កិច្ចប្រជុំពិគ្រោះយោបល់ស្តីពីការរៀបចំគម្រោងអភិវឌ្ឍន៍សេដ្ឋកិច្ចកសិករខ្នាតតូចដែលធន់នឹងអាកាសធាតុSmallholder Resilient Economic Development Sector Project (SRED-SP)

១៣ កញ្ញា ២០២៥

លេខាធិការដ្ឋាន គ.ជ.អ.ប.៖ថ្ងៃសុក្រ ៥ រោច ខែភទ្របទ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១២ ខែកញ្ញា ឆ្នាំ២០២៥ ឯកឧត្តម នី គឹមសាន អនុរដ្ឋលេខាធិការក្រសួងមហាផ្ទៃ និងជាអនុប្រធានលេខាធិការដ្ឋាន គ.ជ.អ.ប. តំណាងដ៏ខ្ពង់ខ្ពស់ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប.បានអញ្ជើញបិទកិច្ចប្រជុំពិគ្រោះយោបល់ស្តីពីការរៀបចំគម្រោងអភិវឌ្ឍន៍សេដ្ឋកិច្ចកសិករខ្នាតតូចដែលធន់នឹងអាកាសធាតុ Smallholder Resilient Economic Development Sector Project (SRED-SP) ដែលមានរយៈពេល៤ថ្ងៃចាប់ពីថ្ងៃទី៩- ១២ ខែកញ្ញា ឆ្នាំ២០២៥ ក្នុងនោះក៏មានការចូលរួមពីប្រធានក្រុមការងារសម្របសម្រួលគម្រោង TSSD-AF ចូលរួមប្រជុំតាម Zoom ជាមួយក្រុម បេសកកម្ម របស់មន្ត្រីធនាគារអភិវឌ្ឍន៍អាស៊ី (ADB) និងក្រុមទីប្រឹក្សា Landell Mills Consultants ។

កិច្ចប្រជុំពិគ្រោះយោលបល់ ក្នុងគោលបំណង (១) កំណត់លក្ខខ័ណ្ឌការងារជំនួយបច្ចេកទេស (TA) (២) ធានាថាភាគី ទាំងអស់យល់ពីលទ្ធផលជំនួយបច្ចេកទេស (TA) (៣) បញ្ជាក់ការគាំទ្រពីដៃគូ (៤) ផ្តួចផ្តើមរៀបចំសេចក្តីព្រាងរបាយការណ៏ និងផែនការការងារ នៃខេត្តគោលដៅគម្រោងមាន ខេត្តបាត់ដំបង បន្ទាយមានជ័យ សៀមរាប កំពង់ធំ កំពង់ចាម និងខេត្តព្រៃវែង ។ កិច្ចប្រជុំនេះដែលក៏មានការអញ្ជើញចូលរួមពីរក្រុមបេសកកម្ម (ADB) ក្រុមទីប្រឹក្សា Landell Mills Consultants មន្ត្រីក្រសួងសេដ្ឋកិច្ច និងហិរញ្ញាវត្ថុ ក្រុមការងារគម្រោងនៃលេខាធិការដ្ឋាន គ.ជ.អ.ប. ក្រុមការងារគាំទ្រគម្រោង TSSD-AF និងតាមរយៈប្រព័ន្ធបញ្ជូនរូបភាព និងសម្លេងពីចម្ងាយ Zoom ចំនួនសរុប២៩រូប (ស្រី៧រូប)។