លេខាធិការដ្ឋាន គ.ជ.អ.ប.៖ថ្ងៃចន្ទ ១៥កើត ខែមាឃ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២ ខែកុម្ភៈ ឆ្នាំ២០២៦ ឯកឧត្តម ឆេង វឌ្ឍនៈ អនុ​ប្រធាន​លេខាធិការ​ដ្ឋាន​ គ.ជ.អ.ប. តំណាង​ដ៏​ខ្ពង់ខ្ពស់​ឯកឧត្តម ចាន់ សុធា រដ្ឋ​លេខាធិការ​ក្រសួង​មហាផ្ទៃ​ និង​ជា​ប្រធាន​លេខាធិការ​ដ្ឋាន​ គ.ជ.អ.ប. ទទួល​ជំនួប​ពិភាក្សា​ជាមួយលោក Michele Paba តំណាងអង្គការ Unicef និងលោកស្រី Ada Moadsiri តំណាងអង្គការសុខភាពពិភពលោក (WHO) ស្តីពីកិច្ចការភាពជាដៃគូក្នុងការរៀបចំកម្មវិធីវិនិយោគសេវាសុខាភិបាលដែលធន់ទៅនឹងការប្រែប្រួលអាកាសធាតុនៅរដ្ឋបាលថ្នាក់ក្រោមជាតិ៕

ក្នុងឱកាសនោះដែរ កិច្ចជំនួបមានការអញ្ជើញចូលរួមពីក្រុមការងារលេខាធិការដ្ឋាន គ.ជ.អ.ប. និងតំណាងអង្គការដៃគូ សរុបចំនួន ៧រូប (ស្ត្រី ០២រូប) ដែលបានចូលរួមពិភាក្សា ផ្លាស់ប្តូរយោបល់ និងបង្ហាញការប្តេជ្ញាចិត្ត ក្នុងការបន្តកិច្ចសហការជាមួយគ្នា ឲ្យកាន់តែមានប្រសិទ្ធភាពនាពេលអនាគត៕