កិច្ចប្រជុំពិភាក្សានេះ មានការអញ្ជើញចូលពីឯកឧត្តម លោកជំទាវ ថា្នក់ដឹកនាំ និងមន្រ្តីនៃលេខាធិការដ្ឋាន គ.ជ.អ.ប. សរុបអ្នកចូលរួមប្រមាណ ១៥រូប (ស្រ្តី៩ រូប)ក្នុងគោលបំណង

•ពិភាក្សាអំពីវឌ្ឍនភាពនៃការអនុវត្តគម្រោង/កម្មវិធីនានាក្រោមហិរញ្ញប្បទានរបស់មូលនិធិអាកាសធាតុបៃតង

•ពង្រឹងកិច្ចសហការរវាងមូលនិធិអាកាសធាតុបៃតងនិងលេខាធិការដ្ឋានគ.ជ.អ.ប. និងការពិភាក្សាទៅលើសំណើគម្រោង/កម្មវិធីថ្មីៗរួមមាន កម្មវិធី Readiness DAE ថ្មី(២០២៦-២០២៩) និងគម្រោងផលប៉ះពាល់នៃរលកកំដៅលើសុខភាព និងការពង្រឹងភាពធន់នៅក្នុងរាជធានីភ្នំពេញ។ 

ក្នុងឱកាសនោះ ក្រុមការងារនៃលេខាធិការដ្ឋាន គ.ជ.អ.ប. បានធ្វើបទបង្ហាញសង្ខេបជូនតំណាងមូលនិធិអាកាសធាតុបៃតង (GCF ) មានដូចជា៖

- បទបង្ហាញសង្ខេបអំពីកម្មវិធី Readiness KHM-011 ស្ដីពីការអភិវឌ្ឍហិរញ្ញប្បទានអាកាសធាតុសម្រាប់រដ្ឋបាលថ្នាក់ក្រោមជាតិនៅកម្ពុជា

- បទបង្ហាញគម្រោង រដ្ឋបាលមូលដ្ឋាន និងការប្រែប្រួលអាកាសធាតុជំហានទី៣ (LGCC-3)

- បទបង្ហាញសំណើកម្មវិធី Readiness DAE ថ្មី(២០២៦-២០២៩)

បទបង្ហាញពីឯកសារទស្សនទានគម្រោងផលប៉ះពាល់នៃរលកកំដៅលើសុខភាព និងភាពធន់នៅក្នុងរាជធានីភ្នំពេញ៕