កិច្ចប្រជុំនេះបានផ្តោតលើការពិភាក្សា និងផ្តល់ធាតុចូលលើឯកសារសំខាន់ៗ រួមមាន៖ (១) ផែនការចាកចេញ (Exit Plan) (២) យុទ្ធសាស្ត្រនិរន្តរភាពការងារគណនេយ្យភាពសង្គមថ្នាក់ឃុំ សង្កាត់ និង (៣) ផែនការអនុវត្តគណនេយ្យភាពសង្គម ដំណាក់កាលទី៣ ដែលកំពុងរៀបចំឡើង ដើម្បីធានានូវភាពជាម្ចាស់ របស់ក្រសួង ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ និង ការបំពេញការងារអ្នកស្ម័គ្រចិត្តសម្របសម្រួលការងារគណនេយ្យភាពសហគមន៍(CAF) ក្នុងការអនុវត្តការងារគណនេយ្យភាពសង្គមបានប្រកបដោយប្រសិទ្ធភាព និងនិរន្តរភាពស្របតាមគោលបំណងនៃកម្មវិធីជាតិ ដំណាក់កាលទី២របស់រាជរដ្ឋាភិបាលកម្ពុជា។

សូមគូសបញ្ជាក់ថាឯកសារបច្ចេកទេសទាំង៣ខាងលើនេះ ទទួលបានការគាំទ្រពីរដ្ឋាភិបាលអូស្ត្រាលី តាមរយៈមូលនិធិបរធនបាលកិច្ច (Trust Fund) ដែលសម្របសម្រួលដោយធនាគារពិភពលោក ដោយមានការសហការ រៀបចំយ៉ាងជិតស្និទ្ធរវាង ក្រុមការងារបច្ចេកទេសនៃផ្នែកផ្គត់ផ្គង់ និងផ្នែកតម្រូវការ៕