វគ្គបណ្តុះបណ្តាលនេះ មានគោលបំណងដើម្បីពង្រឹងនិងអភិវឌ្ឍន៍សមត្ថភាពដល់គ្រូបង្គោលថ្នាក់ខេត្ត និងថ្នាក់ក្រុង ស្រុក ពាក់ព័ន្ធនឹងការអនុវត្តសាល្បងវដ្ដសកម្មភាពប្រចាំឆ្នាំថ្មី នៃ​ការងារ​គណនេយ្យភាព​សង្គម​សម្រាប់​ធ្វើការ​បណ្តុះ​បណ្តាល​ និង​គាំទ្រ​បច្ចេកទេស​បន្ត​ ដល់​អង្គភាព​ផ្តល់​សេវា​ក្នុង​ការ​ធានា​ឱ្យ​ការអនុវត្ត​ការងារ​គណនេយ្យ​ភាព​សង្គម​អាច​បន្ស៊ី​ក្រប​ខណ្ឌ​ពេលវេលា​ជាមួយ​នឹង​ដំណើរ​ការ​កសាង​កម្មវិធី​វិនិយោគបី​ឆ្នាំរំកិល​ឃុំ​ សង្កាត់​។​

សូមគូសបញ្ជាក់ផងដែរថា ការអនុវត្តការងារគណនេយ្យភាពសង្គមនាពេលកន្លងមក បានចូលរួមចំណែក និងជំរុញឱ្យការអនុវត្តកម្មវិធីកំណែទម្រង់វិមជ្ឈការ និងវិសហមជ្ឈការ មាន​ការវិវឌ្ឍ​ទៅមុខ​តាម​ជំហានៗជាបន្តបន្ទាប់ និងសម្រេចបានសមិទ្ធផលសំខាន់ៗ ជាច្រើនគួរឱ្យគត់សម្គាល់មានជាអាទិ៍៖

-ពង្រឹង និងពង្រីកការផ្សព្វផ្សាយព័ត៌មាន និងចំណេះដឹងអំពីសិទ្ធិ ស្តង់ដាបំពេញការងារ និង​ការប្រើប្រាស់​ថវិកា​របស់អង្គភាពផ្តល់សេវាជូនសាធារណជន ជាពិសេសក្រុមជនងាយរងគ្រោះ

-បង្កើន និងលើកកម្ពស់ការចូលរួមរបស់ប្រជាពលរដ្ឋក្នុងត្រួតពិនិត្យ តាមដាន និង​ផ្តល់​យោបល់​លើ​ដំណើរ​ការ​ផ្តល់​សេវា​សាធារណៈ​ និងកសាងផែនការនៅមូលដ្ឋាន

-ឆ្លើយតបទៅនឹងសំណើ សំណូមពរ និងតម្រូវការរបស់ប្រជាពលរដ្ឋ ដើម្បី​កែលម្អ​ការ​ផ្តល់​សេវា​សាធារណៈ​ឱ្យ​កាន់​តែ​ប្រសើរ​ឡើង​ប្រកបដោយគុណភាព ប្រសិទ្ធភាព តម្លាភាព គណនេយ្យភាព បរិយាបន្ន និង​សមធម៌​សង្គម​

-ពង្រឹងទំនាក់ទំនងយ៉ាងជិតស្និទ្ធ និងកសាងនូវទំនុកចិត្តយ៉ាងល្អប្រសើររវាងក្រសួង ស្ថាប័នថ្នាក់ជាតិ ដៃគូអភិវឌ្ឍន៍ អង្គការសង្គមស៊ីវិល រដ្ឋបាលថ្នាក់ក្រោមជាតិ និងប្រជាពលរដ្ឋ

-លើកកម្ពស់ការផ្ដល់សេវាសាធារណៈ និង​ផ្លាស់​ប្តូរ​ឥរិយាបថ​អ្នក​ផ្តល់​សេវា​ឱ្យ​ក្លាយ​ជា​អ្នក​ផ្តល់​សេវា​ប្រកប​ដោយ​ប្រសិទ្ធ​ភាព​ និង​

-រួមចំណែកក្នុងការរៀបចំគោលនយោបាយ និង​លិខិត​បទដ្ឋាន​របស់​រាជរដ្ឋាភិបាល​កម្ពុជា​ពាក់ព័ន្ធ​នឹង​អភិបាល​កិច្ច​នៅ​មូលដ្ឋាន​។