១២ កញ្ញា ២០២៥
,58
សាលាខេត្តកំពង់ស្ពឺ៖ ចាប់ពីថ្ងៃទី១១-១២ ខែកញ្ញា ឆ្នាំ២០២៥ លេខាធិការដ្ឋាន គ.ជ.អ.ប. បានចូលរួមក្នុងវេទិកាឆ្លុះបញ្ចាំងរបស់អ្នកសម្របសម្រួលគណនេយ្យភាពសហគមន៍ប្រចាំឆ្នាំ ក្រោមអធិបតីភាពលោកជំទាវ ជិនសំនៀង សមាជិកក្រុមប្រឹក្សាខេត្តកំពង់ស្ពឺ ឯកឧត្តម តូច ប៉ូលីវ៉ា អភិបាលរងនៃគណៈអភិបាលខេត្តកំពង់ស្ពឺ និងលោក សុខ ជឿន អនុប្រធានអង្គភាព ត្រួតពិនិត្យ វាយតម្លៃ និងព័ត៌មាន នៃលេខាធិការដ្ឋាន គ.ជ.អ.ប.។
វេទិកានេះរៀបចំឡើងក្នុងគោលបំណងដើម្បីឆ្លុះបញ្ចាំងអំពីវឌ្ឍនភាពបញ្ហាប្រឈមដំណោះស្រាយ និងផ្តល់ឱកាសដល់អ្នកចូលរួមបានចែករំលែកបទពិសោធន៍ការរៀនសូត្រនិងផ្លាស់ប្តូរចំណេះដឹងស្តីពីការអនុវត្តការងារគណនេយ្យភាពសង្គមផ្នែកតម្រូវការនិងផ្នែកផ្គត់ផ្គង់។
វេទិកានេះមានសមាសភាពចូលរួមពីតំណាងលេខាធិការដ្ឋានគ.ជ.អ.ប.រដ្ឋបាលខេត្តកំពង់ស្ពឺរតនាគារខេត្តមន្ទីរអប់រំមន្ទីរសុខាភិបាលមន្ទីរពាក់ព័ន្ធបុគ្គលិកអង្គការទស្សនៈពិភពលោកអន្តរជាតិនិងអ្នកសម្របសម្រួលគណនេយ្យភាពសហគមន៍សរុបចំនួន៤៨៥រូប ស្រី២៣៥រូប។
ស្ថិតក្នុងបរិវេណក្រសួងមហាផ្ទៃ អគារ (V) មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា
(+855) 78 575 775
info@ncdd.gov.kh
