កិច្ចប្រជុំ ការចុះសិក្សាស្វែងយល់អំពីស្ថានភាពនៃការរៀបចំ និងការប្រព្រឹត្តទៅនៃរចនាសម្ព័ន្ធ ប្រព័ន្ធគ្រប់គ្រង និងមុខងាររបស់រដ្ឋបាលខេត្ត និងរដ្ឋបាលក្រុង ស្រុកនៃខេត្តស្វាយរៀង

១០ កញ្ញា ២០២៥

ខេត្តស្វាយរៀង៖ នាថ្ងៃអង្គារ ២រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៩ ខែកញ្ញា ឆ្នាំ២០២៥ ឯកឧត្តម សក់ សេដ្ឋា ទេសរដ្ឋមន្ដ្រីទទួលបន្ទុកបេសកកម្មពិសេស និងជាអនុប្រធានអចិន្ដ្រៃយ៍នៃ គ.ជ.អ.ប.តំណាងដ៏ខ្ពង់ខ្ពស់ឯកឧត្តមអភិសន្ដិបណ្ឌិត ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធាន គ.ជ.អ.ប. បានចុះសិក្សាស្វែងយល់អំពីស្ថានភាពនៃការរៀបចំ និងការប្រព្រឹត្តទៅនៃរចនាសម្ព័ន្ធ ប្រព័ន្ធគ្រប់គ្រងនិងមុខងាររបស់រដ្ឋបាលខេត្តនិងរដ្ឋបាលក្រុងស្រុក នៃខេត្តស្វាយរៀងដើម្បីជាមូលដ្ឋានក្នុងការវិភាគ និងកំណត់ជម្រើសនានាដែលមានលក្ខណៈសមស្របសម្រាប់រដ្ឋបាលថ្នាក់ក្រោមជាតិនីមួយៗសំដៅធានាដល់ការជំរុញការអភិវឌ្ឍសេដ្ឋកិច្ច-សង្គមការផ្តល់សេវាសាធារណៈនិងការដោះស្រាយបញ្ហាប្រឈមនានានៅតាមមូលដ្ឋានប្រកបដោយប្រសិទ្ធភាព។

ការចុះសិក្សាស្វែងយល់ នាថ្ងៃនេះក្រុមការងារអន្ដរក្រសួងបានជួបពិភាក្សាជាមួយថ្នាក់ដឹកនាំ និងមន្ដ្រីជំនាញនៃរដ្ឋបាលក្រុងបាវិត និងរដ្ឋបាលស្រុកស្វាយជ្រំ និងបានទទួលធាតុចូលកាន់តែច្រើនក្នុងការឆ្លុះបញ្ចាំងវិភាគ និងពិចារណាលើជម្រើសនានាសម្រាប់ការរៀបចំរដ្ឋបាលថ្នាក់ក្រោមជាតិឱ្យស្របតាមគោលការណ៍រដ្ឋបាលឯកភាពអភិបាលកិច្ចតាមបែបប្រជាធិបតេយ្យ និងឱ្យស្របតាមប្រភេទនិងចរឹកលក្ខណៈរបស់រដ្ឋបាលថ្នាក់ក្រោមជាតិនីមួយៗ។

Facebook Telegram 𝕏Twitter LinkedIn

បណ្ដុំរូបភាព

ព្រឹត្តិការណ៍ថ្មីៗ

វេទិកាឆ្លុះបញ្ចាំងប្រចាំឆ្នាំរបស់អ្នកសម្របសម្រួលគណនេយ្យភាពសហគមន៍

១៣ កញ្ញា ២០២៥

កិច្ចប្រជុំពិគ្រោះយោបល់ស្តីពីការរៀបចំគម្រោងអភិវឌ្ឍន៍សេដ្ឋកិច្ចកសិករខ្នាតតូចដែលធន់នឹងអាកាសធាតុSmallholder Resilient Economic Development Sector Project (SRED-SP)

១៣ កញ្ញា ២០២៥