីលទ្ធកម្ម ទីប្រឹក្សាប្រតិបត្តិ និងក្រុមប្រឹក្សាឃុំដែលស្ថិតនៅក្នុងខេត្តគោលដៅទាំងប្រាំ និងឃុំគោលដៅទាំង១២ របស់គម្រោង LASED II ដែលមានសមាសភាពចូលរួមសរុបចំនួនប្រមាណ៣០រូប កាលពីព្រឹកថ្ងៃពុធ ៣រោច ខែពិសាខ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២ ខែឧសភា ឆ្នាំ២០១៨ នៅសាលប្រជុំរបស់លេខាធិការដ្ឋាន គ.ជ.អ.ប។
កិច្ចប្រជុំនេះផ្តោតលើប្រធានបទសំខាន់ៗចំនួនបី រួមមាន៖
១).ដំណើរការនៃការរៀបចំគណៈកម្មការលទ្ធកម្មសម្រាប់សហគមន៍ លិខិតបទដ្ឋានគាំទ្រ និងផែនការបន្ត
២).ផែនការលទ្ធកម្មទំនិញ និងហេដ្ឋារចនាសម្ព័ន្ធសម្រាប់ថ្នាក់ឃុំ និងផែនការបន្ត
៣).ផែនការលទ្ធកម្ម និងផែនការបន្ត។
ខ្លឹមសារសំខាន់ៗនៃនីតិវិធីលទ្ធកម្មកម្រិតសហគមន៍របស់គម្រោង LASED II រួមមាន៖ គោលការណ៍របស់លទ្ធកម្ម
- ការបង្កើតគណៈកម្មការលទ្ធកម្ម
- តួនាទី និងការទទួលខុសត្រូវរបស់គណៈកម្មការលទ្ធកម្ម
- ប្រភេទលទ្ធកម្ម និងកិច្ចសន្យា
- វិធីសាស្ត្រលទ្ធកម្ម និងកម្រិតលទ្ធកម្ម
- ផែនការលទ្ធកម្ម
- ការរៀបចំឯកសារដេញថ្លៃ ការបើកសំណើដេញថ្លៃ ការវាយតម្លៃសំណើដេញថ្លៃ
- ជំហាន និងការរៀបចំលទ្ធកម្ម
- កិច្ចសន្យា និងការគ្រប់គ្រងកិច្ចសន្យា និង
- ការរក្សាទុកឯកសារ
ការរៀបចំកិច្ចប្រជុំនេះសំដៅបង្កើនការយល់ដឹងដល់មន្ត្រីលទ្ធកម្ម ទីប្រឹក្សាប្រតិបត្តិ និងក្រុមប្រឹក្សាឃុំក្នុងការរៀបចំបង្កើតក្រុមការងារលទ្ធកម្មកម្រិតសហគមន៍ ដើម្បីធ្វើឱ្យប្រសើរឡើងនូវការអនុវត្តនីតិវិធីលទ្ធកម្មប្រកបដោយប្រសិទ្ធភាព និងភាពស័ក្តិសិទ្ធិ។
